2 Bitrus 2:2 - Dadiya NT

² Nǝbɔ a lada wʊnɨ bwangtǝn golantɨn gunidul jinɔ lɛɨ. N kɛl dul jin kaam nǝbɔ soga gola bɨlǝngkɛlɔ lɛɨ.

2 Bitrus 2:2 ပူးပေါင်းရင်းမြစ်များ

Matta 22:16

Nǝngɔ ja twam bɛtɔ mɛlalɨ jinɔ jǝbɔ kaam nǝbam Hiridusi a daa gǝ woi gɔ, “Nǝ mɛlalɨ, nǝn nyǝm mʊ nǝ bɨlǝngkɛl, mʊ mɛla gola Kwaamaɨ lɛ nǝn bɨlǝngǝn, nǝbɔ pʌd win a daa mʊ woi, mʊ do bɔ kaa nǝl a laa a wini.

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Matta 7:14

Nyanga kanɔ yɔ lɛ nǝn jen a kʊlɨɨ, a gwag gwagɨ, gola gǝnɔ a bwa dɔtǝm, nǝbɔ yɔ lɛ woi a lada bɔ.

Markus 12:14

Ja bɛɨ, nǝngɔ ja sʊwa gǝn gɔ, “Feyi, nǝn nyǝm mʊ nǝ bɨlǝngkɛl, nǝbɔ gwam win a daa mʊ woi. Mʊ do bɔ kaa nǝl a la kaa wo, mʊ mɛla gola Kwaamaɨ lɛ a mʊgɔ bɨlǝngkɛl. Mʊ kuwo lɛ n dǝngdǝng bǝ ywa Kaisar kemʌn tǝm ka? N ke bɔ dǝngdǝng ka?

Markus 13:22

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Maajɨ Bɛtɔ Twamagɨɨ 13:10

A sʊwa gɔ, “Mɔ nǝn bʊla Mammɨ! Nʊ nɨ maa kii lɛ jǝbɔ jʊ nɨ dǝngdǝngɨ! Swagtǝmɔ a yii nǝl mʊnɔ, jǝbɔ jǝ bwɨla. Mɨsɔ mʊ bǝla kaltǝm golantɨn Tɛlalɔɨ lɛ sɨnɨ ka?

Maajɨ Bɛtɔ Twamagɨɨ 14:2

A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.

Maajɨ Bɛtɔ Twamagɨɨ 16:17

Nǝngɔ a tɨtǝn bwangtǝm Bulusi jǝbɔ tangǝn nǝnɔ, gaba kwaalɨ lɛ sʊwa lɛ gɔ, “Nǝb nɨ n bɛtɔ jwaalɛn Kwaamaɨ, Nǝ Dʊʊ. Jǝ sʊwa jen gola nyatǝm bʊʊtǝm.”

Maajɨ Bɛtɔ Twamagɨɨ 18:26

Nǝngɔ a tǝl sʊwatǝm kɛl Kwaamaɨ nǝn kwaan gǝnɔ a kan mɛlalɨɨ. Bilkisu jǝbɔ Akila ja nyʊwa kɛl gǝnɨ, nǝngɔ ja gʊ gǝn a kelii. Nǝngɔ ja sʊ gǝm nyǝmtǝmɔ a gola Kwaamaɨ dangǝnɨ.

Maajɨ Bɛtɔ Twamagɨɨ 19:9

A kaamɨ a nʊng kwamǝn dul, ja kɔ nǝtǝm bɨlǝngkɛl. Jǝ sʊwala kɛl bwɨlantɨn nɛ a kǝga nǝbɨɨ a dul Gola Tɛlalɔɨ. N dul kɛl nɨ Bulus a bǝla jii, a shu jǝbɔ nǝb bwangtǝmɨ, maa mɛlalɨ lɛ kum jǝbɔ kum a gǝlalantal Tiranusi.

Maajɨ Bɛtɔ Twamagɨɨ 22:4

N nǝ nǝb nɨ bwangtǝn Gola nɨ lɛɨ gaalan. Mǝ bwaba nǝbɔ lɛ batǝm jǝbɔ nɔɔtǝm. Mǝ dǝg ji lɛ a lɔsomi, sǝ ja jʌbo ji.

