2 Timoti 1:12 - Dadiya NT

¹² N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 1:12 ပူးပေါင်းရင်းမြစ်များ

Matta 12:21

Bʌtʌbɔ ya ya nǝl a dun gǝn.”

Matta 24:36

“Mɨ nǝn nʊ nɨ a nyǝm kumɔ, jǝbɔ kemʌnɔ jʊ nɨ bwɨm lɛɨ. Bɛtɔ twama Kwaamaɨ nɨ a dʌbʌli jǝbɔ Bʊlagɔ ja nyǝm bɔ. Nǝn Tɨyagɔ kwaagɔ win a nyǝmɨ.

Matta 7:22

Nǝbɔ a lada a kum gɔ sʊwa sʊwa gɔ, ‘Tɛlalɔ, Tɛlalɔ, nǝn maa bɔ kuwotǝmkǝga a mʊgɔ dun mʊn ka? Nǝn kaa bɔ nǝblaamɔ a mʊgɔ dun mʊn ka? Nǝn maa bɔ jǝ laatǝm kang a mʊgɔ dun mʊn ka?’

Luka 10:12

Mǝ sʊwa jen nɛ nǝn di borang Kwaamaɨ, jʊ bwɨ lɛ nǝn tuulɔ gɨɨ bwɨla laa laa jʊ a bwɨ nǝn Sadumagɨɨ.

Luka 23:46

Nǝngɔ Yesu a jo jangajǝl nǝn diil gɔ, “Tɛtɛ, mǝ bǝla kʊlɨ mǝndɨ a kang mʊn.” Kwama nɨ ga sʊwam kɛl nɨɨ, nǝngɔ a bʊlaɨ.

Yohana 17:15

Mǝ maa bɔ keli mǝʊ ń dem ji a yooli nɨ. Mǝ kela ń mǝʊ ń kɨla ji a daagɔ Nǝ bwɨla nɨ woi.

Yohana 6:44

Mɨ nʊ nɨ dwal lɛ a bɛ a daa mǝ woi, na ke bɔ Tɛtɛ nɨ a twam ɨ a gʊ gǝnɨ. Mǝ tǝmɨ mǝ gung gung nʊ nɨ a kɔkɔ dɨltǝmɔ gǝm.

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 13:50

Nǝb dʊʊm Yahudawagɔ a fǝ dul kaam nɔɔtǝm nɨ nyʊwa taal Kwaamaɨ lɛɨ, nǝbɔ jǝ nǝ ji dʊʊn nɛɨ, jǝbɔ kaam daltɔ nǝb dʊʊm a tuulɔ gɔ. Nǝngɔ ja gun tʌgo a Bulus gǝm jǝbɔ Barnabaɨ, ja kaa ji a tuulɔ gɨɨ.

Maajɨ Bɛtɔ Twamagɨɨ 21:13

Nǝngɔ Bulus a jǝla gɔ, “N wɛ a bwɨ jǝ́ maa lɛ nyɨɨ? Jǝ́ ji wi lɛ, jǝ́ nɨ ɨ fitǝm nǝl lɛɨ? N kwɛl n fɛka fɛkaɨ, ke bɔ bwatǝm kwaagɔ, jǝ jʌ i jʌ i a Urushalima a kɛl dun Tɛlalɔ Yesui.”

Maajɨ Bɛtɔ Twamagɨɨ 7:59

Kanga nɨ jǝ mala Istifanus lɛ nǝn tatǝnɨ, nǝngɔ a maa keligɨɨ gɔ, “Tɛlalɔ Yesu, yo kʊlɨ mǝndɨ.”

Maajɨ Bɛtɔ Twamagɨɨ 9:16

Mǝ nǝn kang mɨ, mǝ nʊng gǝn nʊng gaalanɔ gǝ nɔɔ lɛ a kɛl dun mɨɨ.”

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Roma 9:33

Kanga a mʊla mʊlaɨ sʊwa lɛ gɔ, “N wɔ n ya tɛl fǝtǝm naa a Sihiyona, jǝbɔ sunte nɨ dǝg nǝbɔ lɛ ja yalaɨ. Pʌd nʊ nɨ a nǝ bɨlǝngkɛl a daa gǝ woi, mɨsɔ nyʊwa gunidul lɛ wo.”

