1 Yohana 3:6 - Dadiya NT

⁶ Nʊ nɨ yǝm a mʊgɔ gǝnɨ, mɨ maa bwɨlangkɛl lɛ. Mɨ nʊ nɨ wo a ja kǝga nǝn maatǝm bwɨlangkɛl a kuwo gǝn woi, a nyǝm gǝnɨ.

1 Yohana 3:6 ပူးပေါင်းရင်းမြစ်များ

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

1 Yohana 2:28

Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.

1 Yohana 2:3

Na bǝ bwangtǝn diiltɨn gǝnɔ lɛɨ, n gola nɨ bǝ nyǝm lɛ bǝ nyǝm gǝnɨ.

1 Yohana 2:4

Nʊ nɨ a sʊwa gɔ, “N nyǝm gǝn,” mɨ bwangtǝn diiltɨn gǝnɔ lɛɨ, n nǝ gabakɛl. Bɨlǝngkɛlɔ mɨ jǝbɔ gɔ.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

1 Yohana 3:9

Nʊ nɨ gwam n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl, jʊ a bwɨɨ, kʊlɨ Kwaamaɨ yǝm a mʊgɔ gǝn. Mɨsɔ dwal lɛ a ja kǝga nǝn maatǝm bwɨlangkɛl, jʊ a bwɨɨ gɔ n bʌtʌm Kwaamaɨ.

1 Yohana 4:8

Nʊ nɨ mɨ nʊng swɨtǝm lɛɨ, a nyǝm bɔ Kwaama, jʊ a bwɨɨ Kwaama n nǝ swɨtǝm.

1 Yohana 5:18

Bǝ nyǝm nʊ nɨ n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl. Bʊla Kwaamaɨ nǝn gɔ kɨla gǝn nɛɨ. Nǝ bwɨla nɨ mɨsɔ ke gǝn nɛ.

3 Yohana 1:11

Fwalɨ nyan mǝndɨ, ka ń banga lɛ bwɨlang maajɨ. Bɛ ń mɛla maajɨ nyan. Nʊ nɨ maa maajɨ nyan nɛɨ, na a Kwaamaɨ. Nʊ nɨ maa maajɨ bwɨla lɛɨ, a nyǝm bɔ Kwaama.