1 Tasalonikaɨ 5:8 - Dadiya NT

⁸ A bǝnɔ, bǝ na a yɨm nyalǝm. Bɛ bǝ yɨ yɨm tɔɔtǝm. Bɛ bǝ dʊʊ bɛllɛ kemʌn a nǝtǝm bɨlǝngkɛlɔ jǝbɔ swɨkan. Bɛ bǝ sum bule kemʌn na yatǝm nǝl a nyatǝm bʊʊtǝm.

1 Tasalonikaɨ 5:8 ပူးပေါင်းရင်းမြစ်များ

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

Afisa 6:11

Jǝ́ dʊʊ kanjǝl tatǝm kun Kwaamaɨ pʌd sǝ jǝ́ dwal jǝ́ tɨ, jǝ́ kʌshi dul jenɔ a yʊlan mammɨ gǝm.

Afisa 6:23

Yɨm kwamɨgǝnɔ, jǝbɔ swɨkanɔ, jǝbɔ nǝtǝm bɨlǝngkɛl a Kwaama Tɛtɛɨ jǝbɔ a Tɛlalɔ Yesu Kiristii a ta tʌgo gwanggwang a jen gǝm kambɔ.

1 Tasalonikaɨ 5:5

Jʊ a bwɨɨ, gwam jenɔ jǝ́ bɛtɔ lɔ nyalǝmɨ, jǝbɔ bɛtɔ lɔ kɔkɔgɨɨ. Bǝ ke bɔ a kum jǝbɔ kumtojili.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

Ibranii 6:19

Yatǝm nǝl nɨ bǝ nǝngǝnɨ, a maa na anka a daa bǝn woi, wʊnɨ a ta bǝn gwanggwang mɨsɔ bǝ shu lɛɨ. Nǝn gɔ a dɔ fʌlen a mʊgɔ Daa nɨ a Laa Sagsagɨ, a gul dwang nɨ a tǝga kanɨ.

1 Bitrus 1:13

A kɛl dul jʊ nɨ, bɛ jǝ́ fɛka bʊʊlalɨ jenɔ a maatǝm maajɨ. Bɛ jǝ́ ta dul jenɔ. Bɛ jǝ́ ya nǝl jenɔ a dul lǝma nɨ Kwaama nǝ jen nɛ nǝn kwama Yesu Kiristi bɛm lɛɨ.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.