2 Bitrus 1:16 - Dadiya NT

¹⁶ Nǝn kwama nǝn sʊwa jen kwaan jǝbɔ bɛtǝm Tɛlalɔ bǝn Yesu Kiristii, ke bɔ shinitɨn nɨ ja baka bakaɨ nǝn yʊlanɨ nǝn bwangtǝn nɛɨ. Nǝn kuwo dʊʊlǝn gǝnɔ nǝn nu nǝn.

2 Bitrus 1:16 ပူးပေါင်းရင်းမြစ်များ

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Matta 17:1

Kumɔ nukun a shui, nǝngɔ Yesu a do Bitrus jǝbɔ Yakubu jǝbɔ kɨla gɔ Yohana a yɔ nǝn ji fʌlen kwaaji a dʌbʌl yem nɨ a deba debaɨ.

Matta 24:27

Kanga kwamagɔ gǝ beta lɛ a twal a yɔ nǝn a diyengi, bɛtǝm Bʊla Nǝlɨ yǝlam nyɔ.

Matta 24:3

Kwama Yesu yǝm a dʌbʌl Yem Zaituni, nǝngɔ bɛtɔ mɛlalɨ gǝnɔ ba nya gǝn kwaaji gɔ, “Sʊwa nǝn, kanjǝl nɨ bwɨ fɨyang? N wɛ nʊng bɛtǝm mʊnɔ lɛɨ, jǝbɔ dɨltǝm yooli nɨ?”

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Markus 13:26

“A kwama gɔ nǝfitʌmɔ kuwo kuwo Bʊla Nǝlɨ bɛ lɛ a mʊgɔ lul nǝn kwaan fɔlɔn gǝnɔ jǝbɔ dʊʊlǝn gǝnɔ.

Markus 14:62

Yesu a jǝla gɔ, “Nǝmǝ. Jǝ́ kuwo kuwo Bʊla Nǝlɨ yǝm a kang jajǝng Kwaamaɨ, Nǝ kwaan, bɛ lɛ a mʊgɔ lul a dʌbʌl kwama.”

Luka 1:2

Ja mʊla kanjǝl nɨ kanga nɨ nǝn nyʊwa a nyiyo nǝb nɨ wo nǝn tɨkǝga ja kuwo kanjǝl nɨ tag a bwɨ gwamɨ, nǝb maajɨ kɛl Kwaamaɨ.

Luka 9:43

Gwam jinɔ ja ta kang a nyiyo a gʌleng kwaan Kwaamaɨ gǝm. Kwama nǝbɔ a tam kang a nyiyo a dul kanjǝl laatǝm kang nɨ Yesu a maaɨ, nǝngɔ a sʊwa bɛtɔ mɛlalɨ gǝnɨ gɔ,

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

1 Korinti 1:17

Kiristi a twam ɨ bɔ gɔ n yʊ nǝbɔ mwɛ sagsag. A twam ɨ gɔ n kiyo fulon kɛl lǝmɨ, ke bɔ a dul yʊlan sʊwatǝm kɛl, kage ja dǝg kwaan tɨya kʊʊtǝm Kiristii a yǝlam jǝl nǝn kwan.

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

1 Korinti 1:7

A jenɔ jǝ́ ke bɔ nǝb gɨyatǝm a gola nǝtǝm lǝma nɨ Yʊwa Kwaamaɨ a nǝ jeni, kanga jǝ́ yam bɛtǝm Tɛlalɔ bǝn Yesu Kiristii lɛɨ,

1 Korinti 2:1

Nǝn kwama mǝ bɛ a daa jen woi kambɔ, sǝ n sʊwa jen jʊ nɨ Kwaama a nʊng ɨɨ, mǝ bɛ bɔ nǝn daltɔ yʊlan jǝbɔ nyǝmtǝm sʊwatǝm kɛl.

