1 Timoti 5:15 - Dadiya NT

¹⁵ Kaamɨ ja kwɛl ja yǝla, jǝ bwangtǝn Mamm.

1 Timoti 5:15 ပူးပေါင်းရင်းမြစ်များ

Matta 4:10

Nǝngɔ Yesu a sʊwa gǝn gɔ, “Kʌlʌm shu fɔ a kǝga mɨ Mamm! A mʊla mʊlaɨ gɔ, ‘Maa Tɛlalɔ Kwaama mʊnɔ gǝm bǝlátǝm. Nǝn gɔ kwaagɔ mʊ nǝ gǝn dʊʊn nɛɨ.’ ”

1 Timoti 1:20

A kʊm jin, Himinayas wo jǝbɔ Iskandari, nǝb nɨ mǝ nǝ mammɔ, sǝ a mwɛ jii, sǝ ja bǝla kaltǝm dun Kwaamaɨ.

2 Timoti 1:15

Ń nyǝm nyɔ, pʌd nǝbɔ a tǝm Asiyaɨ ja yǝla mɨ gul, Fijalas jǝbɔ Harmajanas wo a kʊm jin.

2 Timoti 2:18

nǝbɔ a tangǝm a gul bɨlǝngkɛlɨ. Jǝ sʊwa lɛ gɔ guntǝmɔ a bwaaɨ a kwɛl a shu shui. Jǝ kal nǝtǝm bɨlǝngkɛl kaamɨ lɛ.

2 Timoti 4:10

jʊ a bwɨ mǝ sʊwa nyɨɨ, Dimas nǝ swɨtǝm yooli nɨ a bǝla ɨ, a shu a Tasalonika. Karaska a shu a tǝm Galatiya. Titus tǝgǝn a shu a tǝm Dalmatiya.

2 Bitrus 2:2

Nǝbɔ a lada wʊnɨ bwangtǝn golantɨn gunidul jinɔ lɛɨ. N kɛl dul jin kaam nǝbɔ soga gola bɨlǝngkɛlɔ lɛɨ.

2 Bitrus 3:16

A mʊla a dul jʊ nɨ nyɔ, kanga gǝ maam lɛ pʌd a tangǝn mʊlalɨ langǝn bwangǝntɨn gǝnɨ. Kaam kanjǝlɔ wo a mʊgɔ jin wʊnɨ a bwa nyǝmtǝmɨ, wʊnɨ nǝb nɨ mɨ nǝn nyǝmtǝmɨ jǝbɔ nǝb nɨ a kwam bɔ a mʊgɔ nǝtǝm bɨlǝngkɛl jinɔ gǝmɨ, jǝ fʌto jʊ, jʊ nɨ nʊng lɛɨ. N gola gɔ jǝ gʊ dul jinɔ gǝm kalatǝm lɛɨ. Jǝ maa nyɔ tag jǝbɔ kaam mʊlalɨ kɛl Kwaamaɨ.

1 Yohana 2:19

Ja jel a mʊgɔ bǝn sul, jǝ ke bɔ a bǝn. Na na jǝ na a bǝnɨ, na jǝ yǝm dakini jǝbɔ bǝn. Ja jel sǝ a nʊng jǝ ke bɔ a bǝn.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.