2 Timoti 2:10 - Dadiya NT

¹⁰ A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

2 Timoti 2:10 ပူးပေါင်းရင်းမြစ်များ

Matta 24:22

Na ja mwatɨm bɔ kumtɨn nɨɨ, na mɨ nǝfili nɨ wo bʊʊ lɛɨ. Jʊ a bwɨ ja mwatɨm kumtɨn nɨɨ, n nǝb nɨ ja jǝgamɨ.

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Matta 24:31

Twam twam bɛtɔ twama gǝnɔ sǝ ja guu jum nɨ nǝn diil dʊʊn, sǝ ja mʊr nǝb nɨ ja jǝgamɨ, jʊ a tǝl a twal a bɛ nǝn a diyengi, jǝbɔ gǝlalǝng a bɛ nǝn a gwilʌngi, jʊ a tǝl a dʌbʌl kwama a yɔ nǝn a kaa gwanga a dʌbʌl kwamaɨ.

Luka 18:7

Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka?

Luka 22:57

Bitrus a kana gɔ, “Nɔɔlɨ, mǝ nyǝm gǝn bɔ.”

Yohana 11:52

Yesu mɨsɔ bʊla lɛ a dul Yahudawagɨɨ kwaaji. Bʊla bʊla tag, sǝ a mʊr bɛtɔ lɔ Kwaamaɨ wʊnɨ ja kwɨya tǝmɔ nǝn kwanɨ, sǝ ja yǝlam win.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Yohana 17:9

“Keligɔ mǝ maa lɛɨ, mǝ maa a dul ji. Mǝ maa bɔ yooligɔ gǝm keli. Mǝ maa a dul nǝb nɨ mʊ nɨ ɨɨ, jʊ a bwɨɨ jǝ na a mɔ.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Roma 9:23

N jǝlatǝm gǝn a nǝ shilo dʊʊlǝn gǝnɔ a nǝb nɨ ga ji bʊnǝn jini, nǝb nɨ ga maa jim gola nyatǝm dʊʊlǝn nǝn tɨkǝgaɨ.

1 Korinti 1:21

Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.

1 Korinti 9:22

A nǝb nɨ a gɨyaɨ, n yǝlam na nʊ nɨ a gɨya gɨyaɨ, sǝ n gʊ nǝb nɨ a gɨyaɨ a daa Kiristi woi. N yǝlam jǝl gwam a daagɔ nǝbɔ woi gwam, na gǝ wɛ dwalɨ sǝ n bʊʊ nǝn kaamɨ.

2 Korinti 1:6

Na jǝ nǝ nǝn gaalan nɛɨ, nǝn nɔɔ gaalan a kɛl dul jen sǝ a yǝlam jem jǝ yʌbtǝm nǝl jǝbɔ bʊʊtǝm. Na ja yʌb nǝm nǝlɨ, jǝ́ nya yʌbtǝm nǝl tʌjen, wʊnɨ dǝg jen nɛ jǝ́ bwa nǝl tʌjen a gaalan nɨ nǝn nɔɔ lɛɨ.

2 Korinti 12:15

Mǝ jʌ jʌ jǝ kang mǝndɨ gwam, jǝbɔ kumtɨn mǝndɨ gwam, nǝn fulotǝm nǝl a kɛl dul jen. Na n sʊtǝn swɨtǝm jeni, jǝ́ shig shig swɨtǝm mǝndɨ ka?

2 Korinti 4:15

Jʊ nɨ gwam yǝlam jǝ tɨkalɨ jen, sǝ lǝma Kwaamaɨ a bɛ a nǝbɔ gǝm a lada. N gola nɨ bɛ lɛ nǝn buutǝm kang a lada a daagɔ Kwaama woi, sǝ Kwaama a nya dʊʊlǝn.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Afisa 3:13

A dul kɛl nɨɨ, mǝ kela jen nɛ ka jǝ́ gʊ lɛ nǝn gul a kuwotǝm gaalanɔ mǝ nɔɔ lɛ a kɛl dul jeni. Jʊ nɨ n dʊʊlǝn jen.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

2 Timoti 1:1

Nǝmǝ mǝ Bulus bwɛ twama Kiristi Yesui nǝn jǝlatǝm Kwaamaɨ, sǝ n sʊwa swatǝm yaa kʊlɨ nɨ a mʊgɔ Kiristi Yesui.

2 Timoti 2:1

A mʊnɔ bʊla mɨ, bɛ ń tɨ nǝn kwaan a gola lǝma a mʊgɔ Kiristi Yesui.

2 Timoti 2:3

Bɛ ń kʊ nǝl jǝbɔ nǝn a nɔɔtǝm gaalanɔ gǝm, na sʊwajaam nya a Kiristi Yesui.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

1 Bitrus 2:10

Galɨgǝn jǝ́ ke bɔ nǝbɔ wini, kǝngkɔ jǝ́ nǝbam Kwaamaɨ. Galɨgǝn jǝ́ yo bɔ bʊnatǝm gǝnɔ, kǝngkɔ jǝ́ yo bʊnatǝm gǝnɔ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.