2 Bitrus 2:14 - Dadiya NT

¹⁴ Wɛl maatǝm bulon a daa ji woi kwangkwang. Ja bo bɔ nǝn maatǝm bwɨlangkɛl. Jǝ swag nǝb nɨ lɛ mɨ nǝn kwaan a nǝtǝm bɨlǝngkɛlɨ. Nǝl jinɔ a yii nǝn wɛl. Dʊʊm nɨ Kwaama lag ji lag, mɨ nyǝmatǝm wo.

2 Bitrus 2:14 ပူးပေါင်းရင်းမြစ်များ

Matta 12:34

Jǝ́ faatɨn! Jǝ́ nyǝm sʊwatǝm kɛl nyanɔ nyǝn, jen nɨ jǝ́ nǝb bwɨlanɨ? Jʊ a mʊgɔ nǝlɨ, n jʊ jel lɛ a nyiyoi.

Matta 23:14

N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ jam kʊla nɔɔtǝmkʊlabɨ lɛ. Jǝ́ maa keligɔ a som nyɔ, sǝ nǝbɔ kuwo jen. Jǝ́ nya nya mwɛl a laa a tangǝn nǝbɨɨ.]

Matta 25:41

“Bwangtǝn nɛɨ, sʊwa nǝb nɨ a kang fɔlɔng gǝnɔ gǝmɨ gɔ, ‘Jǝ́ kʌlʌm fɔ, nǝb nɨ ja lag jen lagɨ, jǝ́ dɔ mʊgɔ kǝla nɨ mɨsɔ dumo lɛ woi, wʊnɨ ja fɛ Mammɔ gǝm jǝbɔ bɛtɔ twama gǝnɨ.

Matta 5:28

A dul kɛl nɨ kǝngkɔ mǝ sʊwa jen nɛ, na nʊ nɨ a dʌng nɔɔlɨ nǝn wɛl maatǝm buloni, a kwɛl a maa bulon jǝbɔ gɔ a mʊgɔ nǝl gǝn.

Markus 13:22

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa kanjǝl laatǝm kang jǝbɔ jǝ nʊngtǝm, sǝ ja swag nǝb nɨ ja jǝgamɨ, na jǝ nya nya golaɨ.

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Roma 16:18

Nǝb nɨ ja bwang bɔ Tɛlalɔ bǝn Kiristi gǝm. N mʊgɔ fʌl jin jǝ bwangtǝn nɛɨ. N gola nyiyo lǝmɨ jinɔ jǝbɔ teman nǝbɨɨ, jǝ swag nǝb nɨ lɛ bʊʊlalɨ jinɔ a la bɔ daaɨ.

1 Korinti 11:19

Mɨ nyǝmatǝm wo, jǝ́ nya nya gʊbkatǝm a kʊm jen, sǝ jǝ́ nyǝm nǝb nɨ Kwaama a jǝla nǝn ji a kʊm jeni.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

2 Bitrus 2:3

Nǝb mɛlalɨ gabakɛl nɨɨ, nǝb wɛl. Jǝ swag jen swag nǝn fulon kɛltɨn nɨ ja fɛkaɨ. Ja kwɛl ja mwatɨ jim mwatɨ borangɔ. Nʊ nɨ dǝg ji lɛ a lɔ kǝlaɨ, yam ji lɛ.

2 Bitrus 3:16

A mʊla a dul jʊ nɨ nyɔ, kanga gǝ maam lɛ pʌd a tangǝn mʊlalɨ langǝn bwangǝntɨn gǝnɨ. Kaam kanjǝlɔ wo a mʊgɔ jin wʊnɨ a bwa nyǝmtǝmɨ, wʊnɨ nǝb nɨ mɨ nǝn nyǝmtǝmɨ jǝbɔ nǝb nɨ a kwam bɔ a mʊgɔ nǝtǝm bɨlǝngkɛl jinɔ gǝmɨ, jǝ fʌto jʊ, jʊ nɨ nʊng lɛɨ. N gola gɔ jǝ gʊ dul jinɔ gǝm kalatǝm lɛɨ. Jǝ maa nyɔ tag jǝbɔ kaam mʊlalɨ kɛl Kwaamaɨ.

1 Yohana 2:16

Kanjǝlɔ a mʊgɔ yooli nɨɨ nǝn gɔ wɛl bʊtɔ, jǝbɔ dǝlatǝm nu, jǝbɔ gungtǝm dul a jʊ nɨ gǝ nǝngǝnɨ. Kanjǝl nɨ a bɛ bɔ a daagɔ Tɛtɛ woi. A bɛ a yooli nɨ gǝm.

Yahuza 1:11

N mwɛ jin! Ja bwangtǝn gola Kayinui. Ja maa jʊ Balamu a maa a bʊm bɨɨ, ja ya wɛl jinɔ a dul kemʌn. A dul kanjǝl nɨ gwam ja maaɨ, jǝ jʌbo ji jʌbo kanga ja jʌm Kora a tʊlǝm gǝnɔ gǝmɨ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.