1 Yohana 2:21 - Dadiya NT

²¹ Mǝ mʊla jem lɛ a nʊng bɔ jǝ́ nyǝm bɔ bɨlǝngkɛl. Mɨ nyɔ. Mǝ mʊla jem jʊ a bwɨɨ jǝ́ nyǝm nyǝmɨ, jǝ́ nyǝm mɨ gabakɛl gǝ jel lɛ a mʊgɔ bɨlǝngkɛl.

1 Yohana 2:21 ပူးပေါင်းရင်းမြစ်များ

Yohana 18:37

Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Yakubu 1:19

Kɛtǝlam mɨ nɨ mǝ swɨ lɛɨ, bɛ jǝ́ fɛ jǝ́ nyʊwa a bʊm, ka jǝ́ yǝlam lɛ nǝb sʊwatǝm kɛl jǝbɔ maatǝm nabwɨl yagɨ yagɨ.

2 Bitrus 1:12

Jǝ́ kwɛl jǝ́ nyǝm kanjǝl nɨ sul, jǝ́ kwɛl jǝ́ kwam a mʊgɔ bɨlǝngkɛl nɨ jǝ́ nǝngǝnɨ, mɨsɔ dǝg ɨ lɛ n bǝla bʊʊlatǝmɔ nǝn jen a dul jin.

1 Yohana 3:19

Na bǝ swɨka lɛɨ, n daa bǝ nyǝm lɛ bǝ na a bɨlǝngkɛlɨ, bǝ tɨ tɨ a kǝga Kwaamaɨ nǝn kwaan bʊtɔ.

Yahuza 1:5

Mǝ swɨ lɛ na n bʊʊla jem, jǝ́ kwɛl jǝ́ nyǝm kanjǝl nɨ dangǝn, Tɛlalɔ a jǝg nǝbam gǝnɔ a tǝm Masar. Nǝn guli, a jʌbo nǝb nɨ a nǝ bɔ bɨlǝngkɛlɨ.