1 Timoti 3:16 - Dadiya NT

¹⁶ Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

1 Timoti 3:16 ပူးပေါင်းရင်းမြစ်များ

Matta 1:23

“Bwɛnɔɔlɨgɔ do do fʌl, bʌ bʌ bwɛ balɨ, jǝ ja gǝm dunɔ gɔ Immanuwel,” wʊnɨ nʊng lɛ gɔ, “Kwaama jǝbɔ bǝn.”

Matta 13:11

Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.

Matta 28:2

Tʌgo a kang, nǝngɔ ja maa kaa dalɨ mǝgtǝm tǝmɨ, jʊ a bwɨɨ kaa bwɛ twama Tɛlalɔɨ a gǝla a dʌbʌl a tʊngǝm tɛl nɨ ja swa a nyanga tuugɔ gǝmɨ, a yɨ a dʌbʌl gǝn.

Matta 3:16

Kwama Yohana a yʊm Yesu mwɛ sagsagɨɨ, kanga gǝ jel lɛ a mʊgɔ mwɛmɔ gǝmɨ, nǝngɔ dʌbʌl kwamagɔ a wumoi, nǝngɔ a kuwo Yʊwa Kwaamaɨ gǝla lɛ a dul gǝn na kumfiyoi, a gǝla a yɨ a dul gǝnɨ.

Matta 4:11

A daagɔ, nǝngɔ Mammɔ a bǝla gǝnɨ. Nǝngɔ bɛtɔ twama Kwaamaɨ ba tɨka gǝnɨ.

Markus 1:13

A yɨ a daa gɔ kumɔ fʊltǝnaal, Mammɔ tɛl gǝn nɛ. Yesu yǝm jǝbɔ namɔ kuuli. N bɛtɔ twama Kwaamaɨ tu gǝm twama lɛɨ.

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Markus 16:5

Ja dɔ mʊgɔ tuugɨɨ, ja nya kaa bwayǝlɨ yǝm a gwanga kang jajǝng, nǝn bɛllɛ fulo a bʊtɔ gǝn, taalɔ a ta ji.

Luka 2:32

Nyalǝm nɨ a nʊng ń a daagɔ Bʌtʌbɔ woi, nyalǝm nɨ a bɛ nǝn dʊʊlǝn a daagɔ nǝbam mʊnɔ nǝbɔ Israilaɨ.”

Luka 20:44

Dauda a jo gǝn gɔ, ‘Tɛlalɔ.’ A maa nyǝn la a yǝlam bʊla gɔ tagɨ?”

Luka 22:43

Nǝngɔ bwɛ twama Kwaamaɨ a gǝla a dʌbʌl ba kʊʊ gǝm nǝl lɛɨ.

Luka 24:4

Jǝ bʊʊla lɛ a nǝl jin gɔ n wɛ a bwɨ nǝn bʌlʌn gǝnɨ, nǝngɔ ja kuwo nǝbɔ yo tɨm a kɔtʌgo a ji gǝmɨ, dwang jinɔ ja dʊɨ beta lɛ nyɔ.

Luka 24:51

Nǝn kwama dǝgǝm jim bwiligɔ lɛɨ, nǝngɔ a bǝla jii, nǝngɔ ja do gǝn a dʌbʌli.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 20:12

Nǝngɔ a kuwo kaam bɛtɔ twama Kwaamaɨ yo nǝn dwang fulontɨn jǝ yǝm a daa nɨ bʌlʌn Yesui woi, win yǝm a gwanga dul Yesui, win a gwanga naatɨn gǝn.

Yohana 6:62

La nǝl jenɔ yǝlam nyǝn na jǝ́ kuwo Bʊla Nǝlɨ gwi shu lɛ a daagɔ a jelʌmi?

Maajɨ Bɛtɔ Twamagɨɨ 1:19

Nǝb nɨ gwam yǝm a Urushalimaɨ, ja nyǝm jʊ nɨ a bwɨɨ, ja jo talɨgɔ gɔ Akaldama nǝn nyiyo ji, wʊnɨ gǝ nʊng Talɨ Tʊʊmɨ.)

Maajɨ Bɛtɔ Twamagɨɨ 10:34

Nǝngɔ Bitrus a tǝl sʊwa ji kɛlɔ lɛ gɔ, “N nyǝm n bɨlǝngkɛl, Kwaama mɨ nʊng swɨtǝm dul lɛ.

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Roma 10:18

Mǝ bʌ kɛl lɛ, “Ja nyʊwa bɔ ka?” N bɨlǝngǝn ja nyʊwa. Mʊlalɨgɔ a sʊwa gɔ, “Diil jinɔ a yiim yooligɔ gwam. Katɔ jinɔ a la gol yooligɔ.”

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Roma 16:26

Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

Roma 3:4

Ɔ ɔ mɨ nyɔ! Bɨlǝngǝn Kwaama n Nǝ dǝngdǝng, mɨ nyǝmatǝm wo. Nǝbɔ gwam n nǝb gabakɛl. Kanga a mʊla mʊlaɨ gɔ, “Na ń sʊwa kɛlɨ, jǝ nya n bɨlǝngǝn, mʊ ja ja kɛl mʊnɔ na ja yɔ nǝn mɔ a kan borangɨ.”

