2 Timoti 1:8 - Dadiya NT

⁸ A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.

2 Timoti 1:8 ပူးပေါင်းရင်းမြစ်များ

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Luka 9:26

Na nʊ nɨ a nyʊwa gunidul mɨɨ jǝbɔ kɛl mǝndɨ, Bʊla Nǝlɨ nyʊwa nyʊwa gunidul gǝnɔ tǝgǝn nǝn kwama nɨ yǝla bɛm lɛ nǝn dʊʊlǝn gǝnɨ, jǝbɔ dʊʊlǝn Tɛtɛ gɨɨ, jǝbɔ a bɛtɔ twama Kwaamaɨ sagsagɨ.

Yohana 15:27

Jen tʌjen jǝ́ nǝb nǝtǝm nyiyo, jʊ a bwɨɨ, jǝ́ dakini jǝbɔ mǝ a tǝltǝmɔ gǝm.

Yohana 19:35

Nʊ nɨ a kuwo jʊ nɨ a bwɨɨ, nǝn gɔ a nǝ nyiyo a dul gǝnɨ. Nǝtǝm nyiyo gǝnɔ, n bɨlǝngkɛl. Gǝ nǝn dul gǝn a nyǝm gɔ gǝ sʊwa bɨlǝngkɛl, gǝ nǝ nyiyo sǝ jen tʌjen jǝ́ nǝ bɨlǝngkɛl.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Roma 8:36

Kanga a mʊla mʊlaɨ gɔ, “N kɛl dul mʊn bǝn a nyiyo bwaa kwangkwangɨ, ja do bǝn na kwamɨ biyotǝm.”

Roma 9:33

Kanga a mʊla mʊlaɨ sʊwa lɛ gɔ, “N wɔ n ya tɛl fǝtǝm naa a Sihiyona, jǝbɔ sunte nɨ dǝg nǝbɔ lɛ ja yalaɨ. Pʌd nʊ nɨ a nǝ bɨlǝngkɛl a daa gǝ woi, mɨsɔ nyʊwa gunidul lɛ wo.”

1 Korinti 1:6

Jʊ nɨ gǝ nʊng, jʊ mǝ sʊwa jen nɛ a dul Kiristii n bɨlǝngǝn.

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

Afisa 3:1

A dul kɛl nɨ, mǝ Bulus, mǝ bwɛ lɔsomi a kɛl dul Kiristi Yesui, sǝ n tɨka jen jǝ́ Bʌtʌbɔ.

Afisa 3:13

A dul kɛl nɨɨ, mǝ kela jen nɛ ka jǝ́ gʊ lɛ nǝn gul a kuwotǝm gaalanɔ mǝ nɔɔ lɛ a kɛl dul jeni. Jʊ nɨ n dʊʊlǝn jen.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

Filibii 3:10

Swɨtǝm mǝndɨ nǝn gɔ n nyǝm Kiristi, n nyǝm kwaan guntǝm gǝnɔ a bwaaɨ, n nya mʊrkatǝm nǝbɔ gɔ a nɔɔtǝm gaalan gǝnɔ gǝm, n yǝlam na gɔ a bwaa gǝnɔ gǝm,

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

Kolosii 1:11

Bɛ Kwaama a kwam jem nǝl nǝn kwaan dʊʊn gǝnɔ, sǝ jǝ́ bwa nǝl, jǝ́ kʊ nǝl nǝn fulotǝm nǝl.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

1 Tasalonikaɨ 3:4

Nǝn kwama nǝnɔ jeni nǝn sʊwa jen nɛ nǝn gɔ, bǝ nɔɔ nɔɔ gaalan. A ba yǝlam nyɔ kanga jǝ́ nyǝmɨ.

1 Timoti 2:6

nʊ nɨ a nǝ dul gǝnɔ sǝ a jǝg nǝbɔ gwamɨ, wʊnɨ nǝn gɔ n nǝtǝm nyiyogɔ a nǝ a dǝngdǝng kwamagɨɨ.

2 Timoti 1:10

Lǝma nɨ, Kwaama a nʊng bǝn kǝngkɔ a gola bɛtǝm Nǝbʊʊlɨ bǝnɔ Kiristi Yesui, a kalǝm bwaagɨɨ, a nʊng kʊlɨ nɨ mɨ dɨtǝm woi a gola kiyotǝm fulon kɛl lǝmɨ nɨɨ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 1:16

Bɛ Tɛlalɔ a ji bʊnǝn nǝbɔ lɔ Onisifarasɨ, jʊ a bwɨɨ, naagɔ a gǝlala kʊʊ mɨ nǝl lɛ dangǝn, a nyʊwa bɔ gunidul bwatǝmɔ ja maa mɨ a lɔsomii.

2 Timoti 2:3

Bɛ ń kʊ nǝl jǝbɔ nǝn a nɔɔtǝm gaalanɔ gǝm, na sʊwajaam nya a Kiristi Yesui.

2 Timoti 2:8

Bɛ ń bʊʊla nǝn Yesu Kiristi, nʊ nɨ ja gung a bwaaɨ, a guu Daudaɨ, kanga fulon kɛl lǝmɨ nɨ mǝ sʊwa lɛɨ a mɛlaɨ,

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

2 Timoti 4:17

Tɛlalɔ a tɨ a gul mɨ. A nɨ ɨ kwaan sǝ n kiyo fulon kɛl lǝmɨgɔ dangǝn, sǝ Bʌtʌbɔ gwam a nyʊwa. A jǝg ɨ a nyiyo tulʌm.

2 Timoti 4:5

Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

1 Yohana 4:14

Bǝ kuwo, bǝ nǝ nyiyo bǝngɔ Tɛtɛ a twam Bʊla gɔ sǝ a yǝlam Nǝbʊʊlɨ yooligɨɨ.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.

Dʊgam Nyangnyang 1:2

Nǝngɔ Yohana a sʊwa gwam jʊtǝb nɨ a kuwoi. Wʊnɨ nǝn gɔ twamagɔ Yohana a sʊwa nǝbɨɨ. Twama nɨ a jel a daagɔ Kwaama woi, n jʊ Yesu Kiristi a sʊwaɨ, a maaɨ.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”