1 Timoti 5:5 - Dadiya NT

⁵ Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.

1 Timoti 5:5 ပူးပေါင်းရင်းမြစ်များ

Luka 18:1

Nǝngɔ Yesu a nǝ bɛtɔ mɛlalɨ gǝnɔ kaa mʊsǝn kɛl sǝ a mɛla jim gɔ ja ja kǝga nǝn keligɔ, ka ja tɨ lɛ nǝn.

Luka 18:7

Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka?

Luka 2:37

A yǝlam nɔɔkʊla jolɔ fʊlnaalǝb jeli naal. Mɨ bǝla Kan Kwaamanɔ lɛ, nǝ Kwaama dʊʊn nɛ nǝn dotǝm diil mwɛ, maa keli lɛ kum jǝbɔ kɔkɔ.

Maajɨ Bɛtɔ Twamagɨɨ 26:7

N swatǝm yaa nɨ dʊʊm nǝnɔ kʊb jeli yoi ja ya nǝl sǝ ja kuwo yiitǝm gǝnɨ, kanga jǝ bǝlá Kwaama lɛ kum jǝbɔ kɔkɔɨ. Fɔlɔgɔ, Yahudawagɔ tuwo i lɛ, jʊ a bwɨɨ n yatǝm nǝl a swatǝm yaa nɨ mǝ nǝnɨ!

Maajɨ Bɛtɔ Twamagɨɨ 6:1

A kumtɨn gɨɨ, nǝb mɛlalɨgɔ lada lɛ. Nǝngɔ Yahudawa nɨ nyʊwa nyiyo Girikagɔ lɛɨ, a tǝl loratǝmɔ a dul Yahudawa nɨ nyʊwa nyiyo Ibrane lɛɨ. Jʊ a bwɨɨ, mɨ jǝ nǝ nɔɔtǝmkʊlab jinɔ jǝjalǝn nɛ kum jǝbɔ kum.

Maajɨ Bɛtɔ Twamagɨɨ 9:39

Nǝngɔ Bitrus a gun a shu jǝbɔ jii. Kwama a bɛmɨ, nǝngɔ ja yɔ nǝn gɔ a kan dʌbʌlɔ gǝmɨ. Nɔɔtǝmkʊlabɔ gwam, ja tɨ a kɔtʌgo a gǝ gǝm jǝ ji lɛ. Jǝ nʊng bɛllɛtɨnɔ lɛ jǝbɔ dwangtɨn nɨ Dokas a sʊʊl jim kwama yǝm dakini jǝbɔ jii.

Maajɨ Bɛtɔ Twamagɨɨ 9:41

Nǝngɔ Bitrus a mal kang a tɨka gǝn a guni. Nǝngɔ a jo nǝb bwangtǝm Kwaamaɨ jǝbɔ nɔɔtǝmkʊlabɔ, a nǝ ji gɔ nǝn dʊʊmɨɨ.

Roma 1:12

sǝ mǝ nǝbɔ jen bǝ kʊʊka nǝl nǝn nǝtǝm bɨlǝngkɛl bǝnɔ.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

1 Korinti 7:32

Mǝ swɨ lɛ jǝ́ nya jǝgtǝm dul a komtǝm nɨ gǝm. Nʊ nɨ a naa bɔ nɔɔlɨɨ, gǝ sʊtǝn sʊ dʌngtǝm kanjǝl Tɛlalɔɨ, kanga fulo Tɛlalɔ gǝm nǝl lɛɨ.

1 Korinti 7:34

Bʊʊlalɨ gǝnɔ a bel yo. Nɔɔlɨ nɨ a naa bɔ balɨɨ, jǝbɔ bwɛnɔɔlɨ, jǝ sʊtǝn sʊ dʌngtǝm kanjǝl Tɛlalɔɨ kanga jǝ yɨ lɛ sagsag a mʊgɔ bʊtɔ, jǝbɔ bʊʊlalɨ tagɨ. Nɔɔlɨ nɨ a naa balɨɨ, gǝ sʊtǝn sʊ dʌngtǝm kanjǝl yooligɔ, kanga gǝ fulo bwɨla gɔ gǝm nǝl lɛɨ.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

Filibii 4:6

Ka jǝ́ kom lɛ dul jenɔ a dul kaa jǝl. Bɛ jǝ́ kela Kwaama jʊ jǝ́ swɨ lɛɨ. Bɛ jǝ́ buu gǝm kang a kanjǝlɔ gǝm gwam a maa jemi.

1 Timoti 2:1

Jʊ a laa jǝlɨ, mǝ gʊ jem lɔl lɛ, bɛ ya jǝ́ maa nǝbɔ gǝm keli lɛ. Jǝ́ kela Kwaama sǝ a tɨka ji. Jǝ́ buu Kwaama gǝm kang lɛ a kɛl dul nǝbɨɨ gwam.

1 Timoti 5:16

Na nɔɔlɨ n nǝ nǝtǝm bɨlǝngkɛl nǝn nanǝgam nɔɔtǝmkʊlabɨ, bɛ ga tɨka ji. Ka ja nǝ lɛ mʊrkalɨ nǝb bwangtǝm Kwaamaɨ gaalan, sǝ nǝb bwangtǝmɔ a nya gola tɨkalɨ nɔɔtǝmkʊlab nɨ mɨ nǝn nǝb tɨkalɨ.

1 Timoti 5:3

Bɛ ń nǝ nɔɔtǝmkʊlabɔ dʊʊn, nǝb nɨ mɨ nǝn nǝb tɨkalɨ.

2 Timoti 1:3

N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.

1 Bitrus 3:5

Galɨgǝn nɔɔtǝm sagsag nɨ a ya nǝl jinɔ a daagɔ Kwaama woi, jǝ fɛ bʊtɔ jinɔ lɛ a bʊm. Jǝ shig dul jinɔ nyɔ a daagɔ batǝlam jinɔ woi,