2 Tasalonikaɨ 1:7 - Dadiya NT

⁷ Kwaama nǝ jen nǝ fǝbtǝm jǝbɔ nǝn, jen nɨ jǝ nyʊwa jem lɛɨ. Jʊ nɨ bwɨ nǝn di nɨ Tɛlalɔ Yesu ba nʊng dul gǝnɔ lɛ a dʌbʌl kwamaɨ, dakini jǝbɔ kwaan daltɔ bɛtɔ twama Kwaamaɨ, a mʊgɔ ben kǝla.

2 Tasalonikaɨ 1:7 ပူးပေါင်းရင်းမြစ်များ

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

Matta 26:64

Nǝngɔ Yesu a jǝla gǝn gɔ, “Ɔɔ, nǝmǝ, kanga mʊ sʊwaɨ. Mɨsɔ kʊta lɛ jǝ́ kuwo kuwo Bʊla Nǝlɨ yǝm a kang jajǝng Nǝ Kwaan nɨɨ, bɛ lɛ a dʌbʌl a mʊgɔ lul.”

Markus 14:62

Yesu a jǝla gɔ, “Nǝmǝ. Jǝ́ kuwo kuwo Bʊla Nǝlɨ yǝm a kang jajǝng Kwaamaɨ, Nǝ kwaan, bɛ lɛ a mʊgɔ lul a dʌbʌl kwama.”

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Luka 16:25

“Nǝngɔ Ibrahim a jǝla gǝn gɔ, ‘Bʊla mɨ, bʊʊla nǝn kwama nɨ mʊ nyʊwam lǝma lɛ, Liazaru gaala lɛɨ. Kwama nɨ kǝngkɨɨ, n kwama nyʊwatǝm lǝma Liazarui, mʊ tǝmʊn n kwama gʌtǝm mʊn.

Luka 17:30

“Yǝlam nyɔ nǝn kwama Bʊla Nǝlɨ yǝla ba nʊngǝm dul gǝnɔ lɛɨ.

Yohana 1:3

Kwaama a fwal kanjǝlɔ gwam a gola gǝn. Mɨ nǝn jʊ nɨ a fwal ke bɔ a gola gǝnɨ.

Yohana 1:51

Nǝngɔ a sʊwa gǝn gɔ, “N bɨlǝngkɛl mǝ sʊwa jen nɛɨ, jǝ́ kuwo kuwo dʌbʌl kwamagɔ a wumo, bɛtɔ twama Kwaamaɨ gǝla lɛ kaamɨ gwi lɛ a dul Bʊla Nǝlɨ.”

Maajɨ Bɛtɔ Twamagɨɨ 1:11

Nǝngɔ ja sʊwa gɔ, “Jǝ́ nǝbɔ Galilii, n wɛ a bwɨ jǝ́ tɨm, jǝ́ dʌng dʌbʌlɔ lɛɨ? Yesu nɨ ja dem gǝn a daa jen woi, ja shu nǝn a dʌbʌli, yǝla bɛ bɛ kanga jǝ́ kuwo gǝn a shumi.”

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Afisa 1:2

Bɛ lǝmagɔ jǝbɔ yɨm kwamɨgǝn a daagɔ Kwaama Tɛtɛ bǝnɨ, jǝbɔ a Tɛlalɔ Yesu Kiristii a ta tʌgo a daa jen woi.

Kolosii 1:16

N daa gǝ woi Kwaama a fwal kanjǝlɔ gwamɨ, kanjǝl nɨ a dʌbʌli jǝbɔ kanjǝl nɨ a tǝmɨ, kanjǝl nɨ bǝ kuwo lɛɨ, jǝbɔ a wʊnɨ mɨ bǝ kuwo lɛɨ, nǝb nɨ maa fɔlɔn nɛɨ jǝbɔ nǝbɔ nǝn kwaan fɔlɔnɨ. Kanjǝlɔ gwam Kwaama a fwalɨ. A fwal ji a gola gǝn. A fwal ji a kɛl dul gǝn tag.

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

2 Timoti 2:12

Na bǝ kʊ nǝlɨ, bǝ maa maa fɔlɔn bǝnɔ gɔ tag. Na bǝ kana nyǝmtǝm gǝnɨ, gǝ tǝgǝn kana kana nyǝmtǝm bǝnɔ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Ibranii 10:27

N gʌleng jǝ yaltǝm kuli a borang nɨ bɛ lɛɨ, jǝbɔ kǝla nɨ a shilo shiloi, wʊnɨ twɨ nǝb kiim Kwaamaɨ lɛɨ.

Ibranii 12:29

Jʊ a bwɨɨ, “Kwaama bǝnɔ n kǝla nɨ twɨm kanjǝlɔ lɛ gwamɨ.”

Ibranii 4:1

Kanga nɨ swatǝm yaa dɔtǝm daa fǝbtǝm gǝnɔ woi, bɛ bǝ maa dʌngtǝm dangǝn, kage kaa a kʊm jen a gaa dɔtǝmɔ.

