2 Korinti 2:3 - Dadiya NT

³ Mǝ mʊla jem nyɔ kage n bɛ ba n nya nǝb nɨ dǝg ɨ fulotǝm nǝl lɛɨ, a yǝlam nǝji jǝ dǝg ɨ lɛ a fitǝm nǝlɨ. Mɨ mǝ nǝn kǝman a jen gǝm, na n maa fulotǝm nǝlɨ, gwam jenɔ jǝ́ maa fulotǝm nǝl.

2 Korinti 2:3 ပူးပေါင်းရင်းမြစ်များ

1 Korinti 4:21

N wɛ jǝ́ jǝgǝmɨ? N bɛ jem nǝn dwam ka? N bɛ jem nǝn kǝga swɨkan jǝbɔ yʌbtǝm dul ka?

2 Korinti 1:15

N nyǝm nyɔ, n jʊ a bwɨ mǝ swɨ na n yɔ a daa jen woi nǝn tɨkǝgaɨ, sǝ jǝ́ nya yotǝm bwili naagɔ yo.

2 Korinti 1:23

Mǝ jo Kwaama mǝʊ nǝn gɔ n nǝ nǝtǝm nyiyo a dul mɨɨ, n jʊ a dǝg ɨ mǝ yɔ bɔ a Korinti sǝ n shigʌm jem gaalan nɨ jǝ́ nɔɔ lɛɨ.

2 Korinti 12:11

N maa jǝ fʌmʌn. Nǝjen jǝ́ sɨna mɨɨ. A yǝlam nyɔ nǝjen na jǝ́ buu mɨ kang lɛɨ, jʊ a bwɨɨ mɨ daa nɨ wo mǝ dwal a kʊm daltɔ bɛtɔ twamagɨɨ, mǝ ke bɔ kaa jǝl sul.

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

2 Korinti 13:10

N jʊ a bwɨ mǝ mʊla jem jʊ nɨ nǝn kwama mɨ mǝ dakini nǝbɔ jeni, dɨsɔ na n yǝla n bɛɨ, kage a yǝlam nyɔ n nǝ jen gaalan a dul nʊngtǝm fɔlɔn nɨ Tɛlalɔ a nɨ ɨɨ. Tɛlalɔ a nɨ ɨ fɔlɔn nɨ sǝ n mɔ jen, ke bɔ kʌbtǝm jen.

2 Korinti 2:9

Mǝ mʊla jem langǝn bwangǝn nɨ sǝ n tɛl jen, sǝ n kuwo kɛna jǝ́ bwangtǝn gola kɛltɨnɔ lɛ gwam dǝngdǝngɨ.

2 Korinti 7:12

Mʊlatǝm langǝn bwangǝn nɨ mǝ maa jemi, mɨ a dul nʊ nɨ a maa bwɨlangkɛlɨ, mɨ a dul nʊ nɨ jǝ́ maa gǝmɨ. Mǝ mʊla jem sǝ ja nʊng jen a kǝga Kwaamaɨ jǝ́ dʌng nǝn dangǝn.

2 Korinti 7:16

Mǝ maa fulotǝm nǝl lɛ, jʊ a bwɨɨ n jǝla nǝn jen dangǝn.

2 Korinti 7:6

Kwaama nɨ kʊʊ nǝl nǝb nɨ lɛ mɨ nǝn kʊʊtǝm nǝlɨ, a kʊʊ nǝm nǝl nǝn bɛtǝm Titusi.

2 Korinti 7:8

Na n kal jem nǝl nǝn langǝn bwangǝn nɨ mǝ mʊla jem nǝn tɨkǝgaɨ, mǝ maa bɔ fitǝm nǝl kǝngkɔ. N maa fitǝm nǝl nǝn tɨkǝga dangǝn. Jʊ a bwɨɨ n kuwo langǝn bwangǝn nɨ a kal jem nǝl, a kǝlɨ kwama nǝn dǝm nyɔ.

2 Korinti 8:22

Nǝ twam kaa kɨla nǝn nɛ dakini jǝbɔ ji, wʊnɨ nǝ tɛl gǝn dangǝn, nǝ nya nǝngǝn nǝn nǝl maajɨ a golantɨnɔ nǝn dʌmʌni. Kǝngkɔ a laa tangǝn ditɨnɔ nǝl maajɨgɔ, jʊ a bwɨɨ n jǝlatǝm nɨ gǝ maa jem lɛ nǝn bɨlǝngǝnɨ.

Galatiya 5:10

N ya nǝl a daa jen woi a daagɔ Tɛtɛɨ, mɨ nyǝmatǝm wo, mɨsɔ jǝ́ bwangtǝn kaa bʊʊlalɨ lɛ na ke bɔ a mǝndɨ. Nʊ nɨ dǝg jen komtǝm lɛɨ nya nya mwɛtǝm Kwaamaɨ, na nǝn gɔ gǝ nuwoi.

2 Tasalonikaɨ 3:4

Nǝn jǝla nǝn Tɛlalɔ a dul jen a bwangtǝm diil nɨ nǝn sʊwa jeni. Jǝ́ ja ja kǝga nǝn bwangtǝmɔ.

Filimon 1:21

N jǝla nǝn mɔ, mʊ nyʊwa ɨ nyʊwa ɨ. N jʊ a bwɨ mǝ mʊla mʊn nɛɨ, n nyǝm mʊ maa maa a laa jʊ nɨ mǝ sʊwaɨ.