1 Yohana 1:3 - Dadiya NT

³ Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

1 Yohana 1:3 ပူးပေါင်းရင်းမြစ်များ

Yohana 17:11

Kǝngkǝnɨ mɨsɔ mǝ yɨ lɛ a yooli, nǝb nɨ gǝ na a yooli nɨ, mǝ yilo a daa mɔ woi. Tɛtɛ Nǝ Sagsag, bɛ ń kɨla ji nǝn kwaan dun mʊnɔ, dun nɨ mʊ nɨ ɨɨ, sǝ ja yǝlam win kanga bǝ wini.

Yohana 17:21

Tɛtɛ, mǝ kela lɛ sǝ pʌd jinɔ ja yǝlam win, kanga mʊ yǝm a mʊgɔ mɨɨ, mǝ yǝm a mʊgɔ mʊnɨ, mǝ kela lɛ bɛ ja yɨ a mʊgɔ bǝn, sǝ nǝbɔ yooli nɨ a nǝ bɨlǝngkɛl gǝ nǝmɔ mʊ twam ɨɨ.

Yohana 17:25

“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 19:35

Nʊ nɨ a kuwo jʊ nɨ a bwɨɨ, nǝn gɔ a nǝ nyiyo a dul gǝnɨ. Nǝtǝm nyiyo gǝnɔ, n bɨlǝngkɛl. Gǝ nǝn dul gǝn a nyǝm gɔ gǝ sʊwa bɨlǝngkɛl, gǝ nǝ nyiyo sǝ jen tʌjen jǝ́ nǝ bɨlǝngkɛl.

Maajɨ Bɛtɔ Twamagɨɨ 13:32

“Bǝn tǝbǝn bǝ bɛ jem nǝn fulon kɛl lǝmɨ. N swatǝm yaa nɨ Kwaama a maa tʊgalam bǝnɔ gǝmɨ.

Maajɨ Bɛtɔ Twamagɨɨ 13:41

“ ‘Jǝ́ kaa lɔl, jǝ́ nǝb mogtǝmɔ! Jǝ́ ta kang a nyiyo, jǝ́ bʊla! Mǝ maa maa maajɨ nǝn kumtɨn jenɔ, maajɨ nɨ mɨsɔ jǝ́ jǝla lɛ nǝn, na a jel a nyiyo kaa nǝlɨ.’ ”

Maajɨ Bɛtɔ Twamagɨɨ 2:42

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Maajɨ Bɛtɔ Twamagɨɨ 20:27

jʊ a bwɨɨ mǝ ta bɔ sǝ n sʊwa jen kɛl Kwaamaɨ gwam.

Maajɨ Bɛtɔ Twamagɨɨ 4:20

Mɨsɔ nǝn mwɨ lɛ nǝn yɨ shig a jʊ nǝn nyʊwa, nǝn kuwo tagɨ.”

Roma 15:27

Ja nyʊwa lǝma maatǝmɔ nyɔ, jʊ a bwɨɨ a yǝlam jim na naan a dul jin. Bʌtʌbɔ a tǝga bwili yʊwagɔ dakini jǝbɔ ji. A yǝlam nyɔ tʌji ja tǝga bwili yooligɔ jǝbɔ ji.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 1:9

Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

1 Korinti 15:1

A kǝngkɔ, kambɔ, mǝ bʊʊla jem bʊʊla fulon kɛl lǝmɨ nɨ mǝ sʊwa jeni, wʊnɨ jǝ́ yoi, wʊnɨ jǝ́ bwangtǝnɨ.

2 Korinti 13:14

Bɛ lǝma Tɛlalɔ Yesu Kiristii, jǝbɔ swɨtǝm Kwaamaɨ, jǝbɔ mʊrkalɨ Yʊwa Kwaamaɨ, a yɨ jǝbɔ jen gwam.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

Filibii 2:1

Kiristi a kʊʊ jem nǝl. Swɨtǝm gǝnɔ a yʌb jem nǝl. Yʊwa Kwaamaɨ a mʊrka jen. Jǝ́ nʊngka bʊnatǝm jǝbɔ swɨkan.

Filibii 3:10

Swɨtǝm mǝndɨ nǝn gɔ n nyǝm Kiristi, n nyǝm kwaan guntǝm gǝnɔ a bwaaɨ, n nya mʊrkatǝm nǝbɔ gɔ a nɔɔtǝm gaalan gǝnɔ gǝm, n yǝlam na gɔ a bwaa gǝnɔ gǝm,

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

1 Timoti 6:2

Jwaalɛb nɨ tɛlalɔ jinɔ n nǝb nǝtǝm bɨlǝngkɛlɨ, ka ja soga ji lɛ, jʊ a bwɨɨ jǝ kɛtǝlam a daa jen woi. Bɛ ja sʊtǝn maatǝm jwaalɛnɔ, jʊ a bwɨɨ nǝb nɨ nya bwili lɛ a maajɨ jinɔ gǝmɨ, n nǝb bwangtǝm, n nǝb nɨ jǝ swɨ lɛɨ. Bɛ ń mɛla jim, kʊʊ jim nǝl a dul kanjǝl nɨ.

Ibranii 2:12

A sʊwa gɔ, “Mǝ sʊwa sʊwa dun mʊnɔ a daa kɛtǝlam mǝndɨ woi. A tɨbǝl mʊrkalɨ nǝb bwangtǝm Kwaamaɨ, mǝ bǝlá ń bǝlá ń nǝn nafɨ.”

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

2 Bitrus 1:16

Nǝn kwama nǝn sʊwa jen kwaan jǝbɔ bɛtǝm Tɛlalɔ bǝn Yesu Kiristii, ke bɔ shinitɨn nɨ ja baka bakaɨ nǝn yʊlanɨ nǝn bwangtǝn nɛɨ. Nǝn kuwo dʊʊlǝn gǝnɔ nǝn nu nǝn.

1 Yohana 1:1

Gǝ nɨ wo a tǝltǝmɨ, nʊ nɨ bǝ nyʊwa gǝnɨ, bǝ kuwo gǝn nǝn nu bǝnɨ, bǝ dʌng, kang bǝnɔ a ke tagɨ, n kɛl kʊlɨ nɨɨ nǝn sʊwa jen nɛɨ.

1 Yohana 1:5

Kɛlɔ wɔ nǝn nyʊwa a daa gǝ woi, nǝn sʊwa jen nǝngɔ Kwaama n nyalǝm, mɨ kumtojili wo a daa gǝ woi.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.