2 Bitrus 1:12 - Dadiya NT

¹² Jǝ́ kwɛl jǝ́ nyǝm kanjǝl nɨ sul, jǝ́ kwɛl jǝ́ kwam a mʊgɔ bɨlǝngkɛl nɨ jǝ́ nǝngǝnɨ, mɨsɔ dǝg ɨ lɛ n bǝla bʊʊlatǝmɔ nǝn jen a dul jin.

2 Bitrus 1:12 ပူးပေါင်းရင်းမြစ်များ

Maajɨ Bɛtɔ Twamagɨɨ 16:5

A dul kɛl nɨɨ, mʊrkalɨ nǝb bwangtǝm Kwaamaɨ ja sʊtǝn kwaan a mʊgɔ nǝtǝm bɨlǝngkɛl, jǝ sʊ ladatǝmɔ lɛ kum jǝbɔ kum.

Filibii 3:1

A dɨltǝmɔ gǝmɨ kambɔ, jǝ́ maa fulotǝm nǝl nǝn Tɛlalɔ! Mɨ komtǝm wo n yǝla n mʊla jem kanjǝl nɨ tʌgo tag. Maatǝmɔ nyɨɨ nǝn gɔ n tɨkalɨ jeni.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

1 Timoti 4:6

Na mʊ mɛla kambɔ gǝm kanjǝl nɨ lɛɨ, mʊ yǝlam yǝlam nǝ maajɨ nya a Kiristi Yesui, nʊ nɨ a dʊʊl a mʊgɔ kɛl nǝtǝm bɨlǝngkɛlɨ, jǝbɔ mɛlalɨ nyan nɨ mʊ bwangtǝn nɛ ba la nǝn dwiyeni.

2 Timoti 1:6

N jʊ a bwɨ mǝ swɨ lɛ n bʊʊla mʊnɨ, bɛ ń fɛ ń maa maajɨ nǝn lǝma nɨ mʊ nǝnɨ, wʊnɨ Kwaama a nǝ ńɨ, nǝn kwama mǝ ya mʊn kang bwilii.

Ibranii 10:32

Bɛ jǝ́ bʊʊla, nǝn joltɨn nɨ a shui, nǝn kwama jǝ́ yem bɨlǝngkɛlɨ, jǝ́ kʊ nǝl nǝn gaalanɔ jǝbɔ gʌtǝmɨ.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

2 Bitrus 1:13

A kuwotǝm mɨ n dǝngdǝng na mǝ nǝn kʊlɨ a mʊgɔ bʊtɔ nɨɨ, ya mǝ nʊng jen nʊng a bʊʊlalɨ jen.

2 Bitrus 1:15

A dul kɛl nɨɨ, mǝ sʊtǝn sʊ kwaan n kuwo jǝ́ bʊʊla lɛ nǝn kanjǝl nɨ kwangkwang nǝn kwama mǝ bǝlam yooli nɨ lɛɨ.

2 Bitrus 3:1

Kɛtǝlam mɨ nɨ mǝ swɨ lɛɨ, wʊnɨ nǝn gǝ langǝn bwangǝn na yogɔ mǝ mʊla jemi. A mʊgɔ jin gwam mǝ maa jem bʊʊlalɨ a nǝl jen sǝ a dǝg jen jǝ́ bwangtǝn Kwaama dǝngdǝng.

2 Bitrus 3:17

Kɛtǝlam mɨ nɨ mǝ swɨ lɛɨ, kanga jǝ́ kwɛl jǝ́ nyǝm kanjǝl nɨ bwɨ bwɨɨ, bɛ jǝ́ nyǝm kaam nǝb nɨ mɨ sa taal Kwaamaɨ lɛɨ, kage mɛlalɨ gabakɛl jinɔ a wɔɔm bʊʊlalɨ jenɔ jǝ́ bǝla bwangtǝm bɨlǝngkɛlɔ.

1 Yohana 2:21

Mǝ mʊla jem lɛ a nʊng bɔ jǝ́ nyǝm bɔ bɨlǝngkɛl. Mɨ nyɔ. Mǝ mʊla jem jʊ a bwɨɨ jǝ́ nyǝm nyǝmɨ, jǝ́ nyǝm mɨ gabakɛl gǝ jel lɛ a mʊgɔ bɨlǝngkɛl.

2 Yohana 1:2

Nǝn swɨ jen nɛ a dul bɨlǝngkɛl nɨ yǝm a mʊgɔ nǝl bǝnɨ, bɨlǝngkɛl nɨ yɨ yɨ dakini jǝbɔ bǝn mɨ dɨtǝm wo.

Yahuza 1:17

Fatǝm nyan mǝndɨ, bɛ jǝ́ bʊʊla nǝn kɛl bɛtɔ twama Tɛlalɔ bǝn Yesu Kiristii a sʊwa bǝn galɨgǝnɨ.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.

Yahuza 1:5

Mǝ swɨ lɛ na n bʊʊla jem, jǝ́ kwɛl jǝ́ nyǝm kanjǝl nɨ dangǝn, Tɛlalɔ a jǝg nǝbam gǝnɔ a tǝm Masar. Nǝn guli, a jʌbo nǝb nɨ a nǝ bɔ bɨlǝngkɛlɨ.