1 Timoti 3:10 - Dadiya NT

¹⁰ Bɛ ja tɛl ji dɨn. Na ja nya ji bɔ nǝn jǝ tuwoli, sǝla ja ta maatǝm maajɨgɔ.

1 Timoti 3:10 ပူးပေါင်းရင်းမြစ်များ

1 Korinti 1:8

wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

Kolosii 1:22

Kǝngkɔ Kwaama a dɔ kʊm jenɔ a fɛka jen a gola Kiristii a mʊgɔ bʊtɔ nǝfilii a gola bwaa gǝnɔ gǝm. A maa nyɔ sǝ a nʊng jen a kǝga Kwaamaɨ jǝ́ yǝlam nǝb sagsag, mɨ jen nǝn bwɨlangkɛl, mɨ nǝn jǝ tuwol tag a kǝga gǝn.

1 Timoti 3:13

Nǝb maajɨ nɨ maa maajɨ jinɔ lɛ dǝngdǝngɨ, nya nya dul jinɔ gǝm dun nyan dangǝn. Jǝ sʊwa sʊwa kɛl kǝga jǝbɔ kǝga a nǝtǝm bɨlǝngkɛl jinɔ a mʊgɔ Kiristi Yesui.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

1 Timoti 3:6

Bɛ ka yǝlam lɛ nʊ nɨ a yo Kwaama kǝngkɨɨ, kage a yǝlam nǝ gungtǝm dul, a yal a mʊgɔ borang nɨ ja biyo Mammɔ gǝmɨ.

1 Timoti 5:22

Ka ń gaala lɛ nu ń ya kaa nǝl gǝm kang bwili. Ka ń dǝg lɛ dul mʊnɔ a bwɨlangkɛl kaam nǝbɨɨ. Bɛ ń kɨla dul mʊnɔ sagsag.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.