1 Yohana 2:28 - Dadiya NT

²⁸ Kǝngkɔ, jǝ́ bɛtɔ dwalǝnɔ, jǝ́ yɨ a mʊgɔ gǝn, sǝ na kwama nɨ a bɛɨ, a jǝla nǝn bǝn, mɨsɔ gunidulɔ yʊ bǝn nɛ a kǝga gǝn a kɔkɔ bɛtǝm gǝnɔ gǝm.

1 Yohana 2:28 ပူးပေါင်းရင်းမြစ်များ

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Luka 17:30

“Yǝlam nyɔ nǝn kwama Bʊla Nǝlɨ yǝla ba nʊngǝm dul gǝnɔ lɛɨ.

Roma 9:33

Kanga a mʊla mʊlaɨ sʊwa lɛ gɔ, “N wɔ n ya tɛl fǝtǝm naa a Sihiyona, jǝbɔ sunte nɨ dǝg nǝbɔ lɛ ja yalaɨ. Pʌd nʊ nɨ a nǝ bɨlǝngkɛl a daa gǝ woi, mɨsɔ nyʊwa gunidul lɛ wo.”

1 Korinti 1:7

A jenɔ jǝ́ ke bɔ nǝb gɨyatǝm a gola nǝtǝm lǝma nɨ Yʊwa Kwaamaɨ a nǝ jeni, kanga jǝ́ yam bɛtǝm Tɛlalɔ bǝn Yesu Kiristii lɛɨ,

1 Korinti 15:23

Gwam bǝnɔ Kwaama gung bǝn gung win win. Kiristi nǝn gɔ tɨkǝga guntǝmɨ, na a yǝla a bɛɨ, nǝbam gǝnɔ gwam gun gun.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

1 Tasalonikaɨ 2:19

N wɛ nyɨɨ n jǝ yatǝm nǝl nǝnɨ, jǝbɔ jǝ fulotǝm nǝl nǝnɨ, jǝbɔ dwang dul lɨyal nǝnɔ a kǝga Tɛlalɔ bǝn Yesui a di yǝlatǝm gǝnɨ? N ke bɔ jen ka?

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

1 Timoti 6:14

n mʊrka ń jǝbɔ Kwaama, bɛ ń bwangtǝn diil nɨ, mɨ duto wo, mɨ jǝ tuwol wo, a la nǝn kwama nɨ Tɛlalɔ bǝn Yesu Kiristi bɛm lɛ tagɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

1 Bitrus 1:7

Gaalantɨn nɨ a bɛ sǝ a nʊng nǝtǝm bɨlǝngkɛl jenɔ n dǝngdǝng. (Nǝtǝm bɨlǝngkɛl nɨ a laa mʊnɔ kemʌni, mʊnɔ dɨ dɨ, jǝ tɛl gǝn tɛl nǝn kǝla). N kɛl dul nǝtǝm bɨlǝngkɛl jenɔ, Kwaama nǝ jen bǝlátǝm lɛɨ jǝbɔ dʊʊn jǝbɔ gungtǝm nǝn kwama Yesu Kiristi bɛm lɛɨ.

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

1 Yohana 3:21

Jǝ́ fatǝm nyan mǝndɨ, na nǝl bǝnɔ a nʊng bǝn bɔ gɔ bǝ nǝb bwɨlangkɛlɨ, bǝ nǝngǝn nǝn kwaan bʊtɔ nɨ bǝ tɨ lɛ a kǝga Kwaamaɨ.

1 Yohana 4:17

N gola nɨ swɨkanɔ a yii dǝngdǝng a kʊm bǝnɨ, sǝ kage bǝ nyʊwa taal nǝn di kɔkɔ borangɔ, jʊ a bwɨɨ kanga yɨm gǝnɔ, bǝn tǝbǝn bǝ na nyɔ a yooli nɨ.

1 Yohana 5:14

Bǝ nǝn bɨtǝm nǝl bǝ tɨ a kǝga Kwaamaɨ, jʊ a bwɨɨ, na bǝ kel kanjǝlɔ a swɨtǝm gǝnɨ, gǝ nyʊwa bǝn nyʊwa.

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.