2 Timoti 1:6 - Dadiya NT

⁶ N jʊ a bwɨ mǝ swɨ lɛ n bʊʊla mʊnɨ, bɛ ń fɛ ń maa maajɨ nǝn lǝma nɨ mʊ nǝnɨ, wʊnɨ Kwaama a nǝ ńɨ, nǝn kwama mǝ ya mʊn kang bwilii.

2 Timoti 1:6 ပူးပေါင်းရင်းမြစ်များ

Luka 19:13

A jo bɛtɔ jwaalɛn gǝnɔ kʊbɨ, nǝngɔ a tǝga ji kemʌnɔ sʊwagɔ win wini. A sʊwa ji gɔ, ‘Ya jǝ́ yǝla lɛ dɨn sǝla n bɛ.’

Maajɨ Bɛtɔ Twamagɨɨ 19:6

Bulus a ya jim kang bwiligɨɨ, nǝngɔ Yʊwa Kwaamaɨ a gǝla jimi. Nǝngɔ ja tǝl jǝ sʊwa kɛlɔ lɛ nǝn kaam nyiyotɨnɨ, jǝ sʊwa jʊ nɨ bwɨ lɛ a kǝgaɨ.

Maajɨ Bɛtɔ Twamagɨɨ 6:6

Nǝb nɨ n nǝbɔ ja nʊng ji a kǝga bɛtɔ twamagɨɨ. Nǝngɔ ja maa keligɨɨ, ja ya jim kang bwiligɨɨ.

1 Tasalonikaɨ 5:19

Ka jǝ́ bǝm lɛ Yʊwa Kwaamaɨ.

1 Timoti 4:14

Bɛ ka ń bǝla lɛ lǝma nɨ ja nǝ ńɨ, wʊnɨ ja nǝ ń a kuwotǝmkǝgaɨ, nǝn kwama nɨ mʊrkalɨ nǝb dʊʊm bwangtǝmɔ a ya mʊn kangɨ.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

2 Timoti 2:14

Bɛ ń tɨtǝn bʊʊla jim kɛltɨn nɨ lɛ. Bɛ ń mʊrka ji jǝbɔ Kwaama, ka ja maa lɛ gʊbkatǝm a dul kɛltɨn, jʊ a bwɨɨ mɨ nǝn kaa bʊmǝn, gǝ kal nǝb nɨ nyʊwa lɛɨ.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Ibranii 6:2

jǝbɔ mɛlalɨ a dul yʊtǝm mwɛ sagsag, jǝbɔ yatǝm kang bwili, jǝbɔ guntǝm a bwaa, jǝbɔ borang dɨltǝm yooligɔ.

2 Bitrus 1:12

Jǝ́ kwɛl jǝ́ nyǝm kanjǝl nɨ sul, jǝ́ kwɛl jǝ́ kwam a mʊgɔ bɨlǝngkɛl nɨ jǝ́ nǝngǝnɨ, mɨsɔ dǝg ɨ lɛ n bǝla bʊʊlatǝmɔ nǝn jen a dul jin.

2 Bitrus 3:1

Kɛtǝlam mɨ nɨ mǝ swɨ lɛɨ, wʊnɨ nǝn gǝ langǝn bwangǝn na yogɔ mǝ mʊla jemi. A mʊgɔ jin gwam mǝ maa jem bʊʊlalɨ a nǝl jen sǝ a dǝg jen jǝ́ bwangtǝn Kwaama dǝngdǝng.

Yahuza 1:5

Mǝ swɨ lɛ na n bʊʊla jem, jǝ́ kwɛl jǝ́ nyǝm kanjǝl nɨ dangǝn, Tɛlalɔ a jǝg nǝbam gǝnɔ a tǝm Masar. Nǝn guli, a jʌbo nǝb nɨ a nǝ bɔ bɨlǝngkɛlɨ.