2 Bitrus 2:13 - Dadiya NT

¹³ Jǝ nɔɔ nɔɔ gaalan kanga ja nǝ nǝb nɨ gaalanɨ. Ja do gɔ jǝ nyʊwa lǝma lɛ, jǝ maa nɔɔlatǝm jǝbɔ maatǝm yʊwa nǝn sɨmang kɔkɔ. Yɨm jinɔ a kʊm jeni n jǝ gunidul, jʊ nɨ a bʊm bɔ tagɨ. Jǝ ja lɛ, jǝ nɔɔ lɛ jǝbɔ jen, jǝ maa jʊ nɨ lɛ jǝ swɨ lɛ ja maaɨ.

2 Bitrus 2:13 ပူးပေါင်းရင်းမြစ်များ

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Afisa 5:27

sǝ a do dul gǝnɔ gǝm mʊrkalɨ nǝb bwangtǝm Kwaamaɨ nɨ a bʊm bʊmɨ, mɨ nǝn kʊlan jǝbɔ wʊrmatǝm tɛ bʊtɔ jǝbɔ jǝ bwɨla, a yǝlam sagsag mɨ nǝn jǝ tuwol.

Filibii 3:19

Dɨltǝm jinɔ n bwaa, kwaama jinɔ n fʌl. Jǝ maa sʊtɔ jinɔ nǝn jǝ gunidul. Ja ya nǝl jinɔ a kanjǝl yooli nɨ.

2 Timoti 4:14

Iskandari nǝ tuutǝm kʊbǝlɔ a maa mɨ jʊ nɨ a bʊm bɨɨ. Tɛlalɔ yǝla ywa gǝn ywa a dul maajɨ nɨ ga maaɨ.

Yakubu 5:5

Jǝ́ yɨ yɨm a mʊgɔ lǝma a yooli. Jǝ́ ja lɛ jǝ́ nɔɔ lɛ kanga jǝ́ swɨ lɛɨ. Jǝ́ dʊʊla na yʊwaltɨn nɨ yam kum biyotǝm jinɔ lɛɨ.

1 Bitrus 4:4

A yǝlam fatǝlam jenɔ gǝm galɨgǝnɨ jǝ tatǝm kang a nyiyo gɔ, mɨ jǝ́ mʊrka dul lɛ jǝbɔ ji kǝngkɔ a maatǝm kanjǝl bwɨlantɨn. Jǝ tuwo jen nɛ.

2 Bitrus 2:15

Ja bǝla gola nɨ sɨnɨ, ja tangǝm. Ja bwangtǝn Balamu bʊla Beyori, wʊnɨ swɨ sʊtǝm lɛ a gola nɨ mɨ dǝngdǝngɨ.

Dʊgam Nyangnyang 18:6

Maa gǝm dǝngdǝng kanga ga maaɨ, ywa gǝn a laa laaɨ naagɔ yo a dul maajɨ bwɨlan gǝnɔ gǝm. Jǝ́ nǝ gǝn a nɔɔ gaalan naagɔ yo a mʊgɔ bɛ kʌshi gǝnɔ gǝm, kanga ga nǝm ji.