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

1 Korinti 15:47

Nǝfili na tɨkǝgagɔ a jel a tǝm, n boli. Na yogɔ a jel a dʌbʌl.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

2 Korinti 1:19

Jʊ a bwɨɨ Bʊla Kwaamaɨ, Yesu Kiristi, wʊnɨ mǝ, jǝbɔ Sila, jǝbɔ Timoti nǝn kiyo jem kɛl gǝnɨ, “Ɔɔ” gǝnɔ a nʊng bɔ “Ɔ ɔ.” Kwangkwang a gǝnɔ n bɨlǝngkɛl.

Galatiya 2:8

Kwaama a maa maajɨ a gola Bitrusi, sǝ a maa maajɨ nyan a daa Yahudawagɔ woi, nǝn gɔ tag a maa maajɨ a gola mɨɨ, sǝ n maa maajɨ nyan a daa Bʌtʌbɔ woi.

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.

Afisa 1:9

A dǝg bǝ nyǝm fɛkalɨ nɨ ga yʊ yʊɨ galɨgǝnɨ. A maa nyɔ a gola Kiristii, n jʊ a bʊm gǝmɨ.

Afisa 6:19

Mǝ tǝmɨ jǝ́ maa mɨ keli. Jǝ́ kel mɨ Kwaama a nɨ ɨ kɛl nyan dɨsɔ n sʊwa fulon kɛl lǝmɨ nɨ a yʊ yʊɨ nyangnyang, mɨ taal wo.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

2 Tasalonikaɨ 1:10

Nǝn di nɨ bɛm lɛɨ, nǝb sagsag gǝnɔ jǝ dʊʊl gǝn dʊʊl. Gwam nǝb nǝtǝm bɨlǝngkɛlɔ jǝ ta ta kang a nyiyo a kɔkɔ gɔ, jʊ a bwɨɨ, jǝ́ nǝ bɨlǝngkɛl nǝn nǝtǝm nyiyogɔ nǝn maa jemi.

2 Tasalonikaɨ 2:7

A kǝngkɔ kwaan nǝ kutʌm bwɨla nɨ a kwɛl a ta maajɨ daddad. Nʊ nɨ kʌshi gǝn nɛɨ ja ja kǝga nǝn kʌshitǝm gǝnɔ ba la nǝn kwama jǝ dem nʊ nɨ kʌshi gǝn nɛɨ.

1 Timoti 3:9

Bɛ ja ja kǝga nǝn nǝtǝm bɨlǝngkɛlɔ nǝn bʊʊlalɨ nyan nɨ a mʊgɔ nǝl nɨ mɨ komtǝm woi.

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 7:7

Ke bɔ jǝ bǝngkatǝm, nʊ nɨ a kǝgaɨ nǝn gɔ gǝ dǝg nʊ nɨ lɛ a guli gǝm bwilii.

Ibranii 8:1

Kɛl nɨ gǝ nʊng gɔ, bǝ nǝngǝn nǝn dalɨ nǝkǝla nyɔ, wʊnɨ a yɨ a kang jajǝng kotere fɔlɔn nǝ Dʊʊ nɨ a dʌbʌl kwamaɨ.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Bitrus 1:20

Kwaama a jǝgǝm gǝn na lǝga bɔ a fwal yooligɔ. N kɛl dul jen ja nʊng gǝn a jol dɨltǝmɨ.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

1 Yohana 1:2

Kʊlɨ nɨ Kwaama a nʊngɨ, nǝn kuwo. Nǝn gɔ nǝn nǝ nyiyo lɛɨ, nǝn sʊwa jen kʊlɨ nɨ mɨ dɨtǝm woi, wʊnɨ dakini jǝbɔ Tɛtɛɨ, ja nʊng gǝn a daa nǝn woi.

1 Yohana 3:5

Jǝ́ nyǝm Yesu a bɛ sǝ a dem bwɨlangkɛltɨn bǝnɔ. A daa gǝ woi mɨ nǝn bwɨlangkɛl.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.

Dʊgam Nyangnyang 17:5

A tɛkǝga gǝnɔ gǝm jǝ mʊla dun nɨ ja yʊ yʊɨ gɔ, GɅLENG BABILA, NƐNƐ NƆƆTƏM KALALƗƗ JƏBƆ NƐNƐ BWƗLANG KANJƏL NƗ A YOOLII.

Dʊgam Nyangnyang 17:7

Bwɛ twama Kwaamaɨ a sʊwa ɨ gɔ, “N wɛ a bwɨ mʊ ta kang a nyiyoi? Mǝ wum mʊn wum guu nɔɔlɨ nɨ jǝbɔ yʊwal bwɨla nɨ a do nɔɔlɨ nɨ, yʊwal bwɨla nɨ nǝn dultɨnɔ nʌbʌl jǝbɔ jumtɨnɔ kʊbɨ.

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.