1 Tasalonikaɨ 5:6 - Dadiya NT

⁶ A na nyɔ ka bǝ daa lɛ dum kanga kaamɨ gǝ maam lɛɨ. Bɛ bǝ yɨ yɨm nǝn fɛkalɨ jǝbɔ tɔɔtǝm.

1 Tasalonikaɨ 5:6 ပူးပေါင်းရင်းမြစ်များ

Matta 13:25

Kwama nɨ nǝbɔ gwam daa dum lɛɨ, nǝ kii gǝnɔ a yɔ ya wa kaa dʊʊm yǝla a mʊgɔ twam jaam, nǝngɔ a shui.

Matta 24:42

“Bɛ jǝ́ fɛka yɨm jenɔ, jʊ a bwɨɨ jǝ́ nyǝm bɔ kɔkɔ nɨ Tɛlalɔ jenɔ bɛm lɛɨ.

Matta 25:13

“Gǝ na nyɔ bɛ jǝ́ yɨ nǝn fɛkalɨ, jʊ a bwɨɨ jǝ́ nyǝm bɔ kɔkɔgɔ jǝbɔ kemʌnɔ mǝ yǝla mǝ bɛm lɛɨ.

Matta 25:5

Balɨgɔ a bɛ bɔ dǝbǝr, nǝngɔ ja tǝl nyʊwatǝm dumi, nǝngɔ dumɔ a wɔɔ ji gwamɨ.

Matta 26:38

Nǝngɔ a sʊwa ji gɔ, “Fitǝm nǝl nɨ mǝ nyʊwa lɛ nǝnɨ, maamɔ jʌ i jʌ i. Jǝ́ yɨ fɔ, jǝ́ maa tɔɔtǝm jǝbɔ mǝ.”

Markus 13:37

Jʊ nɨ mǝ sʊwa lɛɨ, mǝ sʊwa jen gwam, ‘Bɛ jǝ́ yɨɨ nǝn fɛkalɨ!’ ”

Luka 12:37

Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.

Luka 12:39

Bɛ jǝ́ nyǝm na nǝ lɔngɔ a nyǝm kwama nɨ nǝkuugɔ bɛm lɛɨ, na a fɛka a kʌshi lɔ gǝnɔ ka nǝkuugɔ a dɔ gǝm lɔ.

Luka 21:36

Jǝ́ yɨ nǝn fɛkalɨ. Jǝ́ kela Kwaamagɔ lɛ kwangkwang, sǝ jǝ́ nya kwaan bʊʊtǝm a kanjǝl nɨ bwɨ lɛ a kǝgaɨ, sǝ jǝ́ tɨ nǝn fulotǝm nǝl a kǝga Bʊla Nǝlɨ.”

Luka 22:46

Nǝngɔ a bʌ ji gɔ, “N wɛ a bwɨ jǝ́ daa dum lɛɨ? Jǝ́ gun jǝ́ maa keligɔ, kage jǝ́ yal a mʊgɔ tɛltǝm.”

Maajɨ Bɛtɔ Twamagɨɨ 20:31

A kɛl dul jʊ nɨ, bɛ jǝ́ yɨ nǝn fɛkalɨ! Jǝ́ bʊʊla jolɔ taal, kum jǝbɔ kɔkɔ, mǝ bǝla bɔ gʊtǝm lɔl jenɔ nǝn kɛl jǝbɔ mwɛ num.

1 Korinti 15:34

Jǝ́ yǝla jǝ́ bɛ a bʊʊlalɨ nyan jenɔ gǝm. Jǝ́ bǝla yɨmɔ wo a mʊgɔ bwɨlangkɛl. Kaam jenɔ a nyǝm bɔ Kwaama. Mǝ sʊwa nyɔ, sǝ jǝ́ nyʊwa gunidul.

1 Korinti 16:13

Jǝ́ yɨ yɨm fɛkalɨ. Jǝ́ bɨ nǝl a nǝtǝm bɨlǝngkɛl jenɔ gǝm. Jǝ́ kʊʊ nǝl. Jǝ́ tɨ nǝn kwaan.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

Afisa 5:14

N jʊ a bwɨ ja sʊwa gɔ, “Kǝla, mʊ nʊ nɨ mʊ daa dum lɛɨ. Gun a bwaa. Kiristi nʊng nʊng nyalǝm a dul mʊn.”

