2 Korinti 11:3 - Dadiya NT

³ Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

2 Korinti 11:3 ပူးပေါင်းရင်းမြစ်များ

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Roma 12:8

Na na a kʊʊtǝm nǝlɨ, bɛ bǝ yǝlam nǝn kʊʊtǝm nǝl. Na na a nǝtǝm lǝma na maatǝm tɨkalɨ kambɨɨ, bɛ bǝ nǝ nǝl bǝnɔ win. Na na a dʊʊ jatǝm kǝgaɨ, bɛ bǝ maa maajɨ jatǝm kǝga. Na na a bʊnatǝmɨ, bɛ bǝ maa nǝn fulotǝm nǝl.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

2 Korinti 11:20

Na kaa nǝl a dǝg jen jwaalɛnɨ, na a yo jǝ jen nǝn kwaanɨ, na a ja jeni, na a nʊng jen gɔ gǝ laɨ, na a jǝga jen a kǝgaɨ, jǝ́ kʊ nǝl.

2 Korinti 11:29

Nuwo a gɨya, mǝ nyʊwa bɔ gɨyatǝm gǝnɔ a bʊtɔ mɨɨ? Nuwo ja dǝg gǝn a yal a bwɨlangkɛl, mǝ nyʊwa bɔ nabwɨl jini?

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

2 Korinti 4:2

Nǝn kɔ kanjǝl gunidul nɨ yǝlam jǝ yʊtǝm lɛɨ, mɨ swagkatǝm wo. Nǝn fʌto bɔ kɛl Kwaamaɨ. Nǝn sʊwa mɛlalɨ bɨlǝngkɛl a talɨ. N daa nɨ nǝbɔ nyǝm lɛ a nǝl jin gɔ nuwo nǝn nǝnɨ.

Galatiya 1:6

Jʊ nɨ jǝ́ maa lɛɨ, a yǝlam mɨ komʌn dangǝn. A kǝlɨ kwama nǝn dǝm nyɔ jǝ́ bǝla bwangtǝm nʊ nɨ lɛ a jo jen a mʊgɔ lǝma Kiristii, jǝ́ yǝla jǝ́ bwangtǝn kaa fulon kɛl lɛ nǝn kwan.

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

Galatiya 4:11

Jǝ́ nɨ ɨ taal, gaalan nɨ mǝ gʌ a dul jeni, a yɔ nǝn kwan!

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

Afisa 6:24

Bɛ lǝmagɔ a ta tʌgo gwanggwang a nǝb nɨ swɨ Tɛlalɔ bǝn Yesu Kiristi lɛɨ nǝn swɨtǝm nɨ mɨ dɨtǝm woi.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

Kolosii 2:4

Mǝ sʊwa jen jʊ nɨ, kage kaa nǝl a swag jen nǝn kɛl swagtǝm.

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

1 Tasalonikaɨ 3:5

A dul kɛl nɨɨ, mǝ mwɨ bɔ n bwa nǝl a kʊtaɨ, nǝngɔ mǝ twam dɨsɔ n nyʊwa fulon nǝtǝm bɨlǝngkɛl jeni. Mǝ sa lɛ mǝʊ kage nǝ tɛltǝm nɨ a tɛl jen, gaalan maajɨ nǝnɔ a yɔ mwɛ nǝn kwan.

1 Timoti 1:3

Kanga mǝ kela ń kwama mǝ shum a Makidoniyaɨ, mǝʊ ń yɨ a Afisaɨ, bɛ ń maa nyɔ, sǝ ń mwɛ kaam nǝb nɨ maa mɛlalɨ gabakɛl lɛɨ ja bǝla wo.

1 Timoti 2:14

Ke bɔ Adamu Mammɔ a swagɨ, n nɔɔlɨgɔ a swagɨ, nǝn gɔ a kǝl diilii.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

Titus 1:10

Jʊ a bwɨ mǝ sʊwa nyɨɨ, nǝb bǝngɨ lɔlɔ wo a lada, jǝbɔ nǝb sʊwalatǝm kɛl nǝn kwan, jǝbɔ nǝb swagtǝm nǝbɨɨ, a ga keli a nǝb bwangtǝm kɛl biyotǝm mwɛn nɨɨ.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

2 Bitrus 3:17

Kɛtǝlam mɨ nɨ mǝ swɨ lɛɨ, kanga jǝ́ kwɛl jǝ́ nyǝm kanjǝl nɨ bwɨ bwɨɨ, bɛ jǝ́ nyǝm kaam nǝb nɨ mɨ sa taal Kwaamaɨ lɛɨ, kage mɛlalɨ gabakɛl jinɔ a wɔɔm bʊʊlalɨ jenɔ jǝ́ bǝla bwangtǝm bɨlǝngkɛlɔ.

2 Bitrus 3:3

Nǝn tɨkǝga mǝ swɨ lɛ n bʊʊla jem a kumtɨn dɨltǝm, nǝb mogtǝmɔ jel jel, maa mogtǝmɔ lɛ, jǝ bwangtǝn wɛl bwɨlan jinɔ lɛ.

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Dʊgam Nyangnyang 12:15

Nǝngɔ gʌleng sɔɔ dʊʊ nɨ a kwi mwɛmɔ a nyiyo gǝn na tiyo a gul nɔɔlɨ nɨɨ sǝ a do gǝn a shu nǝn.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 20:2

A ta sɔɔ bwɨla nɨ, wʊnɨ nǝn gɔ gʌleng sɔɔ dʊʊ galɨgɨɨ, wʊnɨ nǝn gɔ Mammɨ, a bwa gǝn jolɔ fʊlkʊblǝn.