Maajɨ Bɛtɔ Twamagɨɨ 24:14

“Jʊ win mǝ jǝla nǝnɨ, nǝn gɔ mǝ bwangtǝn Kwaama tʊgalam nǝnɨ lɛ a gola Kiristii wʊnɨ nǝb nɨ sʊwa lɛ gɔ ke bɔ bɨlǝngkɛlɨ. N nǝ bɨlǝngkɛl a gwam jʊ nɨ ja mʊla a diilɔ gǝmɨ jǝbɔ langǝn bwangǝn nǝbkuwotǝmkǝgagɨɨ.

Roma 2:24

Kanga a mʊla mʊlaɨ gɔ, “N kɛl dul jen Bʌtʌbɔ kal dun Kwaamaɨ lɛɨ.”

1 Timoti 5:14

A dul kɛl nɨ, mǝ swɨ lɛ kal nɔɔtǝmkʊlabɔ ja naa batǝm, ja bʌ bɛtɨ, ja dʌng lɔ jinɔ. Ka ja nǝ lɛ nǝ kii bǝnɔ gola tuwol bǝn.

Titus 2:5

Bɛ ja yǝlam nǝb tatǝm dul, nǝb nǝl sagsag, nǝb nɨ dʌng lɔ lɛɨ, nǝb maatǝm lǝma, nǝb nɨ nǝ batǝlam jinɔ dʊʊn nɛɨ, kage ja tuwo kɛl Kwaamaɨ.

Titus 2:8

jǝbɔ kɛl nya nɨ mɨsɔ jǝ tuwo gǝn nɛɨ, sǝ nǝb kiim mʊnɔ a nyʊwa gunidul mɨ ji nǝn jǝ bwɨla nɨ jǝ sʊwa lɛ a dul bǝnɨ.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

2 Bitrus 2:12

Nǝb nɨ ja maa na yʊwal, mɨ ji nǝn bʊʊlalɨ. Jǝ bwangtǝn jʊ bʊtɔ jinɔ a sʊwa jii. Ja bʌ ji, sǝ ja ta ji ja jʌ. Jǝ sʊwa kanjǝl bwɨlan nɛ a dul jʊ nɨ ja nyǝm bɨɨ. Jǝ bʊla na yʊwal kuul.

2 Bitrus 2:15

Ja bǝla gola nɨ sɨnɨ, ja tangǝm. Ja bwangtǝn Balamu bʊla Beyori, wʊnɨ swɨ sʊtǝm lɛ a gola nɨ mɨ dǝngdǝngɨ.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

2 Bitrus 2:21

A laa jim jǝl na ja nyǝm bɔ gola dǝngdǝngɔ wo nǝn tɨkǝgaɨ, na nǝn gul ja nyǝmɨ nǝngɔ la ja yǝla ja bǝla diil sagsag wʊnɨ ja nǝ jii.

2 Bitrus 2:7

A jǝg Lutu, nʊ nɨ n nǝ dǝngdǝngɨ, wʊnɨ a nya fitǝm nǝl dangǝn a dul yɨm nǝb kalalɨ nɨ mɨ sa taal Kwaamaɨ lɛɨ.

Yahuza 1:10

Nǝb nɨ soga kanjǝl nɨ lɛ ja nyǝm bɨɨ, kanjǝl nɨ ja nyǝmɨ na a bʊtɔ, ja maa na yʊwaltɨn, mɨ ji nǝn yʊlan, gola dɨltǝm jinɔ n kalatǝm.

Yahuza 1:15

sǝ a biyo borang a dul nǝbɨɨ gwam. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang kanjǝlɔ ja maaɨ. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang katɨ nɨ ja sʊwa a dul gǝnɨ.”

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Yahuza 1:7

A na nyɔ, Sadumagɔ jǝbɔ Gwamratagɔ jǝbɔ tangǝn tuulɔtɨnɔ a daa gɨɨ, nǝbɔ tʌji ja tal tʌgo a maatǝm bulon jǝbɔ bwɨlan nɨ a shu kwaanɨ, ja nʊng ji ja yǝlam jǝ mɛlalɨ, jǝ mwɛ ji nǝn kǝla nɨ mɨ dumotǝm woi.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 13:8

Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.