2 Timoti 1:13 - Dadiya NT

¹³ Bɛ ń maa mɛlalɨ nǝn kɛl nyan nɨ mʊ nyʊwa a daa mǝ woi. Bɛ ń yɨ a mʊgɔ nǝtǝm bɨlǝngkɛl, jǝbɔ swɨkan a mʊgɔ Kiristi Yesui.

2 Timoti 1:13 ပူးပေါင်းရင်းမြစ်များ

Roma 2:20

mʊ nʊ nɨ mʊ ga nǝb nɨ lɛ a swɛla swɛlaɨ, mʊ mɛla bɛtɔ dwalǝnɔ gǝm lɛɨ, jʊ a bwɨɨ a mʊgɔ diilɔ mʊ nǝngǝn nǝn nyǝmtǝm jǝbɔ nyǝmtǝm bɨlǝngkɛl nyangǝn.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Filibii 4:9

Jʊ nɨ jǝ́ mɛlaɨ, jǝbɔ jʊ nɨ jǝ́ yoi, jǝbɔ jʊ nɨ jǝ́ nyʊwaɨ, jǝbɔ jʊ nɨ jǝ́ kuwo a daa mǝ woi, bɛ jǝ́ ya a mɛlalɨ. Na jǝ́ maa nyɨɨ, Kwaama nǝ nǝtǝm lǝma yɨ yɨ jǝbɔ jen.

Kolosii 1:4

Nǝn maa nyɔ jʊ a bwɨɨ nǝn nyʊwa fulon nǝtǝm bɨlǝngkɛl jenɔ a mʊgɔ Kiristi Yesui, jǝbɔ swɨtǝmɔ jǝ́ maa nǝb sagsagɔ gǝm lɛ gwamɨ.

1 Tasalonikaɨ 5:21

Bɛ jǝ́ tɛl kanjǝlɔ gwam. Jǝ́ ta jʊ nɨ a bʊm bʊmɨ a kwam.

1 Timoti 1:10

Ja maa diilɔ a dul nǝb kalalɨ, jǝbɔ batǝm nɨ daa lɛ nǝn kaam batǝmɨ, jǝbɔ nɔɔtǝm nɨ daa lɛ nǝn kaam nɔɔtǝmɨ, jǝbɔ nǝb nɨ kuu nǝb lɛɨ, jǝbɔ nǝb gabakɛl, jǝbɔ nǝb nǝtǝm nyiyo gabakɛl, jǝbɔ kanjǝl nɨ a yɔ bɔ dǝngdǝng jǝbɔ mɛlalɨ nyan nɨɨ.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

1 Timoti 6:3

Nʊ nɨ maa kaa mɛlalɨ lɛ nǝn kwanɨ, a jǝla bɔ nǝn kɛl nyan Tɛlalɔ bǝn Yesu Kiristii, jǝbɔ mɛlalɨ nɨ a yɔ dǝngdǝng jǝbɔ nǝl Kwaamaɨ.

2 Timoti 1:1

Nǝmǝ mǝ Bulus bwɛ twama Kiristi Yesui nǝn jǝlatǝm Kwaamaɨ, sǝ n sʊwa swatǝm yaa kʊlɨ nɨ a mʊgɔ Kiristi Yesui.

2 Timoti 1:14

Jǝ bʊmɨ nɨ Kwaama a nǝ ńɨ, bɛ ń tɔɔ gǝn a gola tɨkalɨ Yʊwa Kwaamaɨ, a wʊnɨ yǝm a mʊgɔ nǝl bǝnɨ.

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

2 Timoti 3:14

Mɔ, bɛ ń tɨ a dul jʊ nɨ mʊ mɛlaɨ. Bɛ ń nǝ bɨlǝngkɛl nǝn, jʊ a bwɨɨ ń nyǝm nʊ mʊ mɛla a daa gǝ woi.

2 Timoti 4:3

Kwamagɔ bɛ bɛ, wʊnɨ nǝbɔ mɨsɔ kʊ nǝl lɛ a mɛlalɨ nyanɨ. Jǝ mʊr nǝb mɛlalɨ nɨ mɛla jim jʊ lɔl jinɔ swɨ lɛ a nyʊwaɨ, jʊ a bwɨɨ lɔl jinɔ ga lɛ gaɨ.

Titus 1:9

nʊ nɨ a ta kɛl nɨ gwanggwang dǝngdǝng kanga ja mɛla gǝmɨ, sǝ a kʊʊ nǝbɔ gǝm nǝl nǝn mɛlalɨ nyan, sǝ a kal nǝb nɨ kɔ kɛl nɨ lɛɨ.

Titus 2:1

Titus, bɛ ń mɛla jʊ nɨ a daa tʌgo a mɛlalɨ nyanɨ.

Titus 2:8

jǝbɔ kɛl nya nɨ mɨsɔ jǝ tuwo gǝn nɛɨ, sǝ nǝb kiim mʊnɔ a nyʊwa gunidul mɨ ji nǝn jǝ bwɨla nɨ jǝ sʊwa lɛ a dul bǝnɨ.

Ibranii 10:23

Bɛ bǝ ta yatǝm nǝl nɨ bǝ sʊwa lɛ bǝngɔ bǝ nǝnɨ gwanggwang, jʊ a bwɨɨ nʊ nɨ a maa swatǝm yaa nɨɨ, n nǝ yiitǝm swatǝm yaa.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 4:14

Kanga bǝ nǝngǝn nǝn gʌleng dalɨ nǝkǝla wʊnɨ a shu a dʌbʌli, nǝn gɔ nǝn Yesu Bʊla Kwaamaɨ, bɛ bǝ tɨ a dul jʊ bǝ nǝ bɨlǝngkɛl nǝnɨ.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

Dʊgam Nyangnyang 2:25

Bɛ jǝ́ ta jʊ jǝ́ nǝngǝnɨ gwanggwang, sǝ ba la nǝn kwama mǝ bɛm lɛɨ.

Dʊgam Nyangnyang 3:11

“Mǝ bɛ lɛ mɨsɔ kʊta lɛ. Bɛ ń ta nǝtǝm bɨlǝngkɛl mʊnɔ gwanggwang, kage kaa nǝl a yem mʊn dwang dul fɔlɔn mʊnɔ.

Dʊgam Nyangnyang 3:3

Bɛ ń fɛ bʊʊla jǝbɔ jʊ mʊ yo, mʊ nyʊwa tagɨ. Bɛ ń kɨla gǝn, yǝla bǝla bwɨlangkɛl mʊnɔ. Na mʊ gun bɔ a daatǝm dum mʊnɔ gǝmɨ, mǝ bɛ na nǝkuu. Mɨsɔ mʊ nyǝm kwama nɨ mǝ bɛm lɛ a daa mʊ woi.