2 Korinti 4:4 - Dadiya NT

⁴ Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

2 Korinti 4:4 ပူးပေါင်းရင်းမြစ်များ

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Yohana 12:31

Kǝngkɔ Kwaama mwatɨ yooli nɨ gǝm borang lɛɨ, n kǝngkɔ jǝ kaam nǝ fɔlɔn yooli nɨ lɛɨ.

Yohana 12:35

Nǝngɔ Yesu a sʊwa ji gɔ, “Nyalǝmɔ gǝ na jǝbɔ jen, kumtɨnɔ mɨsɔ lada lɛ. Jǝ́ yɔ yɔmɔ kwama nyalǝmɔ jǝbɔ jeni, kage kumtojiligɔ a nya jen. Nʊ nɨ yɔ yɔm lɛ a kumtojilii, mɨsɔ nyǝm daa nɨ lɛ gǝ shum lɛ woi.

Yohana 12:40

“A dǝg ji ja yǝlam kululʌm. A dǝg ji ja yǝlam nǝb kwamǝn dul, kage ja kuwo nǝn nu jin, ja nyǝm a nǝl jin, ja yǝla a daa mɨ woi, sǝ n gung ji.”

Yohana 12:45

Gwam nʊ nɨ dʌng ii, gǝ dʌng nʊ nɨ a twam ɨɨ.

Yohana 14:30

Mǝ sʊwa sʊwa kɛl nǝbɔ jen, kumtɨnɔ mɨsɔ lada lɛ, jʊ a bwɨɨ nǝ fɔlɔn yooli nɨɨ bɛ lɛ. Mɨ nǝn kwaan a dul mɨ.

Yohana 15:24

N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 16:11

Bʊʊlalɨ jinɔ mɨ dǝngdǝng a borangɔ gǝm, jʊ a bwɨɨ a kwɛl a maa fɔlɔ yooli nɨ gǝm borang.

Yohana 8:12

Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 26:23

Jǝ sʊwa lɛ gɔ Kiristi nɔɔ nɔɔ gaalan, yǝlam nǝ tɨkǝga a guntǝm a bwaa. N gola guntǝm gǝnɔ a bwaaɨ, bɛ lɛ nǝn nyalǝm a Yahudawagɔ gǝm jǝbɔ Bʌtʌbɔ gwamɨ.”

1 Korinti 10:20

Mɨ nyɔ! Mǝ nʊng mǝʊ jʊ nɨ Bʌtʌbɔ biyo lɛɨ, jǝ biyom nǝblaam. Ke bɔ a Kwaamaɨ. Mǝ swɨ bɔ jǝ́ yǝlam fatǝm yɨm jǝbɔ nǝblaamɔ.

2 Korinti 2:11

Mǝ maa jʊ nɨ kage Mammɔ a nya jatǝm kǝga a dul bǝn. Bǝ ke bɔ nǝb nɨ bǝ nyǝm bɔ golantɨn Mammɨ.

2 Korinti 2:12

Nǝn kwama mǝ bɛ a Taruwasa sǝ n kiyo fulon kɛl lǝmɨ Kiristii, Tɛlalɔ a wum mɨ gola sǝ n maa maajɨ fʌleni.

2 Korinti 3:11

Na swatǝm yaa galɨ nɨ n jǝ dumotǝmɨ ja do gǝn n jǝ dʊʊlǝnɨ, dʊʊlǝn swatǝm yaa fɨ nɨ mɨsɔ dɨ lɛ woi, a laa dʊʊlǝn!

2 Korinti 3:14

Bʊʊlalɨ jinɔ a nʊng ji bɔ. A bɛ nǝn a kǝngkɨɨ, na jǝ kiyo kɛl swatǝm yaa galɨgɔ lɛɨ mɨ jǝ wumʌm dwang kwabtǝm nɨ lɛ, jʊ a bwɨɨ mɨsɔ jǝ wumʌm dwang kwabtǝm nɨ lɛ, na ke bɔ a gola Kiristii.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

Filibii 2:6

wʊnɨ n jelkalǝng Kwaamaɨ. Jelkalǝng gǝnɔ na Kwaamaɨ, a dǝg gǝn bɔ a do jʊ nɨ gǝ tɨtǝn nɛ tʌgoi.

Kolosii 1:15

Nǝn gɔ n jelkalǝng Kwaama wʊnɨ mɨ bǝ kuwo lɛɨ. Nǝn gɔ a laa kanjǝlɔ gwam Kwaama a fwalɨ, dʊʊnɨ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

1 Timoti 1:11

Mɛlalɨ nɨ a yɔ dǝngdǝng jǝbɔ dʊʊlǝn fulon kɛl lǝmɨ, a Kwaamaɨ nǝ bwili, wʊnɨ a dǝg mɨ a kang sǝ n kiyoi.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 6:4

Nǝbɔ a nya nyalǝm Kwaamaɨ galɨgǝnɨ, ja twɨ nǝtǝm lǝma dʌbʌli, ja yo Yʊwa Kwaamaɨ tagɨ,

2 Bitrus 1:19

Kanjǝl nɨ gwam a nǝ bwatǝm guu a dul kɛl nǝbkuwotǝmkǝgagɔ galɨgǝn a dul gǝnɨ. A bʊm jǝ́ ta kɛl nɨ a nǝl jen jʊ a bwɨɨ, kɛl jinɔ gǝ na na nyalǝm fitila nɨ beta lɛ a mʊgɔ kumtojili a yɔ nǝn a tǝm sɛltǝmɨ, beta lɛ sǝ ba la nǝn kwama nɨ tulkasi kumsʌlɔ a jel a nǝl jeni.

1 Yohana 2:11

Nʊ nɨ kɔ kɨla gɔ lɛ tagɨ, gǝ na a kumtojili, n kumtojili gǝ yɔ lɛ woi. A nyǝm bɔ daa nɨ gǝ fam naa gǝnɔ lɛɨ, jʊ a bwɨɨ kumtojiligɔ a kul nǝn gɔ.

1 Yohana 2:8

A kaa golaɨ, diil nɨ mǝ mʊla jem lɛɨ n diil fɨ, wʊnɨ n bɨlǝngǝn a daa Kiristi woi jǝbɔ jen, jʊ a bwɨɨ, kumtojiligɔ shu lɛ, nyalǝm bɨlǝngkɛlɔ a kwɛl beta lɛ.

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.