2 Tasalonikaɨ 2:10 - Dadiya NT

¹⁰ Maa maa maajɨ nǝn kanjǝl bwɨla sǝ a swag nǝb nɨ a gola bʊlatǝmɨ, jʊ a bwɨɨ ja kɔ swɨtǝm bɨlǝngkɛl wʊnɨ jǝ bʊʊm lɛɨ.

2 Tasalonikaɨ 2:10 ပူးပေါင်းရင်းမြစ်များ

Matta 13:11

Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.

Yohana 3:17

Kwaama a twam bɔ Bʊla gɔ a yooli nɨ sǝ a mwatɨ yooli nɨ gǝm borang. A twam gǝn sǝ a bʊʊ nǝn yooligɔ a gola gǝn.

Yohana 5:34

Mǝ ya bɔ nǝl a dul nǝtǝm nyiyo nǝfilii. Mǝ sʊwa nyɔ sǝ jǝ́ nya bʊʊlɨ.

Roma 10:1

Kambɔ, jʊ mǝ swɨ lɛ a nǝl mɨɨ, jǝbɔ jʊ mǝ kel lɛ a daa Kwaama woi a dul Yahudawagɨɨ nǝn gɔ ja nya bʊʊtǝm.

Roma 16:18

Nǝb nɨ ja bwang bɔ Tɛlalɔ bǝn Kiristi gǝm. N mʊgɔ fʌl jin jǝ bwangtǝn nɛɨ. N gola nyiyo lǝmɨ jinɔ jǝbɔ teman nǝbɨɨ, jǝ swag nǝb nɨ lɛ bʊʊlalɨ jinɔ a la bɔ daaɨ.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

1 Korinti 1:18

Kɛl kʊʊtǝmɔ, n kɛl fʌmʌn a nǝb nɨ a gola kalatǝmɨ. N kwaan Kwaamaɨ a daa bǝn woi, bǝn nɨ ja bʊʊ nǝn bǝnɨ.

1 Korinti 16:22

Nʊ nɨ gwam mɨ swɨ Tɛlalɔ lɛɨ, bɛ a yǝlam nǝ lagtǝm. Tɛlalɔ bǝn, bɛ!

2 Korinti 11:13

Nǝb gɔ n bɛtɔ twama gabakɛl, n nǝb maajɨ swagtǝm. Jǝ yǝla nǝn dul jinɔ maamɔ jǝ bɛtɔ twama Kiristii.

2 Korinti 11:15

N ke bɔ jǝ tatǝm kang a nyiyo, na bɛtɔ jwaalɛn gǝnɔ yǝla yǝla nǝn dul jinɔ na bɛtɔ jwaalɛb maajɨ dǝngdǝngɨ. A dɨltǝmɔ gǝm jǝ ywa ji ywa maajɨ jinɔ ja maaɨ.

2 Korinti 2:15

Kʊlɨ nǝnɔ n kunʌn lǝmɨ a Kiristii wʊnɨ yiilo a daagɔ Kwaamaɨ woi a mʊgɔ nǝb nɨ jǝ bʊʊ lɛ nǝn jii, jǝbɔ nǝb nɨ a gola kalatǝmɨ.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

1 Tasalonikaɨ 2:16

Ja bǝla nǝn bɔ nǝn kiyo Bʌtʌbɔ gǝm kage ja nya bʊʊtǝm. A na nyɔ, kwangkwang jǝ yii bʊtɔ jinɔ sǝgǝr nǝn bwɨlangkɛl jinɔ. A dɨltǝmɔ gǝmɨ, nabwɨl Kwaamaɨ a gǝla jim.

2 Tasalonikaɨ 2:12

sǝ a mwɛ nǝb nɨ gwam a kɔ nǝtǝm bɨlǝngkɛlɨ, jǝ nyʊwa lǝma maatǝm shil lɛɨ.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

1 Timoti 2:4

nʊ nɨ swɨ lɛ nǝbɔ gwam a bʊʊɨ, ja nyǝm bɨlǝngkɛlɨ.

Ibranii 3:13

Ya jǝ́ kʊʊka nǝl lɛ kwangkwang, kanga kaa kwama wo jǝ jo lɛ gɔ, “Dwiyeni,” kage bwɨlangkɛlɔ a swag kaam jenɔ ja maa bǝngɨ lɔl.

2 Bitrus 2:12

Nǝb nɨ ja maa na yʊwal, mɨ ji nǝn bʊʊlalɨ. Jǝ bwangtǝn jʊ bʊtɔ jinɔ a sʊwa jii. Ja bʌ ji, sǝ ja ta ji ja jʌ. Jǝ sʊwa kanjǝl bwɨlan nɛ a dul jʊ nɨ ja nyǝm bɨɨ. Jǝ bʊla na yʊwal kuul.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.