2 Korinti 3:5 - Dadiya NT

⁵ Ke bɔ nǝn nǝn dul nǝn, nǝn sʊwa lɛ gɔ nǝn maa kaa jǝlɨ. Kwaan nǝnɔ a bɛ daagɔ Kwaama woi.

2 Korinti 3:5 ပူးပေါင်းရင်းမြစ်များ

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Luka 24:49

Ya mǝ twam jen twam jʊ Tɛtɛ mɨ a maa jem swatǝm yaaɨ. Jǝ́ yɨ fɔ a mʊgɔ Urushalima, ba la nǝn kwama Kwaama nǝ jen kwaan nɨ lɛ bɛ lɛ a dʌbʌli.”

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

Roma 15:18

Mɨsɔ mǝ lɛla lɛ n sʊwa kɛl na ke bɔ jʊ Kiristi a maa a gola mɨɨ. A dǝg Bʌtʌbɔ a jǝla a bwangtǝn Kwaama a kɛl mǝndɨ jǝbɔ maajɨ mɨɨ.

1 Korinti 15:10

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

1 Korinti 3:10

A dul lǝma nɨ Kwaama a nɨ ɨɨ, n swa fʌlʌm mɔtǝmɔ maa na nʊ nɨ a nyǝm mɔtǝmɨ. Kaa a sʊtǝn mɔtǝmɔ a dul gǝn. Bɛ nǝl a nyǝm mɔtǝm nɨ gǝ sʊtǝn nɛ a dul gǝnɨ.

1 Korinti 3:6

Nǝmǝ mǝ kwal dʊʊmɨ. Afolos nǝn gɔ a tal mwɛmɨ. Nǝn Kwaama a dʊʊl nǝnɨ.

2 Korinti 12:9

Nǝngɔ a sʊwa ɨ gɔ, “Lǝma mǝndɨ a wʊlam mʊn, jʊ a bwɨɨ daa gɨyatǝm mʊnɔ, n daa yiitǝm kwaan mǝndɨ.” Gǝ na nyɔ mǝ maa maa fulotǝm nǝl dangǝn nǝn lɨyal mǝndɨ a gɨyatǝm mǝndɨ gǝm, dɨsɔ kwaan Kiristi a yɨ dakini jǝbɔ mǝ.

2 Korinti 2:16

Nǝb nɨ a gola kalatǝmɨ, kunʌn nɨ n kunʌn bwaa, wʊnɨ bɛ lɛ nǝn bwaaɨ. A nǝb nɨ nya bʊʊtǝm lɛɨ, kunʌn nɨ n kunʌn kʊlɨ. Nuwo dwal lɛ a do tuulo maajɨ nɨɨ?

2 Korinti 4:7

Shilo nɨ nǝn nǝnɨ, gǝ na a mʊgɔ suubʌl boli, sǝ ja nʊng gʌleng kwaan nɨ na a Kwaamaɨ, ke bɔ a nǝn.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

2 Timoti 2:2

Kanjǝl nɨ mʊ nyʊwa a daa mǝ woi, a kǝga nǝb nǝtǝm nyiyo nɨ a lada nyɨɨ, bɛ ń nǝ nǝb nɨ a ta swatǝm yaaɨ, nǝb nɨ tʌji dwal lɛ a mɛla kaam nǝbɔ gǝmɨ.

Yakubu 1:17

Nǝtǝm jǝ nyan, jǝbɔ yiitǝm lǝma a bɛ a dʌbʌl a daagɔ Tɛtɛ Kwaama woi, wʊnɨ a fwal nyalǝmɔ pʌd a dʌbʌl kwamaɨ. Mɨ gǝ fʌto lɛ wo. Mɨ duuli gǝnɔ gǝ yǝla lɛ wo.