1 Tasalonikaɨ 5:5 - Dadiya NT

⁵ Jʊ a bwɨɨ, gwam jenɔ jǝ́ bɛtɔ lɔ nyalǝmɨ, jǝbɔ bɛtɔ lɔ kɔkɔgɨɨ. Bǝ ke bɔ a kum jǝbɔ kumtojili.

1 Tasalonikaɨ 5:5 ပူးပေါင်းရင်းမြစ်များ

Luka 16:8

“Tɛlalɔ a bǝlá nǝ dʌngtǝm nɨ mɨ nǝn bɨlǝngkɛlɨ a dul yʊlan nɨ ga maaɨ. Nǝbɔ a kal nɨ a mʊgɔ yooli nɨɨ, jǝ nǝn yʊlan a mʊgɔ maajɨ jinɔ gǝm, ja laa nǝb nɨ a mʊgɔ nyalǝmɨ.

Yohana 12:36

Jǝ́ nǝ bɨlǝngkɛl a nyalǝmɔ gǝm nǝn kwama jǝ́ dakini jǝbɔ gɨɨ, sǝ jǝ́ yǝlam bɛtɔ lɔ nyalǝmɨ.” Nǝn kwama Yesu a dɨm sʊwatǝm kɛl nɨɨ, nǝngɔ a shu a wuum nǝn dul gǝnɨ.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Afisa 5:8

Galɨgǝn jǝ́ na a mʊgɔ kumtojili. Kǝngkɔ jǝ́ na a mʊgɔ nyalǝm Tɛlalɔɨ. Jǝ́ maa yɨm nǝb nɨ a nyalǝmɨ.

1 Tasalonikaɨ 5:8

A bǝnɔ, bǝ na a yɨm nyalǝm. Bɛ bǝ yɨ yɨm tɔɔtǝm. Bɛ bǝ dʊʊ bɛllɛ kemʌn a nǝtǝm bɨlǝngkɛlɔ jǝbɔ swɨkan. Bɛ bǝ sum bule kemʌn na yatǝm nