2 Timoti 1:7 - Dadiya NT

⁷ Kwaama a nǝ bǝn bɔ nǝl taal. A nǝ bǝn nǝl kwaan, jǝbɔ nǝl swɨkan jǝbɔ nǝl tatǝm dul.

2 Timoti 1:7 ပူးပေါင်းရင်းမြစ်များ

Luka 10:19

N nǝ jen kwaan jǝ́ fala sɔɔtɨnɔ jǝbɔ dǝnatɨnɔ. N nǝ jen kwaan a dul Mammɨ. Mɨ nǝn jʊ nɨ ke jen nɛɨ.

Luka 15:17

“A gulɔ gǝmɨ, nǝngɔ a yǝla a bʊʊlalɨ gǝnɔ gǝmɨ, a sʊwa gɔ, ‘Nǝb maajɨ tɛtɛ mɨɨ gwam jinɔ jǝ maam fanyal lɛ nǝn jǝjalǝnɔ. Wɔ mǝ bʊla lɛ fɔ nǝn jʊwan!

Luka 24:49

Ya mǝ twam jen twam jʊ Tɛtɛ mɨ a maa jem swatǝm yaaɨ. Jǝ́ yɨ fɔ a mʊgɔ Urushalima, ba la nǝn kwama Kwaama nǝ jen kwaan nɨ lɛ bɛ lɛ a dʌbʌli.”

Luka 8:35

Nǝbɔ a jel ba kuwo jʊ nɨ a bwɨɨ. Nǝngɔ ja bɛ a daa Yesu woi, ba ja nya nʊ nɨ nǝblaamɔ a jelʌm a bʊtɔ gǝnɨ, yǝm a kǝga Yesui gǝm. A dʊʊ dwang nyanɔ. Dul gǝnɔ kwamɨgǝn. Nǝngɔ taalɔ a ta jii.

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 21:13

Nǝngɔ Bulus a jǝla gɔ, “N wɛ a bwɨ jǝ́ maa lɛ nyɨɨ? Jǝ́ ji wi lɛ, jǝ́ nɨ ɨ fitǝm nǝl lɛɨ? N kwɛl n fɛka fɛkaɨ, ke bɔ bwatǝm kwaagɔ, jǝ jʌ i jʌ i a Urushalima a kɛl dun Tɛlalɔ Yesui.”

Maajɨ Bɛtɔ Twamagɨɨ 26:11

Mǝ bwangtǝn kantɨn mɛlalɨgɔ lɛ, mǝ bʊg ji lɛ. Mǝ maa gola lɛ sǝ n dǝg ji ja soga dun Yesui. N maa nabwɨl jǝbɔ ji dangǝn, mǝ bwang jim lɛ a kaam tuulɔtɨn nǝbɨɨ, sǝ n nǝ ji gaalan.

Maajɨ Bɛtɔ Twamagɨɨ 26:25

Nǝngɔ Bulus a sʊwa gǝn gɔ, “Nǝ dʊʊ Festas, mǝ ke bɔ nǝ wabɨ. N bɨlǝngkɛl mǝ sʊwa ń nɛɨ a mʊgɔ tatǝm dul.

Maajɨ Bɛtɔ Twamagɨɨ 6:8

Istifanus a nya yiitǝm nǝn lǝma Kwaamaɨ jǝbɔ kwaan. Maa daltɔ jǝ laatǝm kang lɛ jǝbɔ kanjǝl nɨ nʊng lɛ gɔ Kwaama dakini jǝbɔ gɔ a kʊm nǝbɨɨ.

Maajɨ Bɛtɔ Twamagɨɨ 9:22

Shawulu a sʊtǝn nyatǝm kwaanɔ. Gung nǝl Yahudawa nɨ lɛ jǝ yǝm a Dimaskaɨ. Sʊwa ji lɛ yǝlɨgǝn gɔ, Yesu nǝn gɔ nǝn Kiristii.

Roma 5:5

Yatǝm nǝlɔ mɨ gǝ bɛ lɛ nǝn gunidul, jʊ a bwɨɨ Kwaama a kwɛl a tal swɨtǝm gǝnɔ a nǝl bǝnɔ gǝm, a gola Yʊwa Kwaamaɨ nɨ ga nǝ bǝnɨ.

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

1 Korinti 2:4

Sʊwatǝm kɛl mǝndɨ jǝbɔ kiyotǝm fulon kɛl lǝmɨ mǝndɨ, a jelka bɔ kɛl nɔɔtǝm dul jǝbɔ yʊlan. Gǝ nʊng kwaan Yʊwa Kwaamaɨ,

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Kolosii 1:8

Nǝn gɔ a sʊwa nǝn swɨtǝmɔ jǝ́ maa lɛɨ, wʊnɨ Yʊwa Kwaamaɨ a nǝ jeni.

Ibranii 2:15

A jǝg nǝb nɨ gwam a bʌtʌm jinɔ gǝm jǝ na a yɨm jwaalɛn a kɛl taal bwaaɨ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Yohana 4:18

Mɨ taal wo a swɨkan. Swɨkan nyanɔ, gǝ kaa kaa taalɔ. Mwɛlɔ nǝn gɔ gǝ dǝg nǝl lɛ a taalɨ. Nʊ nɨ nyʊwa taal lɛɨ, mɨ nǝn swɨkan nyan.