1 Yohana 4:7 - Dadiya NT

⁷ Jǝ́ fatǝm nyan mǝndɨ, bɛ bǝ swɨka, jʊ a bwɨɨ swɨtǝmɔ na a Kwaamaɨ. Gwam nʊ nɨ maa swɨtǝm lɛɨ, n bʌtʌm Kwaamaɨ, a nyǝm Kwaama tag.

1 Yohana 4:7 ပူးပေါင်းရင်းမြစ်များ

Yohana 13:34

“N diil fɨ mǝ nǝ jen nɛɨ, bɛ jǝ́ swɨka a kʊm jen, kanga mǝ swɨm jen nɛɨ, jen tʌjen bɛ jǝ́ swɨka nyɔ a kʊm jen.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

1 Korinti 8:3

Na kaa nǝl swɨ Kwaama lɛɨ, Kwaama a nyǝm gǝn.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Galatiya 4:9

Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

2 Timoti 1:7

Kwaama a nǝ bǝn bɔ nǝl taal. A nǝ bǝn nǝl kwaan, jǝbɔ nǝl swɨkan jǝbɔ nǝl tatǝm dul.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Yohana 2:10

Nʊ nɨ swɨ kɨla gɔ lɛɨ, yǝm a mʊgɔ nyalǝm. Mɨsɔ yǝlam tɛl fǝtǝm naa kaa nǝlɨ lɛ.

1 Yohana 2:29

Kanga jǝ́ nyǝm gǝn n nǝ dǝngdǝngɨ, mɨ nyǝmatǝm wo. Pʌd nʊ nɨ maa jʊ nɨ lɛ dǝngdǝngɨ, nǝn bʊla Kwaamaɨ.

1 Yohana 2:3

Na bǝ bwangtǝn diiltɨn gǝnɔ lɛɨ, n gola nɨ bǝ nyǝm lɛ bǝ nyǝm gǝnɨ.

1 Yohana 2:4

Nʊ nɨ a sʊwa gɔ, “N nyǝm gǝn,” mɨ bwangtǝn diiltɨn gǝnɔ lɛɨ, n nǝ gabakɛl. Bɨlǝngkɛlɔ mɨ jǝbɔ gɔ.

1 Yohana 2:7

Jǝ́ fatǝm nyan mǝndɨ, n ke bɔ kaa diil fɨ mǝ mʊla jem lɛɨ. N diil galɨ nɨ jǝ́ nǝngǝn nǝn tɨkǝgaɨ. Diil galɨ nɨ nǝn gɔ kɛl nɨ jǝ́ nyʊwaɨ.

1 Yohana 3:9

Nʊ nɨ gwam n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl, jʊ a bwɨɨ, kʊlɨ Kwaamaɨ yǝm a mʊgɔ gǝn. Mɨsɔ dwal lɛ a ja kǝga nǝn maatǝm bwɨlangkɛl, jʊ a bwɨɨ gɔ n bʌtʌm Kwaamaɨ.

1 Yohana 4:11

Jǝ́ fatǝm nyan mǝndɨ, kanga Kwaama swɨ bǝn nɛɨ, bǝn tǝbǝn bɛ bǝ swɨka nyɔ.

1 Yohana 4:12

Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.

1 Yohana 4:16

Bǝ nyǝm, bǝ nǝ bɨlǝngkɛl a swɨtǝmɔ Kwaama maa bǝm lɛɨ. Kwaama n nǝ swɨtǝm. Nʊ nɨ nʊng swɨtǝm lɛɨ, yǝm a mʊgɔ Kwaamaɨ, Kwaama tǝgǝn a mʊgɔ gǝn.

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.

1 Yohana 4:8

Nʊ nɨ mɨ nʊng swɨtǝm lɛɨ, a nyǝm bɔ Kwaama, jʊ a bwɨɨ Kwaama n nǝ swɨtǝm.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

2 Yohana 1:5

Kǝngkɔ, mǝ kela ń nɛ nɔɔlɨ dʊʊ, bɛ bǝ nʊng swɨkatǝm. N ke bɔ diil fɨ mǝ mʊla mʊn nɛɨ, n nʊ gɔ bǝ nǝngǝn nǝn tɨkǝgaɨ.