2 Tasalonikaɨ 2:15 - Dadiya NT

¹⁵ A na nyɔ kambɔ, bɛ jǝ́ tɨ a kwam, jǝ́ ta diiltɨn nɨ nǝn mɛla jemi gwanggwang, a nyiyo jǝbɔ mʊlalɨ.

2 Tasalonikaɨ 2:15 ပူးပေါင်းရင်းမြစ်များ

Roma 16:17

Kambɔ, mǝ kela jen nɛ, bɛ jǝ́ yɔ nǝn lǝma jǝbɔ nǝb nɨ bɛ lɛ nǝn beltǝm a kʊm jeni. Mɛlalɨ jinɔ a yɔ bɔ dǝngdǝng jǝbɔ mɛlalɨ nɨ jǝ́ yoi. Bɛ bɛ nǝn fǝtǝm naa. Bɛ jǝ́ tɨ a kʊta jǝbɔ ji.

1 Korinti 11:2

Mǝ buu jem kang lɛ jʊ a bwɨɨ jǝ́ bʊʊla lɛ nǝn mǝ a kanjǝlɔ gǝm gwam, jǝ́ ta kanjǝlɔ gwam mǝ mɛla jemi.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

1 Korinti 16:13

Jǝ́ yɨ yɨm fɛkalɨ. Jǝ́ bɨ nǝl a nǝtǝm bɨlǝngkɛl jenɔ gǝm. Jǝ́ kʊʊ nǝl. Jǝ́ tɨ nǝn kwaan.

Filibii 4:1

Kɛtǝlam mɨ nɨ mǝ swɨ lɛɨ, wʊnɨ mǝ maa gom kuwotǝm jenɔ lɛɨ. Nǝjen jǝ́ jǝ fulotǝm nǝl mǝndɨ jǝbɔ dwang dul nɨ mǝ yo a dul maajɨ mɨɨ. Jǝ́ yɨ nǝn bɨlǝngkɛl a daa Tɛlalɔ woi.

2 Tasalonikaɨ 2:2

bɛ ka nǝl jenɔ ya mǝga lɛ. Ka jǝ́ gung lɛ nǝl jenɔ a nyʊwatǝm kaa kɛl kuwotǝmkǝga, kaa kiyotǝm fulon kaa langǝn bwangǝn, wʊnɨ kaamɨ gɔ a jel a daa nǝn woi gɔ, kɔkɔ bɛtǝm Tɛlalɔɨ a kwɛl a bɛɨ.

2 Tasalonikaɨ 3:14

Na kaa nǝl a kɔ jʊ nɨ nǝn sʊwa a mʊlalɨ langǝn bwangǝn nɨɨ, bɛ jǝ́ nyǝm gǝn. Bɛ ka jǝ́ mʊrka lɛ dul jǝbɔ gɔ, sǝ a nyʊwa gunidul.

2 Tasalonikaɨ 3:6

Kambɔ, nǝn nǝ jen diil lɛ a mʊgɔ dun Tɛlalɔ bǝn Yesu Kiristii, jǝ́ wʊlaka jǝbɔ gwam nǝb nɨ yɨ yɨm sʊla lɛɨ, nǝb nɨ mɨ bwangtǝn mɛlalɨ nɨ lɛ jǝ́ nya a daa nǝn woi.

Titus 1:9

nʊ nɨ a ta kɛl nɨ gwanggwang dǝngdǝng kanga ja mɛla gǝmɨ, sǝ a kʊʊ nǝbɔ gǝm nǝl nǝn mɛlalɨ nyan, sǝ a kal nǝb nɨ kɔ kɛl nɨ lɛɨ.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.