2 Bitrus 1:8 - Dadiya NT

⁸ Na jǝ́ nǝngǝn nǝn kanjǝl nɨ a lada a nǝl jeni, nyǝmtǝm Tɛlalɔ bǝn Yesu Kiristii nɨ jǝ́ nǝngǝn a nǝl jeni, kɨla jen kɨla a yɨmɔ nǝn kwanɨ, jǝbɔ yɨmɔ mɨ nǝn kaa tɨkalɨɨ.

2 Bitrus 1:8 ပူးပေါင်းရင်းမြစ်များ

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Matta 20:3

“Nǝn kemʌnɔ tʊlkʊb nǝngɔ a jel a kuwo kaam nǝb a gamdʌboi, yǝmam ja maa bɔ kaa maajɨ.

Matta 20:6

Nǝn kemʌnɔ nʊ na kwaamɨ a jel tagɨ, a kuwo kaam nǝb tɨm nǝn kwan ja maa bɔ kaa jǝl, nǝngɔ a sʊwa ji gɔ, ‘N wɛ a bwɨ jǝ́ tɨm nǝn kwan jǝ́ maa bɔ kaa jǝlɨ?’

Matta 25:26

Nǝngɔ tɛlalɔ gǝnɔ a jǝla gǝn gɔ, ‘Mʊ bwɨlang bwɛ jwaalɛ, nǝ fiyel! Ń nyǝm nyɔ mǝ kʌso kʌso a daa nɨ mǝ kwal bɔ jǝl woi, mǝ mʊr kanjǝlɔ a daa nɨ mǝ kwal bɨɨ.

Yohana 15:2

Gwam kang tɨyang nɨ a mʊgɔ mɨ, mɨ tʊʊ tʊʊl lɛɨ, gǝ kam gǝn kam. Gwam kang tɨyang nɨ gǝ tʊʊ tʊʊl lɛɨ, gǝ mwatam mwatam sǝ a sʊtǝn tʊʊlɔ.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 5:42

N nyǝm jen, mɨ swɨtǝm Kwaamaɨ wo a nǝl jen.

Roma 12:11

Bɛ ka jǝ́ shigem lɛ bʊtɔ a maajɨ kwaan. Jǝ́ maa kwaan a nǝl jen. Jǝ́ maa Tɛlalɔ gǝm maajɨ.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

2 Korinti 13:5

Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ.

2 Korinti 8:2

Ji nɨ ja tɛl ji nǝn gaalan bwɨlaɨ, jǝ na a mʊgɔ bʊnǝn bwɨla tag, pʌd fulotǝm nǝl jinɔ a dǝg ji nǝtǝm nǝn nǝlɔ win.

2 Korinti 8:7

Jǝ́ gun a kanjǝlɔ gǝm gwam. Jǝ́ gun a mʊgɔ nǝtǝm bɨlǝngkɛl, jǝbɔ sʊwatǝm kɛl, jǝbɔ nyǝmtǝm, jǝbɔ nǝtǝm dul a mʊgɔ maajɨ Kwaamaɨ, jǝbɔ swɨtǝm nɨ jǝ́ maa nǝm lɛɨ. Kanga jǝ́ gun a kanjǝl nɨ gǝm gwamɨ, bɛ jǝ́ gun a mʊgɔ maajɨ nǝtǝm lǝma nɨ.

2 Korinti 9:14

Jǝ maa jem maa keli, nǝn bʊʊlalɨ swɨtǝm jenɔ a nǝl jin, a kɛl dul lǝma Kwaamaɨ wʊnɨ mɨsɔ jǝ́ dwal kiyotǝmɔ lɛ a maa jemi.

Filibii 1:9

Keli mǝndɨ nǝn gɔ bɛ swɨtǝm jenɔ a ja kǝga, nǝn nyǝmtǝm jǝbɔ yʊlan dangǝn,

Filibii 2:5

Bɛ jǝ́ maa bʊʊlalɨ na a Yesu Kiristii a maaɨ,

Filibii 3:8

Bɨlǝngǝn n do kanjǝlɔ gwam yalatǝm na n mʊrka ji jǝbɔ nyǝmtǝm dʊʊlǝn Yesu Kiristii, Tɛlalɔ mɨ. N kɛl dul gǝn mǝ tǝlam kanjǝlɔ gwamɨ, n do ji n jǝl nǝn kwan sǝ Kiristi a yǝlam a mɨ,

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

1 Tasalonikaɨ 3:12

Bɛ Tɛlalɔ a dǝg jǝ́ nya sʊtǝm a mʊgɔ swɨkan a lada a kʊm jen jǝbɔ nǝbɔ gwam, kanga nǝn maa jem lɛɨ.

