2 Bitrus 3:17 - Dadiya NT

¹⁷ Kɛtǝlam mɨ nɨ mǝ swɨ lɛɨ, kanga jǝ́ kwɛl jǝ́ nyǝm kanjǝl nɨ bwɨ bwɨɨ, bɛ jǝ́ nyǝm kaam nǝb nɨ mɨ sa taal Kwaamaɨ lɛɨ, kage mɛlalɨ gabakɛl jinɔ a wɔɔm bʊʊlalɨ jenɔ jǝ́ bǝla bwangtǝm bɨlǝngkɛlɔ.

2 Bitrus 3:17 ပူးပေါင်းရင်းမြစ်များ

Matta 16:11

N wɛ bwɨ jǝ́ nyǝm bɔ gɔ n ke bɔ kʊkkʊm mǝ sʊwa kɛl lɛ a dul gǝnɨ? Bɛ jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”

Matta 16:6

Nǝngɔ Yesu a sʊwa ji gɔ, “Bɛ jǝ́ nyǝm, jǝ́ kɨla yisti nǝbɔ Farisaɨ jǝbɔ a nǝbɔ Sadukiyaɨ.”

Matta 7:15

“Bɛ jǝ́ nyǝm nǝbkuwotǝmkǝga gabakɛlɔ. Wʊnɨ jǝ bɛ jem lɛ nǝn jelkalǝng kwamɨɨ, mʊgɔ nǝl jinɔ n bangashɨtɨn, wʊnɨ nyʊwa jʊwan bwɨla lɛɨ.

Yohana 16:4

Mǝ sʊwa jen nɛ, sǝ na kwamagɔ ba la kanga jǝ maam jʊ nɨ lɛɨ, sǝ jǝ́ bʊʊla n kwɛl n sʊwa jen sʊwaɨ. Mǝ sʊwa jen bɔ kanjǝl nɨ nǝn tɨkǝga, jʊ a bwɨɨ mǝ na dakini jǝbɔ jen.

Maajɨ Bɛtɔ Twamagɨɨ 2:42

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Roma 16:18

Nǝb nɨ ja bwang bɔ Tɛlalɔ bǝn Kiristi gǝm. N mʊgɔ fʌl jin jǝ bwangtǝn nɛɨ. N gola nyiyo lǝmɨ jinɔ jǝbɔ teman nǝbɨɨ, jǝ swag nǝb nɨ lɛ bʊʊlalɨ jinɔ a la bɔ daaɨ.

1 Korinti 10:12

Na gǝ na nyɨɨ, nʊ nɨ kuwo lɛ gɔ gǝ tɨɨ, bɛ ga nyǝm, kage ga yala.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

Galatiya 5:4

Jen nɨ jǝ́ swɨ lɛ jǝ́ yǝlam nǝb dǝngdǝng a daagɔ Kwaama woi a gola bwangtǝm diil Musaɨ, jǝ́ kwɛl jǝ́ jǝg dul jenɔ a daagɔ Kiristi woi. Jǝ́ gʊ nǝn gul a nyatǝm lǝma Kwaamaɨ.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Filibii 3:2

Bɛ jǝ́ kɨla sǝgantɨn nɨɨ! Bɛ jǝ́ kɨla nǝb maajɨ bwɨla nɨ! Jǝ́ kɨla nǝb biyotǝm mwɛn nɨ!

Kolosii 2:5

A bʊtɔɨ, mɨ mǝ wo nǝbɔ jen sul, bʊʊlalɨ mɨɨ wo jǝbɔ jen. Mǝ maa fulotǝm nǝl lɛ nǝn yɨm nɨ a daa tʌgo jǝ́ maaɨ jǝbɔ tɨm jenɔ nǝn kwaan jǝ́ tɨ a nǝtǝm bɨlǝngkɛl a daa Kiristi woi.

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

2 Timoti 4:15

Mɔ tǝmʊn bɛ ń kɨla gǝn. A kɔ kɛl nɨ bǝ kiyo lɛɨ.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

1 Bitrus 5:9

Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.

2 Bitrus 2:7

A jǝg Lutu, nʊ nɨ n nǝ dǝngdǝngɨ, wʊnɨ a nya fitǝm nǝl dangǝn a dul yɨm nǝb kalalɨ nɨ mɨ sa taal Kwaamaɨ lɛɨ.

2 Bitrus 3:1

Kɛtǝlam mɨ nɨ mǝ swɨ lɛɨ, wʊnɨ nǝn gǝ langǝn bwangǝn na yogɔ mǝ mʊla jemi. A mʊgɔ jin gwam mǝ maa jem bʊʊlalɨ a nǝl jen sǝ a dǝg jen jǝ́ bwangtǝn Kwaama dǝngdǝng.

Dʊgam Nyangnyang 2:5

Bɛ ń fɛ ń bʊʊla nǝn dʊʊn mʊnɔ nǝn tɨkǝgaɨ, jǝbɔ yǝlatǝm nɨ nǝn gul mʊ maaɨ. Yǝla bǝla bwɨlangkɛl mʊnɔ. Yǝla maa maajɨ nɨ mʊ maa nǝn tɨkǝgaɨ. Na mʊ yǝla bɔ ń bǝla bwɨlangkɛl mʊnɨ, mǝ bɛ bɛ a daa mɔ woi sǝ n yem daa swatǝm fitilagɔ a daa mʊ woi.