1 Timoti 6:9 - Dadiya NT

⁹ Nǝb nɨ swɨ nyatǝm shilo lɛɨ, jǝ yal yal a mʊgɔ tɛltǝm jǝbɔ lan. Jǝ swɨ kanjǝl wɛl lɛ wʊnɨ nǝ ji twɨla lɛɨ, wʊnɨ yǝla dul nǝbɨɨ lɛɨ, bɛ lɛ nǝn kalatǝm jǝbɔ wulon.

1 Timoti 6:9 ပူးပေါင်းရင်းမြစ်များ

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Matta 19:22

Bwayǝlɨ nɨ a nyʊwa nyɨɨ, nǝngɔ a shu nǝn kaltǝm nǝlɨ, jʊ a bwɨɨ n nǝ shilo dangǝn.

Matta 26:15

a sʊwa ji gɔ, “N wɛ jǝ́ nɨ ɨ lɛɨ, na n nǝ jen gɨɨ?” Nǝngɔ ja nǝ gǝn kemʌn sǝlǝnɔ fʊtǝtaalɨ.

Matta 6:19

“Bɛ ka ń ya lɛ dul mʊnɔ gǝm shilo a tǝm nɨ, a daa nɨ bʊntangɔ jǝbɔ bwatɛgɔ kalǝm lɛɨ, nǝbkuumɔ kǝl nyanga kanɔ lɛ a dɔ a kuui.

Markus 4:19

na kwama ja yem kɛl nɨɨ, komʌn kanjǝl yooligɔ, jǝbɔ swɨtǝm shilo, jǝbɔ wɛl kanjǝl a dɔ a bǝmǝm kɛl Kwaamaɨ, a daa nǝn kwan.

Luka 12:21

“Nʊ nɨ a mʊr dul gǝnɔ gǝm shilo tǝm nɨ a twabǝm nǝn Kwaamaɨ, gǝ na na nʊ nɨ mǝ sʊwa kɛl gǝnɔ a mʊsǝn kɛl nɨ.”

Luka 21:35

maa na kwalɨ. Kɔkɔ nɨ bɛ bɛ a dul nǝb nɨ yǝm a yooli nɨ gwamɨ.

Maajɨ Bɛtɔ Twamagɨɨ 8:20

Nǝngɔ Bitrus a sʊwa gǝn gɔ, “Mɔ jǝbɔ kemʌn mʊnɔ bɛ jǝ́ bʊla, na mʊ kuwo lɛ n kemʌn mʊnɔ mʊ nya nǝtǝm lǝma Kwaamaɨ lɛɨ!

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

1 Timoti 1:9

Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.

1 Timoti 3:7

Bɛ ga yǝlam nʊ nɨ a nya dun nyan a mʊgɔ nǝb nɨ ke bɔ nǝb bwangtǝmɨ, kage a yǝlam jǝ gunidul, a yal a mʊgɔ lan Mammɨ.

1 Timoti 6:10

Swɨtǝm kemʌnɔ nǝn gɔ n jʌng kanjǝl bwɨlanɔ gwamɨ. N swɨtǝm nyatǝm shilo dǝbǝr kaam nǝbɔ a bǝla nǝtǝm bɨlǝngkɛl jinɔ a guli, ja gʊ dul jinɔ gǝm fitǝm nǝl nǝn dʌmʌni.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

2 Timoti 2:26

Na a bwɨ nyɨɨ, jǝ yǝla jǝ bɛ bɛ a bʊʊlalɨ jinɔ gǝm. Jǝ jel jel a lan Mammɨ nɨ a ta jii, wʊnɨ a dǝg ji ja bwangtǝn jʊ gǝ swɨ lɛɨ.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

2 Bitrus 2:3

Nǝb mɛlalɨ gabakɛl nɨɨ, nǝb wɛl. Jǝ swag jen swag nǝn fulon kɛltɨn nɨ ja fɛkaɨ. Ja kwɛl ja mwatɨ jim mwatɨ borangɔ. Nʊ nɨ dǝg ji lɛ a lɔ kǝlaɨ, yam ji lɛ.

Yahuza 1:11

N mwɛ jin! Ja bwangtǝn gola Kayinui. Ja maa jʊ Balamu a maa a bʊm bɨɨ, ja ya wɛl jinɔ a dul kemʌn. A dul kanjǝl nɨ gwam ja maaɨ, jǝ jʌbo ji jʌbo kanga ja jʌm Kora a tʊlǝm gǝnɔ gǝmɨ.