1 Yohana 4:1 - Dadiya NT

¹ Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

1 Yohana 4:1 ပူးပေါင်းရင်းမြစ်များ

Markus 13:21

“Nǝn kwama gɔ, na nǝl a sʊwa jen gɔ, ‘Jǝ́ dʌng, Kiristi n wɔ, jǝ́ dʌng, n wuleni,’ bɛ ka jǝ́ jǝla lɛ.

Luka 12:57

“N wɛ a bwɨ mɨsɔ jǝ́ mwɛ dul jenɔ lɛ a jʊ nɨ dǝngdǝngɨ?

Luka 21:8

Nǝngɔ Yesu a sʊwa ji gɔ, “Bɛ jǝ́ nyǝm ka kaa nǝl a swag jen. Nǝbɔ a lada na jǝ bɛ lɛ a mʊgɔ dun mɨɨ. Jǝ sʊwa lɛ gɔ nǝji ji nǝn mɨɨ, dɨltǝm yooligɔ a dwama! Ka jǝ́ bwang jim lɛ.

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Maajɨ Bɛtɔ Twamagɨɨ 20:29

“N nyǝm na n shui, kaam bwɨlang bangashɨtɨn dɔ dɔ a kʊm jen. Mɨsɔ jǝ bǝla kʌmɔ lɛ.

1 Korinti 12:10

A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

1 Korinti 14:29

Nǝbkuwotǝmkǝgagɔ, nǝbɔ yo a yɔ nǝn a taal ja sʊwa kɛl, tangǝnɔ ja dʌng kɛl jinɔ.

1 Tasalonikaɨ 5:20

Ka jǝ́ soga lɛ kɛl kuwotǝmkǝgagɔ.

1 Tasalonikaɨ 5:21

Bɛ jǝ́ tɛl kanjǝlɔ gwam. Jǝ́ ta jʊ nɨ a bʊm bʊmɨ a kwam.

2 Tasalonikaɨ 2:2

bɛ ka nǝl jenɔ ya mǝga lɛ. Ka jǝ́ gung lɛ nǝl jenɔ a nyʊwatǝm kaa kɛl kuwotǝmkǝga, kaa kiyotǝm fulon kaa langǝn bwangǝn, wʊnɨ kaamɨ gɔ a jel a daa nǝn woi gɔ, kɔkɔ bɛtǝm Tɛlalɔɨ a kwɛl a bɛɨ.

1 Timoti 4:1

Yʊwa Kwaamaɨ a sʊwa a talɨ gɔ, a dɨltǝm yooligɔ gǝm, kaam nǝbɔ bǝla bǝla nǝtǝm bɨlǝngkɛl jinɔ, ja yǝla ja bwangtǝn nǝblaamɔ jǝbɔ mɛlalɨ nǝblaamɨ.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

2 Bitrus 2:1

Kanga galɨgǝn nǝbkuwotǝmkǝga gabakɛlɔ a jel a kʊm nǝb Kwaamaɨ, jǝ nya nya nǝb mɛlalɨ gabakɛlɔ wo a kʊm jen. Jǝ bɛ bɛ nǝn kaa mɛlalɨ gabakɛl wʊnɨ nǝbɔ mɨsɔ nyǝm lɛ gɔ n gabakɛlɨ, sǝ ja mɛla nǝbɔ gǝm gabakɛl nɨ kal ji lɛɨ. Jǝ kɔ kɔ Tɛlalɔ nɨ a ten jii. Maatǝmɔ nyɨɨ gʊ jim gʊ kalkan nɨ mɨsɔ kʊta lɛɨ.

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.

1 Yohana 2:7

Jǝ́ fatǝm nyan mǝndɨ, n ke bɔ kaa diil fɨ mǝ mʊla jem lɛɨ. N diil galɨ nɨ jǝ́ nǝngǝn nǝn tɨkǝgaɨ. Diil galɨ nɨ nǝn gɔ kɛl nɨ jǝ́ nyʊwaɨ.

2 Yohana 1:7

Mǝ sʊwa nyɔ jʊ a bwɨɨ, nǝb swagtǝmɔ a jel a yooli nɨ a lada, wʊnɨ ja jǝla bɔ gɔ Yesu Kiristi a jel a bʊtɔɨ. Nǝb gɔ n nǝb swagtǝm jǝbɔ nǝb kiim Kiristii.

3 Yohana 1:11

Fwalɨ nyan mǝndɨ, ka ń banga lɛ bwɨlang maajɨ. Bɛ ń mɛla maajɨ nyan. Nʊ nɨ maa maajɨ nyan nɛɨ, na a Kwaamaɨ. Nʊ nɨ maa maajɨ bwɨla lɛɨ, a nyǝm bɔ Kwaama.

Dʊgam Nyangnyang 2:2

N nyǝm kanjǝlɔ mʊ maaɨ, maajɨ mʊnɔ jǝbɔ kʊtǝm nǝl mʊnɔ. N nyǝm mɨ mʊ kʊ nǝl lɛ nǝn nǝb bwɨlamɔ. Mʊ tɛl tɛl nǝb nɨ do dul jinɔ lɛ gɔ jǝ bɛtɔ twamaɨ, wʊnɨ mɨ nyɨɨ. Mʊ nya jǝ nǝb gabakɛl.