Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Yohana 5:20 - Dadiya NT

20 Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

အခန်းကိုကြည့်ပါ။ ကော်ပီ




1 Yohana 5:20
53 ပူးပေါင်းရင်းမြစ်များ  

Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.


Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.


Nǝngɔ a wum nu jinɔ sǝ ja nyǝm langǝn bwangǝn Kwaamaɨ.


Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.


Nǝn kɔkɔ gɔ, jǝ́ nyǝm nyǝm mǝ na a mʊgɔ Tɛtɛ mɨɨ, jen tʌjen a mʊgɔ mɨ, mǝ tǝmɨ a mʊgɔ jen.


Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.


Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.


Yesu a jǝla gǝn gɔ, “Filibus, n yɨ nǝbɔ jen fanga kǝrnɨ, mʊ nyǝm ɨ bɔ ka? Gwam nʊ nɨ a kuwo ii, a kuwo Tɛ bwɛ. Wɛ mʊ sʊwa lɛ mɔʊ, ‘Nʊng nǝn Tɛ bwɛɨ’?


Bɛ jǝ́ yɨ a mʊgɔ mɨ, mǝ tǝmɨ mǝ yɨ yɨ a mʊgɔ jen. Kanga kang tɨyang fogfogi mɨ dwal lɛ a tʊʊ tʊʊl nǝn kang gǝnɨ, na a yɨ bɔ a mʊgɔ tɨya fogfogi, a na nyɔ jen tʌjen mɨsɔ jǝ́ dwal lɛ jǝ́ tʊʊ tʊʊl, na jǝ́ yɨ bɔ mʊgɔ mɨɨ.


N sʊwa ji kɛl mʊnɔ, yooli nɨ a kɔ ji, jʊ a bwɨɨ jǝ ke bɔ a yooli nɨɨ, kanga mǝ tǝmɨ mǝ ke bɔ a yooli nɨɨ.


“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.


Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.


Nǝngɔ Toma a sʊwa gǝn gɔ, “Tɛlalɔ mɨ jǝbɔ Kwaama mɨ tag.”


Yesu a sʊwa ji gɔ, “Na na Kwaama nǝn Tɨya jeni, na jǝ́ swɨ ɨ lɛ, jʊ a bwɨɨ mǝ jel a daa gǝ woi, kǝngkɔ mǝ wɔ. Ke bɔ mǝ mǝ bɛ nǝn kang mɨɨ. Nǝn Kwaama a twam ɨɨ.


Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.


Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.


Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.


Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.


Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.


N maa keli mǝʊ jǝ́ nya kwaan nyǝmtǝm swɨtǝm Kiristii jǝbɔ nǝb sagsagɔ pʌd, tɛɛnatǝm gǝnɔ jǝbɔ somʌn gǝnɔ jǝbɔ debatǝm gǝnɔ, jǝbɔ tushitǝm gǝnɔ.


sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.


Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.


Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.


A dul Bwɛɨ, nǝngɔ a sʊwa gɔ, “Kwaama, kotere fɔlɔn mʊnɔ tɨ tɨ mɨ dɨtǝm wo. Dwam fɔlɔn mʊnɔ n dǝngdǝng dangǝn.


Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.


Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.


Nʊ nɨ gwam sʊwa lɛ gɔ gǝ yǝm a mʊgɔ Yesui, bɛ ga yɨ yɨm nɨ Yesu a yɨɨ.


Bǝ kuwo, bǝ nǝ nyiyo bǝngɔ Tɛtɛ a twam Bʊla gɔ sǝ a yǝlam Nǝbʊʊlɨ yooligɨɨ.


Bǝ nyǝm, bǝ nǝ bɨlǝngkɛl a swɨtǝmɔ Kwaama maa bǝm lɛɨ. Kwaama n nǝ swɨtǝm. Nʊ nɨ nʊng swɨtǝm lɛɨ, yǝm a mʊgɔ Kwaamaɨ, Kwaama tǝgǝn a mʊgɔ gǝn.


N gola nɨ jǝ́ nyǝm nʊ nɨ lɛ nǝngǝn nǝn Yʊwa Kwaamaɨ: Gwam nʊ nɨ a jǝla gɔ Yesu Kiristi a bɛ a bʊtɔɨ, nʊ gɔ nǝngǝn nǝn Yʊwa Kwaamaɨ.


Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.


Kanga bǝ nyǝm nyʊwa bǝn nɛ a kanjǝlɔ gwam bǝ kel a daa gǝ woi, bǝ nyǝm bǝ nya nya jʊ nɨ bǝ kel a daa gǝ woi.


Bǝ nyǝm nʊ nɨ n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl. Bʊla Kwaamaɨ nǝn gɔ kɨla gǝn nɛɨ. Nǝ bwɨla nɨ mɨsɔ ke gǝn nɛ.


Nuwo nyɨ ku jelʌn yooligɔ lɛɨ, na ke bɔ nʊ nɨ a nǝ bɨlǝngkɛl gɔ Yesu nǝn Bʊla Kwaamaɨ?


Jǝ ma nafɨ nɨ lɛ Musa bwɛ jwaalɛ Kwaamaɨ a maɨ, jǝbɔ nafɨ Bɛ Galɔ, “Maajɨtɨn mʊnɔ na a dʊʊntɨn, n jǝ tatǝm kang a nyiyo, Tɛlalɔ Kwaama Nǝ kwaan! Golantɨn mʊnɔ na dǝngdǝng, n bɨlǝngkɛl tag, Fɔlɔ bǝlǝntǝmɔ gwam.


Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.


“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ gǝm a Lawudikiyaɨ gǝm nyɔ, “Kɛl nɨ nǝn gɔ n twamagɔ a daagɔ nʊ nɨ jǝ jo lɛ gɔ A daa nyɨɨ, Nǝ yiitǝm swatǝm yaa, jǝbɔ nǝ nǝtǝm nyiyo nyan, n daa gǝ woi Kwaama a fwal kanjǝlɨ.


“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.


Nǝngɔ ja gung diilɔ nǝn kwaan ja sʊwa gɔ, “Nǝ dʊʊ Tɛlalɔ, nǝ sagsag, nǝ bɨlǝngkɛl, n fɨyang mʊ mwatɨ nǝbɔ yoolii nɨ gǝm borangɔ lɛɨ? N fɨyang tag mʊ ywa naan tʊʊm nǝnɔ lɛ a daagɔ nǝb nɨ a jʌ nǝnɨ?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