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

Filibii 4:5

Bɛ nǝbɔ gwam a kuwo shigtǝm dul jenɔ. Bɛtǝm Tɛlalɔɨ a dwama.

Kolosii 4:2

Jǝ́ ja kǝga nǝn maatǝm keli. Jǝ́ yɨ nǝn fɛkalɨ a mʊgɔ gǝn jǝbɔ buutǝm kang.

1 Tasalonikaɨ 4:13

Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.

1 Tasalonikaɨ 5:10

wʊnɨ a bʊla a kɛl dul bǝnɨ, sǝ na bǝ nǝn kʊlɨ, na bǝ bʊla bʊlaɨ, kwama a bɛmɨ, bǝ yɨ dakini jǝbɔ gɔ.

1 Tasalonikaɨ 5:8

A bǝnɔ, bǝ na a yɨm nyalǝm. Bɛ bǝ yɨ yɨm tɔɔtǝm. Bɛ bǝ dʊʊ bɛllɛ kemʌn a nǝtǝm bɨlǝngkɛlɔ jǝbɔ swɨkan. Bɛ bǝ sum bule kemʌn na yatǝm nǝl a nyatǝm bʊʊtǝm.

1 Timoti 2:15

A bʌtʌm bɛtɨɨ, nɔɔtǝmɔ bʊʊ bʊʊ na ja yɨ yɨm nǝtǝm bɨlǝngkɛlɨ, jǝbɔ swɨtǝm, jǝbɔ yɨm sagsag jǝbɔ yɨm nɨ dǝngdǝngɨ.

1 Timoti 2:9

A bwangtǝnɨ, mǝ swɨ lɛ nɔɔtǝmɔ a dʊʊ dʊʊl nɨ a maa jim dǝngdǝngɨ. Ja dʊʊ dʊʊl nɨ a daa tʌgoi. Ke bɔ mumtǝm dul nɨ a shu kwaanɨ, jǝbɔ dʊtǝm kanjǝl mʊn, jǝbɔ tɛl bʊmǝntɨn, jǝbɔ dwang nɨ kemʌnɔ a kwamɨ.

1 Timoti 3:11

Nɔɔtǝlam jinɔ tʌji, bɛ ja yǝlam nǝb shigtǝm dul, ke bɔ nǝb dǝnglatǝm kɛl, bɛ ja yǝlam nǝb tatǝm dul, nǝb tatǝm swatǝm yaa a golantɨnɔ gǝm gwam.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

2 Timoti 4:5

Mɔ, bɛ ń ta dul mʊnɔ a golantɨnɔ gǝm gwam. Kʊ nǝl a nɔɔtǝm gaalan. Maa maajɨ maltǝm nyiyo fulon kɛl lǝmɨgɔ lɛ. Yii maajɨ mʊnɔ.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Titus 2:6

A na nyɔ, bɛ ń gʊ bɛtɔ bayǝlǝmɔ gǝm lɔl, ja ta dul.

1 Bitrus 1:13

A kɛl dul jʊ nɨ, bɛ jǝ́ fɛka bʊʊlalɨ jenɔ a maatǝm maajɨ. Bɛ jǝ́ ta dul jenɔ. Bɛ jǝ́ ya nǝl jenɔ a dul lǝma nɨ Kwaama nǝ jen nɛ nǝn kwama Yesu Kiristi bɛm lɛɨ.

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

1 Bitrus 5:8

Bɛ jǝ́ ta dul jenɔ, jǝ́ yɨ nǝn fɛkalɨ. Nǝ kii jenɔ mammɔ kɛla lɛ na tulʌm nɨ yʊʊl lɛɨ, saa nʊ nɨ lɛ gǝ wo lɛɨ.

Dʊgam Nyangnyang 16:15

“Jǝ́ nyʊwa! Mǝ bɛ lɛ na nǝkuu! Bwiligɔ na a nʊ nɨ yǝm nǝn fɛkalɨ, tɨm nǝn dwang dʊʊl gǝnɨ, kage a yɔ kʊnkʊn, a nyʊwa gunidul a talɨ.”

Dʊgam Nyangnyang 3:2

Gun guni a daatǝm dum mʊnɔ gǝm. Ń sʊtǝn kwaan a jʊ nɨ a bǝlaɨ. Gǝ na a nyiyo bwaaɨ, jʊ a bwɨɨ mǝ kuwo bɔ maajɨ mʊnɔ a yii sǝgǝr a kǝga Kwaamaɨ.