Ibranii 4:11

Bɛ bǝ maa kwaan dɔtǝm daa fǝbtǝm nɨ, kage kaa nǝl a gaa dɔtǝmɔ a dul bǝngɨ lɔl kanga tʊgalam bǝnɔ a maamɨ.

Ibranii 4:9

N dul kɛl nɨ a nʊng gɔ kǝngkɔ kaa tangǝn Kum Fǝbtǝm nǝb Kwaamaɨ wo, kanga Kwaama a fǝb a kum na nʌbʌli.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

Yahuza 1:7

A na nyɔ, Sadumagɔ jǝbɔ Gwamratagɔ jǝbɔ tangǝn tuulɔtɨnɔ a daa gɨɨ, nǝbɔ tʌji ja tal tʌgo a maatǝm bulon jǝbɔ bwɨlan nɨ a shu kwaanɨ, ja nʊng ji ja yǝlam jǝ mɛlalɨ, jǝ mwɛ ji nǝn kǝla nɨ mɨ dumotǝm woi.

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.

Dʊgam Nyangnyang 14:10

nyaka nyaka jǝbɔ gaalan Kwaamaɨ a nabwɨl gǝnɔ gǝm. Jǝ nǝ gǝn nǝ gaalan nǝn kǝla, wʊnɨ a fo, a shi, a kǝga bɛtɔ twama Kwaamaɨ sagsagɨɨ jǝbɔ Bɛ Galɔ.

Dʊgam Nyangnyang 14:13

Nǝngɔ mǝ nyʊwa kaa diil a dʌbʌl kwama sʊwa lɛ gɔ, “Mʊla jʊ nɨ. Bwiligɔ na a nǝb nɨ bʊla lɛ a mʊgɔ maajɨ Tɛlalɔɨ, jʊ a ta a kǝngkɔ a yɔ nǝn a kǝgaɨ.” Yʊwa Kwaamaɨ a sʊwa gɔ, “Ɔɔ jǝ nǝb bwili, jʊ a bwɨɨ jǝ fǝb fǝb a gaalan jinɔ gǝm, jǝ nǝ ji nǝ lǝma a gaalan maajɨ jinɔ gǝm.”

Dʊgam Nyangnyang 20:11

Nǝngɔ mǝ kuwo kaa gʌleng kotere fɔlɔn fulo jǝbɔ nʊ nɨ yǝm a dul gǝnɨ. Nǝngɔ tǝmɔ jǝbɔ dʌbʌlɔ ja mwalam a kǝga gǝnɨ, mɨ ji nǝn daa wo.

Dʊgam Nyangnyang 21:4

Waam jim waam mwɛ num jinɔ gwam. Mɨ kaa bwaa wo, mɨ fitǝm nǝl wo, mɨ wi wo jǝbɔ nɔɔtǝm gaalan, jʊ a bwɨɨ kanjǝl galɨgɔ a kwɛl a shu shui.”

Dʊgam Nyangnyang 22:16

“Mǝ Yesu, mǝ twam bwɛ twama mǝndɨ sǝ a sʊwa daatɨn mʊrkalɨ nǝb bwangtǝm Kwaamaɨ kanjǝl nɨ. Nǝmǝ mǝ jingɔ, jǝbɔ guu Daudaɨ. Nǝmǝ mǝ nyalǝm tulkasi kumsʌli.”

Dʊgam Nyangnyang 22:6

Nǝngɔ bwɛ twama Kwaamaɨ a sʊwa ɨ gɔ, “Kɛltɨn nɨ mʊ nyʊwaɨ, n bɨlǝngǝn, bɛ ń ya nǝl wo. Tɛlalɔ, Kwaama wʊnɨ a nǝ nǝbkuwotǝmkǝgagɔ Yʊwa gǝnɨ, a twam bwɛ twama gǝnɔ sǝ a nʊng bɛtɔ jwaalɛn gǝnɔ gɔ kanjǝl nɨ mɨ nyǝmatǝm wo bwɨ bwɨ mɨsɔ kʊta lɛ.”

Dʊgam Nyangnyang 22:9

Nǝngɔ a sʊwa ɨ gɔ, “Bɛ ka maa lɛ nyɔ! Mǝ, mǝ bwɛ jwaalɛ na mɔ jǝbɔ kɛtǝlam mʊnɔ, nǝbkuwotǝmkǝgagɔ, jǝbɔ nǝb nɨ pʌd a bwangtǝn kɛltɨn nɨ a mʊgɔ langǝn bwangǝn nɨɨ. Bǝlá Kwaama kwaagɔ!”

Dʊgam Nyangnyang 6:11

Nǝngɔ ja tǝga ji bɛllɛ fulontɨnɔ gwam jini. Nǝngɔ ja sʊwa ji gɔ ja fǝb dǝm, a yɔ nǝn a kwama nɨ ja yii dǝngdǝng ladatǝm fatǝm nǝb bwangtǝm jini, kɛtǝlam jinɔ, tangǝn nǝbɔ wo jǝ jʌbo lɛɨ kanga ja jʌbo jii.