2 Tasalonikaɨ 2:16 - Dadiya NT

¹⁶ Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

2 Tasalonikaɨ 2:16 ပူးပေါင်းရင်းမြစ်များ

Luka 16:25

“Nǝngɔ Ibrahim a jǝla gǝn gɔ, ‘Bʊla mɨ, bʊʊla nǝn kwama nɨ mʊ nyʊwam lǝma lɛ, Liazaru gaala lɛɨ. Kwama nɨ kǝngkɨɨ, n kwama nyʊwatǝm lǝma Liazarui, mʊ tǝmʊn n kwama gʌtǝm mʊn.

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 15:13

Mɨ nǝn swɨtǝm nɨ a laa a wʊnɨ, na nǝl a nǝ kʊlɨ gǝnɔ a dul fatǝlam gǝnɨ.

Yohana 15:9

“Kanga Tɛ bwɛ swɨ ɨ lɛɨ, mǝ tǝmɨ mǝ swɨm jen nyɔ, bɛ jǝ́ yɨ a mʊgɔ swɨtǝm nɨ mǝ maa jem lɛɨ.

Yohana 16:22

Gǝ na nyɔ a daa jen woi. Kǝngkǝnɨ jǝ́ na a bʊwaka nǝl. Mǝ yǝla yǝla n kuwo jen, la jǝ́ maa maa fulotǝm nǝl. Mɨ nǝn jʊ nɨ yem jem fulotǝm nǝl nɨ lɛɨ.

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Maajɨ Bɛtɔ Twamagɨɨ 15:11

Mɨ nyɔ! Bǝ nǝ bɨlǝngkɛl bǝngɔ n gola lǝma Tɛlalɔ Yesui bǝ nya bʊʊtǝmɨ, kanga ja nya tʌjii.”

Maajɨ Bɛtɔ Twamagɨɨ 18:27

Nǝn kwama Afolos swɨ lɛ ya dʌng tǝm Akayagɨɨ, nǝb bwangtǝmɔ a tɨka gǝn. Ja mʊla nǝb bwangtǝmɔ gǝm a Akayaɨ sǝ ja yo gǝn kangɔ yo. A la fʌleni, a yǝlam gʌleng nǝ tɨkalɨ a daagɔ nǝb bwangtǝmɔ woi, nǝb nɨ a gola lǝmaɨ, ja nǝ bɨlǝngkɛlɨ.

Roma 1:7

Langǝn bwangǝn nɨ mǝ twamǝm nǝbɔ gǝm gwam Kwaama swɨ lɛ a Romaɨ, nǝb sagsag nɨ a jo joi. Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a yɨ jǝbɔ jen.

Roma 4:16

N kɛl dul jʊ nɨ, Kwaama a nǝ kanjǝl nɨ ga maa swatǝm yaaɨ a nǝb nɨ a nǝ bɨlǝngkɛlɨ. Jʊ nɨ nǝn gɔ a yǝlam lǝma Kwaamaɨ, a yɔ nǝn a dʊʊm Ibrahimi. Ke bɔ a dul nǝb nɨ bwangtǝn diil lɛɨ kwaaji. A yɔ nǝn a nǝb nɨ a nǝ bɨlǝngkɛlɨ kanga Ibrahim a maamɨ. Nǝn gɔ nǝn Tɛtɛ bǝn pʌdi.

Roma 4:4

Nʊ nɨ maa maajɨ lɛɨ, ywatǝm gǝnɔ ke bɔ nǝtǝm nǝn kwan, a yo a dul maajɨ gǝnɔ a maaɨ.

Roma 5:8

Kwaama a nʊng bǝn swɨtǝmɔ gǝ maa bǝm lɛɨ, nǝn kwama bǝ nǝb bwɨlangkɛlɨ, Kiristi a bʊla a kɛl dul bǝn.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Afisa 5:25

Jǝ́ batǝmɔ, jǝ́ swɨ nɔɔtǝlam jenɔ kanga Kiristi a swɨ mʊrkalɨ nǝb bwangtǝm Kwaamaɨ, a nǝ dul gǝnɔ a kɛl dul gǝnɨ.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Tasalonikaɨ 3:11

Bɛ Kwaama bǝnɔ, Tɛtɛ bǝn nǝn kang gǝn, jǝbɔ Tɛlalɔ bǝn Yesu, a fɛka nǝm gola sǝ nǝn yɔ a daa jen woi.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

1 Yohana 3:16

Wʊnɨ n kanga bǝ nyǝm swɨtǝmɔ lɛɨ, a nǝtǝm kʊlɨ gǝnɔ a nǝ a kɛl dul bǝnɨ. Bǝn tǝbǝn bɛ bǝ nǝ kʊlɨ bǝnɔ a kɛl dul kɛtǝlam bǝnɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Dʊgam Nyangnyang 22:5

Mɨsɔ jǝ fi kum lɛ wo. Mɨsɔ jǝ swɨ kuwotǝm nyalǝm fitila lɛ jǝbɔ nyalǝm kɔkɔgɔ, jʊ a bwɨɨ, Tɛlalɔ Kwaama nǝn gɔ yǝlam jim nyalǝm lɛɨ. Jǝ maa maa fɔlɔn mɨ dɨltǝm wo.

Dʊgam Nyangnyang 3:9

Mǝ dǝg dǝg nǝb nɨ a mʊgɔ kang Mammɨ, nǝbɔ sʊwa lɛ gɔ jǝ Yahudawagɔ jǝ ke bɔ, n gabakɛl jǝ maa lɛɨ, mǝ dǝg ji dǝg ba ja jʊng a kǝga mʊn, sǝ ja nyǝm mǝ swɨ ń nɛ.