2 Bitrus 3:10 - Dadiya NT

¹⁰ Kumɔ Tɛlalɔ bɛm lɛɨ, bɛ na nǝkuu. Dʌbʌlɔ shu shu nǝn diil dʊʊn. Gwam jʊtǝb nɨ a dʌbʌl jǝbɔ tǝmɨ twɨm twɨm, ja kala. Tǝmɔ jǝbɔ kanjǝl nɨ a mʊgɔ gǝnɨ, lɛlam lɛlam.

2 Bitrus 3:10 ပူးပေါင်းရင်းမြစ်များ

Matta 24:35

Dʌbʌlɔ jǝbɔ tǝmɔ dɨ dɨ, kɛl mǝndɨ mɨsɔ dɨ lɛ wo.

Markus 13:31

Dʌbʌlɔ jǝbɔ tǝmɔ dɨ dɨ. Kɛl mǝndɨ mɨsɔ dɨ lɛ wo.

Luka 12:39

Bɛ jǝ́ nyǝm na nǝ lɔngɔ a nyǝm kwama nɨ nǝkuugɔ bɛm lɛɨ, na a fɛka a kʌshi lɔ gǝnɔ ka nǝkuugɔ a dɔ gǝm lɔ.

Roma 8:20

Kwaama a lag kanjǝl nɨ ga fwalɨ a yǝlam jǝl nǝn kwan. Jʊ nɨ a bwɨ nyɔ ke bɔ kanga yooligɔ swɨ lɛɨ, n jʊ Kwaama swɨ lɛɨ. A maa nyɔ sǝ kanjǝl nɨ ga fwalɨ ja ya nǝl

1 Korinti 1:8

wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

1 Korinti 5:5

Bɛ jǝ́ dǝg nʊ nɨ a kang Mammɨ, sǝ a kalǝm bʊtɔ bwɨlangkɛl gǝnɔ, sǝ yʊwa gǝnɔ a bʊʊ nǝn kɔkɔ Tɛlalɔɨ.

2 Korinti 1:14

kanga jǝ́ kwɛl jǝ́ nyǝm nǝn dǝm nyɨɨ, sǝ jǝ́ maa lɨyal nǝn nǝn, nǝn tǝnǝn nǝn maa lɨyal nǝn jen, nǝn di Tɛlalɔ bǝn Yesu bɛm lɛɨ.

1 Tasalonikaɨ 5:2

Jǝ́ nyǝm nyǝmɨ nǝn kang jen, kɔkɔ bɛtǝm Tɛlalɔɨ bɛ na nǝkuu nǝn kum.

1 Tasalonikaɨ 5:4

Kambɔ ke bɔ a mʊgɔ kumtojili jǝ́ woi, kɔkɔ nɨ ba do jen nɛ nǝn dul na nǝkuui.

2 Bitrus 3:11

Kanjǝl nɨ gwam kala kala. A dul kɛl nɨɨ, n yɨm won a bʊm jǝ́ maa lɛ kǝngkɨɨ? Bɛ jǝ́ yɨ yɨm sagsag. Bɛ jǝ́ yɨ yɨm nǝn nǝl Kwaamaɨ.

2 Bitrus 3:12

Bɛ jǝ́ yɨ nyɔ nǝn kwama jǝ́ yam kɔkɔ Kwaamaɨ lɛɨ. Maatǝmɔ nyɨɨ, sʊtǝn sʊ kwaan bɛtǝm gǝnɔ! Nǝn bɛtǝm gǝnɔ, jǝ kul kul dʌbʌlɔ gǝm kǝla, sǝ gwam kanjǝl nɨ a mʊgɔ gǝnɨ kǝlagɔ twɨm twɨm sǝ a yʊbam.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

Yahuza 1:6

Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

Dʊgam Nyangnyang 16:15

“Jǝ́ nyʊwa! Mǝ bɛ lɛ na nǝkuu! Bwiligɔ na a nʊ nɨ yǝm nǝn fɛkalɨ, tɨm nǝn dwang dʊʊl gǝnɨ, kage a yɔ kʊnkʊn, a nyʊwa gunidul a talɨ.”

Dʊgam Nyangnyang 20:11

Nǝngɔ mǝ kuwo kaa gʌleng kotere fɔlɔn fulo jǝbɔ nʊ nɨ yǝm a dul gǝnɨ. Nǝngɔ tǝmɔ jǝbɔ dʌbʌlɔ ja mwalam a kǝga gǝnɨ, mɨ ji nǝn daa wo.

Dʊgam Nyangnyang 21:1

Nǝngɔ mǝ kuwo dʌbʌl kwama fɨgɔ jǝbɔ tǝm fɨgɨɨ. Dʌbʌl kwama tɨkǝgagɔ jǝbɔ tǝm na tɨkǝgagɔ a shu, mɨ kaa wɨma wo.

Dʊgam Nyangnyang 3:3

Bɛ ń fɛ bʊʊla jǝbɔ jʊ mʊ yo, mʊ nyʊwa tagɨ. Bɛ ń kɨla gǝn, yǝla bǝla bwɨlangkɛl mʊnɔ. Na mʊ gun bɔ a daatǝm dum mʊnɔ gǝmɨ, mǝ bɛ na nǝkuu. Mɨsɔ mʊ nyǝm kwama nɨ mǝ bɛm lɛ a daa mʊ woi.

Dʊgam Nyangnyang 6:14

Dʌbʌlɔ a kʊlʊm a maa na kʌshen. Nǝngɔ ja tʊngǝm yemtɨnɔ gwam jǝbɔ tǝmtɨnɔ a tɨbǝl wɨmaɨ a daa yɨm jinɔ gǝmɨ.