1 Tasalonikaɨ 4:1

A dɨltǝmɔ gǝmɨ kambɔ, nǝn kela jen nɛ, nǝn ga jem diil lɛ a kɛl Tɛlalɔ Yesui sʊwa lɛ gɔ, jǝ́ yɨ yɨm nɨ yɔ lɛ dǝngdǝng, jǝ́ fulo Kwaama gǝm nǝl, kanga jǝ́ mɛla a daa nǝn woi. Kanga jǝ́ maam lɛ kǝngkɨɨ, bɛ jǝ́ sʊtǝn maatǝmɔ nyɔ nǝn bɨlǝngǝn.

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

1 Timoti 5:13

A bɨtǝnɨ jǝ mɛla mɛla yɨm nǝn kwan, nǝb dɔbatǝm lɔ. Ke bɔ yɨm nǝn kwan kwaagɔ. Ja yǝlam nǝb yʊʊlatǝm nǝbɨɨ, nǝb dǝnglatǝm kɛl, jǝ sʊwala kanjǝl nɨ lɛ a bʊm bɨɨ.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Filimon 1:6

Mǝ maa keli lɛ, bɛ ń tɨ nǝn kwaan a sʊwatǝm nǝtǝm bɨlǝngkɛl mʊnɔ gǝm, sǝ ń nya nyǝmtǝm kanjǝl nyan nɨ gwam bǝ nǝn a mʊgɔ Kiristii.

Ibranii 6:12

Bɛ ka jǝ́ maa lɛ sʊnǝn. Bɛ jǝ́ banga nǝb nɨ ja yo yiitǝm swatǝm yaa nɨ a gola nǝtǝm bɨlǝngkɛl jinɔ gǝmɨ, jǝbɔ kʊtǝm nǝl jini.

2 Bitrus 1:2

Bɛ Kwaama a nǝ jen lǝma jǝbɔ yɨm kwamɨgǝn dangǝn a gola nyǝmtǝm Kwaamaɨ jǝbɔ Yesu Tɛlalɔ bǝn.

2 Bitrus 1:3

Kwaama a kwaan gǝn a nǝ bǝn kanjǝlɔ gwam a wʊnɨ bǝ swɨ lɛɨ, a daa tʌgo a nǝl Kwaamaɨ. A nǝ bǝn kanjǝl nɨ a gola nyǝmtǝm gǝnɔ bǝ maaɨ. A jo bǝn sǝ bǝ yɨ yɨm dakini jǝbɔ gɔ a mʊgɔ dʊʊlǝn gǝnɔ gǝm jǝbɔ maatǝm jǝ nyan gǝnɔ.

2 Bitrus 2:20

Na na nǝb nɨ a nyǝm gɔ Tɛlalɔ bǝn Yesu Kiristi nǝn Nǝbʊʊlɨɨ, na ja nya bʊʊtǝm a mʊgɔ kanjǝl nɨ kal nǝbɔ lɛ a mʊgɔ yooli nɨɨ, na nǝn gul ja yǝla tag ja dǝg dul jinɔ a mʊgɔ gǝnɨ, nǝn gɔ kʊwa ji lɛɨ, nǝb nɨ yɨm jinɔ bwɨla bwɨla a dɨltǝmɔ gǝm a laa na tɨkǝgagɔ.

2 Bitrus 3:18

Bɛ ya jǝ́ dʊʊl lɛ a mʊgɔ lǝma Tɛlalɔ bǝn Yesu Kiristi Nǝbʊʊlɨɨ, sǝ jǝ́ sʊtǝn nyǝmtǝm gǝnɔ kwangkwang. Bɛ dʊʊlǝnɔ a ta tʌgo a daa gɔ woi kǝngkɔ, mɨ dɨltǝm wo! A daa nyɔ.