1 Yohana 4:20 - Dadiya NT

²⁰ Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.

1 Yohana 4:20 ပူးပေါင်းရင်းမြစ်များ

Yohana 13:35

Na jǝ́ maa swɨkatǝm lɛɨ, n daagɔ nǝbɔ gwam nyǝm lɛ gɔ jǝ́ bɛtɔ mɛlalɨ mɨɨ.”

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

1 Yohana 1:6

Na bǝ sʊwa bǝngɔ bǝ yɨ yɨm dakini lɛ jǝbɔ Kwaamaɨ, la bǝ yǝm a kumtojilii, bǝ maa gabakɛl, mɨ bǝn nǝn bɨlǝngkɛl.

1 Yohana 1:8

Na bǝ sʊwa bǝngɔ mɨ bǝn nǝn bwɨlangkɛlɨ, n dul bǝn bǝ swag lɛɨ. Bɨlǝngkɛlɔ mɨ dakini jǝbɔ bǝn.

1 Yohana 2:11

Nʊ nɨ kɔ kɨla gɔ lɛ tagɨ, gǝ na a kumtojili, n kumtojili gǝ yɔ lɛ woi. A nyǝm bɔ daa nɨ gǝ fam naa gǝnɔ lɛɨ, jʊ a bwɨɨ kumtojiligɔ a kul nǝn gɔ.

1 Yohana 2:4

Nʊ nɨ a sʊwa gɔ, “N nyǝm gǝn,” mɨ bwangtǝn diiltɨn gǝnɔ lɛɨ, n nǝ gabakɛl. Bɨlǝngkɛlɔ mɨ jǝbɔ gɔ.

1 Yohana 2:9

Na kaa win a do gɔ gǝ na a mʊgɔ nyalǝmɨ, nǝngɔ maa kii lɛ jǝbɔ kɨla gɨɨ, gǝ na a mʊgɔ kumtojili dɨn.

1 Yohana 3:17

Gwam nʊ nɨ nǝn jǝ kang a yooli nɨɨ, kuwo kɨla gɔ lɛ nǝn bʊnǝn, a mam nu a dul gǝnɨ, la swɨtǝm Kwaamaɨ na nyǝn a nǝl gǝn?

1 Yohana 4:12

Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.