1 Yohana 2:13 - Dadiya NT

¹³ Mǝ mʊla jem lɛ jǝ́ tɛbɔ, jʊ a bwɨɨ jǝ́ nyǝm gǝn wo nǝn tɨkǝga a fwaltǝm yooligɔ gǝm. Mǝ mʊla jem lɛ jǝ́ bayǝlǝmɔ, jʊ a bwɨɨ jǝ́ ku jelʌn a dul nǝ bwɨla nɨ. Mǝ mʊla jem lɛ jǝ́ bɛtɔ dwalǝnɔ, jʊ a bwɨɨ jǝ́ nyǝm Tɛtɛ.

1 Yohana 2:13 ပူးပေါင်းရင်းမြစ်များ

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 13:19

Na nǝl a nyʊwa kɛl a dul fɔlɔn lɔ Kwaamaɨ, nǝngɔ a nyǝm bɨɨ, Mammɔ ba jǝgǝm jǝgǝm jʊ ja kwal a mʊgɔ nǝl nʊ gɨɨ. Wʊnɨ nǝn gɔ dʊʊmɔ a yal a golaɨ.

Matta 13:38

Tɔtwamɔ nǝn gɔ n yooligɨɨ, dʊʊm nyanɔ, nǝn gɔ bɛtɔ lɔ fɔlɔnɨ, yǝlagɔ n bɛtɔ Mammɨ.

Matta 5:37

Jʊtǝb nɨ jǝ́ sʊwa lɛɨ, bɛ a yǝlam ‘Ɔɔ’ jǝbɔ ‘Ɔ ɔ.’ Na a shu nyɨɨ, a jel a daagɔ Mammɔ woi.

Luka 10:22

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.”

Yohana 14:7

Na na jǝ́ nyǝm ɨɨ, na jǝ́ nyǝm Tɛtɛ mɨ tǝgǝn. Jʊ a ta kǝngkɨɨ jǝ́ nyǝm gǝn, jǝ́ kuwo gǝn.”

Yohana 14:9

Yesu a jǝla gǝn gɔ, “Filibus, n yɨ nǝbɔ jen fanga kǝrnɨ, mʊ nyǝm ɨ bɔ ka? Gwam nʊ nɨ a kuwo ii, a kuwo Tɛ bwɛ. Wɛ mʊ sʊwa lɛ mɔʊ, ‘Nʊng nǝn Tɛ bwɛɨ’?

Yohana 16:3

Nǝbɔ maa jem maa jʊ nɨ, jʊ a bwɨɨ ja nyǝm bɔ Kwaamagɔ, ja nyǝm ɨ bɔ.

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Yohana 17:21

Tɛtɛ, mǝ kela lɛ sǝ pʌd jinɔ ja yǝlam win, kanga mʊ yǝm a mʊgɔ mɨɨ, mǝ yǝm a mʊgɔ mʊnɨ, mǝ kela lɛ bɛ ja yɨ a mʊgɔ bǝn, sǝ nǝbɔ yooli nɨ a nǝ bɨlǝngkɛl gǝ nǝmɔ mʊ twam ɨɨ.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 8:19

Nǝngɔ ja bʌ gɔ, “Tɛtɛ mɔ gǝ na a fee?” Yesu a jǝla ji gɔ, “Jǝ́ nyǝm ɨ bɔ. Jǝ́ nyǝm bɔ Tɛtɛ mɨ. Na na jǝ́ nyǝm ɨɨ, na jǝ́ nyǝm tɛtɛ mɨ tag.”

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

1 Timoti 5:1

Bɛ ka ń ga lɛ nǝ dʊʊ gǝm wulong. Bɛ ń sʊwa gǝn kɛlɔ na nʊ a bʌ ńi. Bayǝlǝmɔ bɛ ń do ji na kɛtǝlam mʊn.

Titus 2:6

A na nyɔ, bɛ ń gʊ bɛtɔ bayǝlǝmɔ gǝm lɔl, ja ta dul.

1 Yohana 1:1

Gǝ nɨ wo a tǝltǝmɨ, nʊ nɨ bǝ nyʊwa gǝnɨ, bǝ kuwo gǝn nǝn nu bǝnɨ, bǝ dʌng, kang bǝnɔ a ke tagɨ, n kɛl kʊlɨ nɨɨ nǝn sʊwa jen nɛɨ.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

1 Yohana 2:12

Jǝ́ bɛtɔ dwalǝn mǝndɨ, mǝ mʊla jem lɛ, jʊ a bwɨɨ, Kwaama a kǝlǝm jem bwɨlangkɛl jenɔ a kɛl dun Yesui.

1 Yohana 2:14

Mǝ mʊla jem lɛ jǝ́ tɛbɔ, jʊ a bwɨɨ jǝ́ nyǝm gǝn wo nǝn tɨkǝga a fwaltǝm yooligɔ gǝm. Mǝ mʊla jem lɛ jǝ́ bayǝlǝmɔ, jʊ a bwɨɨ jen nǝn kwaan, kɛl Kwaamaɨ yǝm a mʊgɔ jen, jǝ́ ku jelʌn a dul nǝ bwɨla nɨ gǝm.

1 Yohana 3:12

Ka bǝ yǝlam lɛ na Kayinu, nʊ nɨ a yǝlam a mammɨ, a jʌ kɨla gɨɨ. N wɛ a bwɨ a jʌ gǝnɨ? N kɛl dul maajɨ gǝnɔ wʊnɨ na a bwɨlaɨ, a kɨla gɨɨ n maajɨ dǝngdǝngɨ.

1 Yohana 4:4

Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

1 Yohana 5:18

Bǝ nyǝm nʊ nɨ n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl. Bʊla Kwaamaɨ nǝn gɔ kɨla gǝn nɛɨ. Nǝ bwɨla nɨ mɨsɔ ke gǝn nɛ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.

Dʊgam Nyangnyang 2:7

“Pʌd nʊ nɨ nǝn lɔl nyʊwatǝmɨ, bɛ a nyʊwa jʊ nɨ Yʊwagɔ sʊwa daatɨn mʊrkalɨ nǝb bwangtǝm Kwaamaɨ nɨ lɛɨ. Pʌd nʊ nɨ a ku jelʌni, mǝ nǝ gǝn nǝ gola jatǝm tʊʊl tɨya kʊlɨ nɨ, wʊnɨ a mʊgɔ lɔ Kwaamaɨ a dʌbʌli.