1 Yohana 2:22 - Dadiya NT

²² Nuwo n nǝ gabakɛlɨ, na ke bɔ nʊ nɨ a kana gɔ Yesu nǝn Kiristii? Nʊ gɔ nǝn gɔ nǝ kii Kiristii, nʊ nɨ kana Tɛ bwɛ lɛ jǝbɔ Bwɛɨ.

1 Yohana 2:22 ပူးပေါင်းရင်းမြစ်များ

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Matta 24:5

Nǝbɔ a lada na bɛ lɛ a mʊgɔ dun mɨɨ, sʊwa lɛ gɔ, ‘Nǝmǝ mǝ Kiristi,’ jǝ swag swag nǝbɔ a lada.

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

1 Yohana 1:6

Na bǝ sʊwa bǝngɔ bǝ yɨ yɨm dakini lɛ jǝbɔ Kwaamaɨ, la bǝ yǝm a kumtojilii, bǝ maa gabakɛl, mɨ bǝn nǝn bɨlǝngkɛl.

1 Yohana 2:18

Jen jǝ́ bɛtɔ dwalǝnɔ, n jol dɨltǝm. Kanga jǝ́ nyʊwaɨ, nǝ kii Kiristii bɛ lɛ, kǝngkɔ nyɔ nǝb kiim Kiristii a lada nyɔ ja bɛ. N jʊ a bwɨ bǝ nyǝm lɛ jol dɨltǝmɔ a bɛɨ.

1 Yohana 2:23

Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.

1 Yohana 2:4

Nʊ nɨ a sʊwa gɔ, “N nyǝm gǝn,” mɨ bwangtǝn diiltɨn gǝnɔ lɛɨ, n nǝ gabakɛl. Bɨlǝngkɛlɔ mɨ jǝbɔ gɔ.

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.

1 Yohana 4:3

Nʊ nɨ gwam a jǝla bɔ nǝn Yesui, mɨ nǝn Yʊwa Kwaamaɨ. Nʊ gɔ nǝngǝn nǝn yʊwa nɨ kɔ Kiristi lɛɨ, wʊnɨ jǝ́ nyʊwa gɔ bɛ lɛɨ, kǝngkɔ nyɔ a kwɛl a bɛ bɛɨ a yooli.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

2 Yohana 1:7

Mǝ sʊwa nyɔ jʊ a bwɨɨ, nǝb swagtǝmɔ a jel a yooli nɨ a lada, wʊnɨ ja jǝla bɔ gɔ Yesu Kiristi a jel a bʊtɔɨ. Nǝb gɔ n nǝb swagtǝm jǝbɔ nǝb kiim Kiristii.

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Dʊgam Nyangnyang 3:9

Mǝ dǝg dǝg nǝb nɨ a mʊgɔ kang Mammɨ, nǝbɔ sʊwa lɛ gɔ jǝ Yahudawagɔ jǝ ke bɔ, n gabakɛl jǝ maa lɛɨ, mǝ dǝg ji dǝg ba ja jʊng a kǝga mʊn, sǝ ja nyǝm mǝ swɨ ń nɛ.