2 Korinti 8:1 - Dadiya NT

¹ Kambɔ, nǝn swɨ lɛ jǝ́ nyǝm lǝma nɨ Kwaama a nǝ mʊrkalɨtɨn nǝb bwangtǝm Kwaamaɨ nɨ a tǝm Makidoniyaɨ.

2 Korinti 8:1 ပူးပေါင်းရင်းမြစ်များ

Matta 25:22

“Nǝngɔ nʊ nɨ a yo kemʌnɔ sʊwagɔ yoi, a bɛ a kǝgaɨ, a sʊwa gɔ, ‘Tɛlalɔ, mʊ nɨ ɨ sʊwagɔ yo. N nya bwiligɔ a dul gǝn sʊwagɔ yo.’

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 16:9

Nǝn kum Bulus a dʊga dʊgam nyangnyang, a kuwo kaa nǝ tǝm Makidoniya tɨm kela gǝn nɛ gɔ, “Bɛ a Makidoniya, ba tɨka nǝn.”

Maajɨ Bɛtɔ Twamagɨɨ 24:17

“Mǝ maa joltɨnɔ a gǝlalaɨ, nǝngɔ mǝ yǝla mǝ bɛ a Urushalima sǝ ba n maa tɨkalɨ nǝn kemʌn a daa nǝbam nǝnɔ nɨ nǝn komtǝmɨ, sǝ n tǝla Kwaama gǝm twama.

Roma 15:26

Nǝbɔ Makidoniyaɨ jǝbɔ nǝbɔ Akayaɨ, ja nyʊwa lǝma nǝtǝm tɨkalɨ a dul nǝb bʊnǝnɔ gǝm a mʊgɔ nǝb sagsag nɨ a Urushalimaɨ.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

2 Korinti 11:9

Nǝn kwama mǝ a daa jen woi, na jǝl a kom ii, mɨ mǝ bʌ jen nɛ. Mǝ ya jem bɔ tuulo mǝndɨ n saa jǝl a kang jen, jʊ a bwɨɨ kambɔ nɨ a bɛ a Makidoniyaɨ, nǝji jǝ nɨ ɨ jʊ nɨ lɛ a kom ii. N jʊ a bwɨ mǝ ya jem bɔ tuulo a golantɨnɔ gǝmɨ. Mɨsɔ mǝ ya jem tuulo lɛ wo.

2 Korinti 9:12

Jʊ a bwɨɨ, nǝtǝm nɨ jǝ́ maa lɛɨ, ke bɔ ywatǝm komʌm nǝb sagsagɨɨ kwaaji maa lɛɨ, gǝ sʊ buutǝm kang a daa Kwaama woi dangǝn.

2 Korinti 9:2

Jʊ a bwɨɨ, n nyǝm jǝ́ nǝn a nǝl jen jǝ́ maa tɨkalɨ. Mǝ maa lɨyal lɛ nǝn jen a dul jʊ nɨ a daa nǝbɔ Makidoniyaɨ woi. Mǝ sʊwa ji lɛ mǝʊ mʊrkalɨ nǝb bwangtǝm Kwaamaɨ nɨ a tǝm Akayaɨ ja maa fɛkalɨ jol nɨ a shui. Jʊ jǝ́ swɨ maatǝmɔ lɛɨ, a gung kɔrɔ jinɔ gǝm nǝl nǝtǝm.

2 Korinti 9:4

kage a yǝlam na kaam nǝbɔ Makidoniyaɨ a bɛ dakini jǝbɔ mɨɨ, ba ja nya jǝ́ fɛka bɨɨ, gunidulɔ ta nǝn ta, a bwɨlam kǝga a daa jen woi, a jǝlatǝm nɨ nǝ maa lɛ nǝn jeni.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Kolosii 1:29

N jʊ a bwɨ mǝ maa maajɨ lɛ nǝn kwaan, mǝ dɔta lɛ nyangǝn nǝn gʌleng kwaan nɨ ga nɨ ɨɨ.

1 Tasalonikaɨ 4:10

N bɨlǝngǝn jǝ́ swɨ kambɔ gwam a tǝm Makidoniyaɨ. Nǝn kel jen nɛ kambɔ, jǝ́ sʊtǝn maatǝmɔ nǝn bɨlǝngǝn dangǝn.