1 Yohana 1:7 - Dadiya NT

⁷ A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

1 Yohana 1:7 ပူးပေါင်းရင်းမြစ်များ

Matta 6:12

Kǝlǝm bǝm bwɨlangkɛl bǝnɔ, kanga bǝ kǝlǝm nǝb nɨ gǝm lɛ a maa bǝm bwɨlangkɛlɨ.

Yohana 1:29

Nǝn tǝmsɛlɨgɔ, nǝngɔ Yohana a kuwo Yesu bɛ lɛ a daa gǝ woi, nǝngɔ a sʊwa gɔ, “Jǝ́ dʌng bɛ gal Kwaamaɨ, wʊnɨ a dem bwɨlangkɛl yooli nɨɨ.

Yohana 12:35

Nǝngɔ Yesu a sʊwa ji gɔ, “Nyalǝmɔ gǝ na jǝbɔ jen, kumtɨnɔ mɨsɔ lada lɛ. Jǝ́ yɔ yɔmɔ kwama nyalǝmɔ jǝbɔ jeni, kage kumtojiligɔ a nya jen. Nʊ nɨ yɔ yɔm lɛ a kumtojilii, mɨsɔ nyǝm daa nɨ lɛ gǝ shum lɛ woi.

Yohana 5:4

Jʊ a bwɨɨ, kaam ditɨnɔ kaa bwɛ twama Kwaamaɨ gǝ bɛ bɛ ba mǝg mʊgɔ mwɛ nɨ. Nʊ nɨ a dɔ mwɛmɔ nǝn tɨkǝgaɨ, gǝ nya nya guntǝm a twɨla nɨ gǝ nǝngǝnɨ.]

Roma 13:12

Kumɔ a kwɛl a shu shui, tǝmɔ ya saa sɛltǝm lɛ. A dul kɛl nɨ, bɛ bǝ jǝgǝm maajɨ kumtojiligɔ. Bɛ bǝ dʊʊ kanjǝl tatǝm kun na nyalǝmɔ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Afisa 1:7

N gola gǝn bǝ nya jǝgtǝm a dul tʊʊm gǝnɨ, bǝ nya kǝlǝmtǝm bwɨlangkɛltɨn a gola lǝma Kwaamaɨ a ladaɨ,

Afisa 5:8

Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Yakubu 1:17

Nǝtǝm jǝ nyan, jǝbɔ yiitǝm lǝma a bɛ a dʌbʌl a daagɔ Tɛtɛ Kwaama woi, wʊnɨ a fwal nyalǝmɔ pʌd a dʌbʌl kwamaɨ. Mɨ gǝ fʌto lɛ wo. Mɨ duuli gǝnɔ gǝ yǝla lɛ wo.

1 Bitrus 1:19

A jǝg jen nǝn tʊʊm bʊmɨ nyan Kiristii, na bɛ gal nɨ mɨ nǝn kalalɨ, mɨ nǝn kʊlan dɛɛlɨ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

1 Yohana 1:5

Kɛlɔ wɔ nǝn nyʊwa a daa gǝ woi, nǝn sʊwa jen nǝngɔ Kwaama n nyalǝm, mɨ kumtojili wo a daa gǝ woi.

1 Yohana 5:6

Yesu Kiristi a bɛ a yooli nɨ, a bɛ a gola mwɛ jǝbɔ tʊʊm, ke bɔ a gola mwɛ kwaagɔ a bɛɨ, n gola tʊʊm tǝgǝn. Yʊwa Kwaamaɨ nǝn gɔ nǝ nǝtǝm nyiyogɨɨ, jʊ a bwɨɨ Yʊwagɔ nǝn gɔ n bɨlǝngkɛlɨ.

1 Yohana 5:8

n Yʊwagɔ jǝbɔ mwɛmɔ jǝbɔ tʊʊmɔ. Kanjǝl nɨ taalɨ ja jǝlaka.

2 Yohana 1:4

N maa fulotǝm nǝl dangǝn jǝbɔ kaam bɛtɔ lɔ mʊɨ, jǝ bwangtǝn bɨlǝngkɛlɔ lɛ kanga Tɛtɛ a nǝ bǝn diili.

3 Yohana 1:4

Mɨ jʊ nɨ wo a laa mɨ fulotǝm nǝl n nyʊwa gɔ, bɛtɔ lɔ mɨɨ bwangtǝn bɨlǝngkɛlɔ lɛ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.