1 Korinti 2:4

Sʊwatǝm kɛl mǝndɨ jǝbɔ kiyotǝm fulon kɛl lǝmɨ mǝndɨ, a jelka bɔ kɛl nɔɔtǝm dul jǝbɔ yʊlan. Gǝ nʊng kwaan Yʊwa Kwaamaɨ,

1 Korinti 5:4

Na nǝn kwama jǝ́ mʊrka a mʊgɔ dun Tɛlalɔ bǝn Yesui, yʊwa mǝndɨ jǝbɔ kwaan Tɛlalɔ bǝn Yesui wo jǝbɔ jen.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

2 Korinti 4:2

Nǝn kɔ kanjǝl gunidul nɨ yǝlam jǝ yʊtǝm lɛɨ, mɨ swagkatǝm wo. Nǝn fʌto bɔ kɛl Kwaamaɨ. Nǝn sʊwa mɛlalɨ bɨlǝngkɛl a talɨ. N daa nɨ nǝbɔ nyǝm lɛ a nǝl jin gɔ nuwo nǝn nǝnɨ.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

1 Tasalonikaɨ 2:19

N wɛ nyɨɨ n jǝ yatǝm nǝl nǝnɨ, jǝbɔ jǝ fulotǝm nǝl nǝnɨ, jǝbɔ dwang dul lɨyal nǝnɔ a kǝga Tɛlalɔ bǝn Yesui a di yǝlatǝm gǝnɨ? N ke bɔ jen ka?

2 Tasalonikaɨ 2:9

Fɔlɔ kutʌm bwɨla nɨ bɛ a kwaan fɔlɔn Mammɨ, maa kanjǝl laatǝm kang gabakɛl lɛ, jǝbɔ kanjǝl nʊngtǝm, jǝbɔ kanjǝl tatǝm kang a nyiyo.

1 Timoti 1:4

Ka ja kal lɛ kwama jinɔ nǝn kwan a shinitɨn jǝbɔ kiyotǝm dun tʊgalam jinɔ nɨ a laa kwaanɨ. Kanjǝl nɨ gǝ bɛ nǝn gʊbkatǝm, mɨ gǝ bɛ lɛ nǝn dʊʊlǝn a fɛkalɨ Kwaamaɨ, wʊnɨ jǝ nyǝm lɛ a gola nǝtǝm bɨlǝngkɛlɨ.

1 Timoti 4:7

Bɛ ń kɔ shinitɨn nɨ bɛ lɛ nǝn kaltǝm kɛl Kwaamaɨ, jǝbɔ fʌto katɨ nɨ mɨ a golaɨ. Bɛ ń mwɛ dul mʊnɔ a bwangtǝm Kwaamaɨ.

Titus 1:14

kage ja ya nǝl a jǝfʊlǝn Yahudawagɨɨ, jǝbɔ diil nǝbɨɨ, nǝb nɨ kɔ bɨlǝngkɛlɔ lɛɨ.

2 Bitrus 2:3

Nǝb mɛlalɨ gabakɛl nɨɨ, nǝb wɛl. Jǝ swag jen swag nǝn fulon kɛltɨn nɨ ja fɛkaɨ. Ja kwɛl ja mwatɨ jim mwatɨ borangɔ. Nʊ nɨ dǝg ji lɛ a lɔ kǝlaɨ, yam ji lɛ.

1 Yohana 4:14

Bǝ kuwo, bǝ nǝ nyiyo bǝngɔ Tɛtɛ a twam Bʊla gɔ sǝ a yǝlam Nǝbʊʊlɨ yooligɨɨ.

Yahuza 1:14

Anuhu nǝn gɔ kal na nʌbʌlɔ a gul Adamui, a maa kuwotǝmkǝga a dul nǝb nɨɨ gɔ, “N wɔ, Tɛlalɔ bɛ lɛ jǝbɔ fʊlkʊblǝn a dul fʊlkʊblǝn a bɛtɔ twama Kwaamaɨ sagsagɨ,

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.