1 Yohana 5:10 - Dadiya NT

¹⁰ Gwam nʊ nɨ a nǝ bɨlǝngkɛl nǝn Bʊla Kwaamaɨ, nǝngǝn nǝn nǝtǝm nyiyo nɨ bɛ lɛ a daagɔ Kwaama woi a nǝl gǝn. Gwam nʊ nɨ a nǝ bɔ bɨlǝngkɛlɨ, a do Kwaama n nǝ gabakɛl, jʊ a bwɨɨ, ga nǝ bɔ bɨlǝngkɛl a nǝtǝm nyiyo Kwaamaɨ a maa Bʊla gɔ gǝmɨ.

1 Yohana 5:10 ပူးပေါင်းရင်းမြစ်များ

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Yohana 3:18

“Nǝb nɨ a nǝ bɨlǝngkɛl a daagɔ Bwɛ woi, a nǝ ji bɔ bwɨlangkɛl. Nǝb nɨ a nǝ bɔ bɨlǝngkɛlɨ, a kwɛl a nǝ ji bwɨlangkɛl, jʊ a bwɨɨ ja nǝ bɔ bɨlǝngkɛl a dun Bʊla Kwaamaɨ nɨ wini.

Yohana 3:33

Na nʊ nɨ a yo kɛl nɨɨ, a nʊng gɔ Kwaama n nǝ bɨlǝngkɛl.

Yohana 5:38

Kɛl gǝnɔ a yɨ bɔ a nǝl jenɔ gǝm, jʊ a bwɨɨ jǝ́ nǝ bɔ bɨlǝngkɛl a daagɔ nʊ nɨ Tɛtɛ a twamɨ.

Maajɨ Bɛtɔ Twamagɨɨ 8:37

Filibus a sʊwa gɔ, “Na ń nǝ bɨlǝngkɛl nǝlɔ wini, jǝ maa mʊn maa.” Nʊ nɨ ja sʊ sʊɨ a jǝla gɔ, “N nǝ bɨlǝngkɛl mǝʊ Yesu Kiristi nǝn bʊla Kwaamaɨ.”]

Roma 8:16

Yʊwagɔ nǝn dul gǝn, jǝbɔ yʊwa bǝnɔ jǝ nǝ bwatǝm guu lɛ, sʊwa lɛ gɔ bǝn bǝ bɛtɔ lɔ Kwaamaɨ.

Galatiya 4:1

Jʊ mǝ sʊwa lɛɨ nǝn gɔ, nǝ jatǝm kʊla na gɔ a lɔ bwɛsǝnɨ, ga laa bɔ bwɛ jwaalɛ, bǝ nyǝm sul kʊlagɔ na a gɔ.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Kolosii 3:3

Jǝ́ bʊla. Kʊlɨ jenɔ a wuu wuui jǝbɔ Kiristi a daagɔ Kwaama woi.

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

2 Bitrus 1:19

Kanjǝl nɨ gwam a nǝ bwatǝm guu a dul kɛl nǝbkuwotǝmkǝgagɔ galɨgǝn a dul gǝnɨ. A bʊm jǝ́ ta kɛl nɨ a nǝl jen jʊ a bwɨɨ, kɛl jinɔ gǝ na na nyalǝm fitila nɨ beta lɛ a mʊgɔ kumtojili a yɔ nǝn a tǝm sɛltǝmɨ, beta lɛ sǝ ba la nǝn kwama nɨ tulkasi kumsʌlɔ a jel a nǝl jeni.

1 Yohana 1:10

Na bǝ sʊwa bǝngɔ bǝ maa bɔ bwɨlangkɛlɨ, bǝ kǝl gǝm gabakɛl. Kɛl gǝnɔ mɨ a nǝl bǝn.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

Dʊgam Nyangnyang 12:17

Nǝngɔ gʌleng sɔɔ dʊʊ nɨ a maa nabwɨl jǝbɔ nɔɔlɨ nɨɨ. Nǝngɔ a yɔ ya fɛka kun jǝbɔ tangǝn bɛtɔ nɔɔlɨ nɨɨ, nǝb nɨ kɨla diil Kwaamaɨ lɛɨ, nǝb nɨ a nǝ nyiyo a kɛl dul Yesui.

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

Dʊgam Nyangnyang 2:28

“Mǝ nǝ gǝn nǝ tulkasi kumsʌlɔ.