1 Yohana 4:12 - Dadiya NT

¹² Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.

1 Yohana 4:12 ပူးပေါင်းရင်းမြစ်များ

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

Ibranii 11:27

N gola nǝtǝm bɨlǝngkɛl a bǝla Masarɨ, a nyʊwa bɔ taal nabwɨl fɔlɔgɨɨ. A bwa nǝl maamɔ a kuwo nʊ nɨ mɨ jǝ kuwo lɛɨ.

1 Yohana 2:5

Na bǝ kɨla kɛl gǝnɨ, n bɨlǝngǝn swɨtǝmɔ bǝ maa Kwaama gǝm lɛɨ a yii dǝngdǝng. N gola nɨ bǝ nyǝm lɛ bǝ na a mʊgɔ gǝnɨ.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:16

Bǝ nyǝm, bǝ nǝ bɨlǝngkɛl a swɨtǝmɔ Kwaama maa bǝm lɛɨ. Kwaama n nǝ swɨtǝm. Nʊ nɨ nʊng swɨtǝm lɛɨ, yǝm a mʊgɔ Kwaamaɨ, Kwaama tǝgǝn a mʊgɔ gǝn.

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.

1 Yohana 4:6

A bǝnɔ bǝ na a Kwaamaɨ. Nʊ nɨ a nyǝm Kwaamaɨ, gǝ nyʊwa bǝn nyʊwa. Nʊ nɨ ke bɔ a Kwaamaɨ, mɨ gǝ nyʊwa bǝn nɛ. Bǝ nyǝm nǝ Yʊwa bɨlǝngkɛlɔ nyɔ jǝbɔ nǝ yʊwa gabakɛlɔ.