13 Kambɔ, ka maajɨ nyanɔ ya lʊwa jen nɛ maatǝmɔ.
Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn.
Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.
Gǝ nʊ nɨ Kwaama a bǝla kanjǝlɔ gwam a kwaan gǝnɨ, bwɛ nǝn kang gǝn tǝgǝn a bǝla dul gǝnɔ a daa nʊ nɨ a bǝla kanjǝlɔ a mʊgɔ kwaan gǝnɨ. Kwaama nǝn gɔ n dul kanjǝlɔ gwamɨ.
A kwɛl a yǝlam nǝn nǝn maajɨ nɨ a mʊgɔ bʊnatǝm Kwaamaɨ, mɨsɔ nǝn dem nǝl lɛ.
Nǝn dem bɔ nǝl. Bʊtɔ nǝnɔ kala lɛ sul, kʊlɨ nǝnɔ kum jǝbɔ kum gǝ yǝlam a fɨ.
Keli mǝndɨ nǝn gɔ bɛ swɨtǝm jenɔ a ja kǝga, nǝn nyǝmtǝm jǝbɔ yʊlan dangǝn,
A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.
Bɛ ka jǝ́ do gǝn nɛ na fwalɨ kii. Bɛ jǝ́ gʊ gǝm lɔl, na kɨla jen.
Bɛ jǝ́ dʌng nʊ nɨ a kʊ nǝl a kii nɨ nǝb bwɨlangkɛlɔ maa gǝm lɛɨ, kage a lʊwa jen jǝ́ dem nǝl.
Jǝ́ twabǝm kʊʊtǝm nǝl nɨ Kwaama a maa jem gɔ jǝ́ bɛtɔ lɔ gɨɨ ka? Wʊnɨ gɔ, “Bʊla mɨ, bɛ ka ń soga lɛ mwɛl Tɛlalɔɨ. Ka ń dem lɛ nǝl na mwɛ ń nɛɨ.
N nyǝm mʊ nǝn kʊtǝm nǝl, mʊ nǝ bwatǝm nǝl a gaalan a kɛl dul mɨ, mɨ gǝ lʊwa ń nɛ.
