1 Yohana 5:7 - Dadiya NT

⁷ Kanjǝl nǝtǝm nyiyogɔ wo taal,

1 Yohana 5:7 ပူးပေါင်းရင်းမြစ်များ

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

Matta 18:16

Na a nyʊwa ń bɨɨ, bɛ ń yǝla ń yɔ a daa gǝ woi nǝn nǝ nǝtǝm nyiyogɔ win a yɔ nǝn a yo, sǝ nǝbɔ yo a yɔ nǝn a taal a jǝla nǝn jʊ mʊ sʊwaɨ.

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Yohana 1:1

A tǝltǝmɔ gǝmɨ Kɛlɔ wo. Kɛlɔ gǝ na jǝbɔ Kwaama. Kɛl nɨ nǝn Kwaama.

Yohana 10:30

Mǝ nǝbɔ Tɛtɛ mɨ nǝn win.”

Yohana 12:28

Tɛtɛ, dʊʊl dun mʊnɔ.” Nǝngɔ kaa diilɔ a jel a dʌbʌl sʊwa lɛ gɔ, “N kwɛl n dʊʊl gǝn dʊʊlɨ, mǝ sʊtǝn sʊ dʊʊltǝm gǝnɔ tag.”

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

Yohana 5:26

Kanga Tɛ bwɛ nǝn dul gǝn, n jʌng kʊlɨɨ, gǝ na nyɔ a dǝg Bʊla gɔ a yǝlam jʌng kʊlɨ.

Yohana 8:18

Mǝ tǝmɨ mǝ nǝ nǝtǝm nyiyo a dul mɨ. Tɛtɛ mɨ a twam ɨɨ nǝn gɔ na yogɨɨ.”

Yohana 8:54

Nǝngɔ Yesu a jǝla ji gɔ, “Na n nǝ dul mǝndɨ dʊʊlǝnɨ, dʊʊlǝn mǝndɨ mɨ a nyiyo jǝl. Nʊ nɨ dʊʊlɨ ɨ lɛɨ, nǝn gɔ nǝn Tɛtɛ mɨ, wʊnɨ jǝ́ sʊwa lɛ jengɔ Kwaama jeni.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Maajɨ Bɛtɔ Twamagɨɨ 5:32

Nǝn yǝlam nǝb nǝtǝm nyiyo a kanjǝl nɨ gǝm, gǝ na nyɔ Yʊwa Kwaamaɨ a nǝ nyiyo a kanjǝl nɨ gǝm, wʊnɨ Kwaama a nǝ nǝb nɨ nyʊwa diil gǝnɔ lɛɨ.”

2 Korinti 13:14

Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.

1 Yohana 1:1

Gǝ nɨ wo a tǝltǝmɨ, nʊ nɨ bǝ nyʊwa gǝnɨ, bǝ kuwo gǝn nǝn nu bǝnɨ, bǝ dʌng, kang bǝnɔ a ke tagɨ, n kɛl kʊlɨ nɨɨ nǝn sʊwa jen nɛɨ.

1 Yohana 5:6

Yesu Kiristi a bɛ a yooli nɨ, a bɛ a gola mwɛ jǝbɔ tʊʊm, ke bɔ a gola mwɛ kwaagɔ a bɛɨ, n gola tʊʊm tǝgǝn. Yʊwa Kwaamaɨ nǝn gɔ nǝ nǝtǝm nyiyogɨɨ, jʊ a bwɨɨ Yʊwagɔ nǝn gɔ n bɨlǝngkɛlɨ.

1 Yohana 5:8

n Yʊwagɔ jǝbɔ mwɛmɔ jǝbɔ tʊʊmɔ. Kanjǝl nɨ taalɨ ja jǝlaka.

Dʊgam Nyangnyang 19:13

Bɛllɛ nɨ a malɨ, ja fʊ nǝn tʊʊm. Dun gǝnɔ n Kɛl Kwaamaɨ.