1 Korinti 1:8

wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

Filibii 1:20

N ya nǝl dangǝn, mɨsɔ mǝ nyʊwa gunidul lɛ, mǝ bɨ bɨ nǝl dangǝn a kǝngkɔ jǝbɔ tangǝn kumtɨnɔ sǝ Kiristi a nya gungtǝm a daa mɨ woi, na mǝ yǝm nǝn kʊlɨɨ, na n bʊla bʊlaɨ.

Filibii 3:10

Swɨtǝm mǝndɨ nǝn gɔ n nyǝm Kiristi, n nyǝm kwaan guntǝm gǝnɔ a bwaaɨ, n nya mʊrkatǝm nǝbɔ gɔ a nɔɔtǝm gaalan gǝnɔ gǝm, n yǝlam na gɔ a bwaa gǝnɔ gǝm,

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

Filibii 3:8

Bɨlǝngǝn n do kanjǝlɔ gwam yalatǝm na n mʊrka ji jǝbɔ nyǝmtǝm dʊʊlǝn Yesu Kiristii, Tɛlalɔ mɨ. N kɛl dul gǝn mǝ tǝlam kanjǝlɔ gwamɨ, n do ji n jǝl nǝn kwan sǝ Kiristi a yǝlam a mɨ,

1 Tasalonikaɨ 2:16

Ja bǝla nǝn bɔ nǝn kiyo Bʌtʌbɔ gǝm kage ja nya bʊʊtǝm. A na nyɔ, kwangkwang jǝ yii bʊtɔ jinɔ sǝgǝr nǝn bwɨlangkɛl jinɔ. A dɨltǝmɔ gǝmɨ, nabwɨl Kwaamaɨ a gǝla jim.

1 Tasalonikaɨ 5:4

Kambɔ ke bɔ a mʊgɔ kumtojili jǝ́ woi, kɔkɔ nɨ ba do jen nɛ nǝn dul na nǝkuui.

1 Timoti 6:20

Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

2 Timoti 1:14

Jǝ bʊmɨ nɨ Kwaama a nǝ ńɨ, bɛ ń tɔɔ gǝn a gola tɨkalɨ Yʊwa Kwaamaɨ, a wʊnɨ yǝm a mʊgɔ nǝl bǝnɨ.

2 Timoti 1:16

Bɛ Tɛlalɔ a ji bʊnǝn nǝbɔ lɔ Onisifarasɨ, jʊ a bwɨɨ, naagɔ a gǝlala kʊʊ mɨ nǝl lɛ dangǝn, a nyʊwa bɔ gunidul bwatǝmɔ ja maa mɨ a lɔsomii.

2 Timoti 1:18

Bɛ Tɛlalɔ a ji bʊnǝn gǝnɔ nǝn kɔkɔ bɛtǝm gǝnɔ! Ń kwɛl ń nyǝm nyǝmɨ bwɨ tɨkalɨ nɨ a maa a Afisaɨ.

2 Timoti 1:8

A dul kɛl nɨɨ, ka ń nyʊwa lɛ gunidul nǝtǝm nyiyo a dul Tɛlalɔ bǝnɨ. Ka ń nyʊwa lɛ gunidul mǝndɨ, mǝ nɨ ja bwa ɨ bwa ɨɨ a lɔsomi a kɛl dul gǝnɨ. Bɛ ń mʊrka dul jǝbɔ mǝ a nɔɔtǝm gaalan a dul fulon kɛl lǝmɨ nɨ, a gola kwaan Kwaamaɨ.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 2:18

Kanga nɨ gǝ dul gǝn a nyʊwa gaalan a tɛltǝmɔ ja maa gǝm sǝ a maa bwɨlangkɛlɨ, dwal dwal a tɨka nǝb nɨ ja tɛl jii.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

1 Bitrus 4:16

Na kaa nǝl a nɔɔ gaalan a kɛl dul gǝ nǝ bwangtǝm Kiristii, ka ga nyʊwa lɛ gunidul. Bɛ ga dʊʊl Kwaama a kɛl dun nɨɨ.

1 Bitrus 4:19

A kɛl dul jʊ nɨɨ, nǝb nɨ a nɔɔ gaalan a dul jʊ nɨ Kwaama swɨ lɛ a bwɨɨ, bɛ ja dǝg kʊlɨ jinɔ a daagɔ nǝ yiitǝm swatǝm yaa jinɔ woi, nǝ fwaltǝm jinɔ, ja ja kǝga nǝn maatǝm jʊ nɨ dǝngdǝngɨ.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.