2 Korinti 7:1 - Dadiya NT

¹ Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

2 Korinti 7:1 ပူးပေါင်းရင်းမြစ်များ

Matta 12:33

“Tɨya nyan, gǝ tʊʊ tʊʊl nyan, tɨya bwɨla, gǝ tʊʊ tʊʊl bwɨla, tɨyagɔ jǝ nyǝm gǝn nǝn tʊʊl gǝnɔ.

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Matta 5:8

Bwiligɔ na a nǝbɔ nǝn nǝl sagsagɨɨ, jʊ a bwɨɨ jǝ kuwo kuwo Kwaama.

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Roma 5:20

Ja dɔ nǝn diilɔ sǝ bwɨlangkɛlɔ a jel a talɨ. Daagɔ bwɨlangkɛlɔ a sʊtǝnɨ, lǝma Kwaamaɨ gǝ sʊ sʊ a laa nyɔ.

1 Korinti 6:20

Kwaama a ten jen teni, a ywa jǝ tentǝm jenɔ a lada. A dul kɛl nɨɨ, bɛ jǝ́ dʊʊl Kwaama nǝn bʊtɔ jenɔ.

2 Korinti 1:20

Yiitǝm swatǝm yaa Kwaamaɨ gǝ na a daa gǝ woi gwam. N jʊ a bwɨ bǝ sʊwa lɛ bǝngɔ, “A daa nyɔ” a daagɔ Kiristi woi sǝ Kwaama a nya dʊʊlǝn.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

1 Tasalonikaɨ 4:7

Kwaama a jo bǝn bɔ sǝ bǝ yɨ yɨm nɨ mɨ sagsagɨɨ. A jo bǝn sǝ bǝ yɨ yɨm sagsag.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

Ibranii 12:23

Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.

Ibranii 12:28

A dul kɛl nɨ, bɛ bǝ buu kang, jʊ a bwɨɨ bǝ nya nya fɔlɔn nɨ mɨ mǝgatǝm woi. A na nyɔ tag bǝ maa Kwaama gǝm bǝlátǝm, jǝ yotǝm, nǝn taal jǝbɔ nǝtǝm dʊʊn nyan.

Ibranii 4:1

Kanga nɨ swatǝm yaa dɔtǝm daa fǝbtǝm gǝnɔ woi, bɛ bǝ maa dʌngtǝm dangǝn, kage kaa a kʊm jen a gaa dɔtǝmɔ.

Ibranii 6:9

Fatǝm nyan nǝnɔ, nǝn jǝla nǝn jen dangǝn a dul jʊtǝb nɨ a bʊm a kɛl bʊʊtǝmɨ, kanga nǝn sʊwa nyɔ a dul jʊtǝb nɨ a bwa bwaɨ.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.

1 Bitrus 1:15

Kanga nʊ nɨ a jo jeni n nǝ sagsagɨɨ, jen tʌjen bɛ jǝ́ yǝlam sagsag a kanjǝl nɨ gwam jǝ́ maa lɛɨ.

1 Bitrus 1:17

Jǝ́ jo gǝn gɔ Tɛtɛ a daa maatǝm keli. Nǝn gɔ maa nǝbɔ gǝm gwam borang lɛ a jʊtǝb nɨ ja maaɨ, mɨ nǝn swɨtǝm dul. A kɛl dul jʊ nɨɨ, bɛ jǝ́ nyʊwa taal gǝnɔ nǝn kwama nɨ jǝ́ faabǝm a yooli nɨɨ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

1 Yohana 1:9

Na bǝ sʊwa bwɨlangkɛl bǝnɨ, gɔ, n nǝ yiitǝm swatǝm yaa, n nǝ dǝngdǝng, kǝlǝm bǝm kǝlǝm bwɨlangkɛl bǝnɔ, sǝ a saalǝm bǝn a jʊ nɨ bǝ maa lɛ gwam n ke bɔ dǝngdǝngɨ.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.