1 Yohana 2:5 - Dadiya NT

⁵ Na bǝ kɨla kɛl gǝnɨ, n bɨlǝngǝn swɨtǝmɔ bǝ maa Kwaama gǝm lɛɨ a yii dǝngdǝng. N gola nɨ bǝ nyǝm lɛ bǝ na a mʊgɔ gǝnɨ.

1 Yohana 2:5 ပူးပေါင်းရင်းမြစ်များ

Luka 11:28

Nǝngɔ a jǝla gǝn gɔ, “Bwiligɔ na a nǝb nɨ nyʊwa kɛl Kwaamaɨ lɛɨ jǝ bwangtǝn nɛɨ.”

Yohana 14:21

Gwam nʊ nɨ a nyǝm diil mǝndɨ bwangtǝn nɛɨ, nǝn gɔ nʊ swɨ ɨ lɛɨ. Nʊ nɨ swɨ ɨ lɛɨ, Tɛtɛ mɨ swɨ gǝn swɨ. Mǝ tǝmɨ mǝ swɨ gǝn swɨ, mǝ nʊng nʊng dul mǝndɨ a daa gǝ woi.”

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

Yohana 6:56

Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Yakubu 2:22

Ń kuwo kanga nǝtǝm bɨlǝngkɛl gǝnɔ yɔ lɛ dǝngdǝng jǝbɔ maajɨ nyantɨn gǝnɨ, maajɨ nyantɨn gǝnɔ a nʊng nǝtǝm bɨlǝngkɛl gǝnɔ n dǝngdǝng.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:17

N gola nɨ swɨkanɔ a yii dǝngdǝng a kʊm bǝnɨ, sǝ kage bǝ nyʊwa taal nǝn di kɔkɔ borangɔ, jʊ a bwɨɨ kanga yɨm gǝnɔ, bǝn tǝbǝn bǝ na nyɔ a yooli nɨ.

1 Yohana 4:18

Mɨ taal wo a swɨkan. Swɨkan nyanɔ, gǝ kaa kaa taalɔ. Mwɛlɔ nǝn gɔ gǝ dǝg nǝl lɛ a taalɨ. Nʊ nɨ nyʊwa taal lɛɨ, mɨ nǝn swɨkan nyan.

1 Yohana 5:2

N gola nɨ bǝ nyǝm lɛ bǝ swɨ bɛtɔ lɔ Kwaamaɨ lɛɨ: Na bǝ swɨ Kwaama lɛ, bǝ bwangtǝn diil gǝnɔ lɛɨ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

2 Yohana 1:6

Swɨtǝmɔ nǝn gɔ bɛ bǝ bwangtǝn diil gǝnɔ. Diilɔ n nʊ jǝ́ nyʊwa nǝn tɨkǝga gɔ, bɛ jǝ́ yɨ yɨm swɨkanɨ.

Dʊgam Nyangnyang 12:17

Nǝngɔ gʌleng sɔɔ dʊʊ nɨ a maa nabwɨl jǝbɔ nɔɔlɨ nɨɨ. Nǝngɔ a yɔ ya fɛka kun jǝbɔ tangǝn bɛtɔ nɔɔlɨ nɨɨ, nǝb nɨ kɨla diil Kwaamaɨ lɛɨ, nǝb nɨ a nǝ nyiyo a kɛl dul Yesui.

Dʊgam Nyangnyang 14:12

Nǝb bwangtǝm Kwaamaɨ bɛ ja yǝlam nǝb bwatǝm nǝl a gaalan, bɛ ja kɨla diiltɨn gǝnɔ jǝbɔ tatǝm swatǝm yaa a daa Yesu woi.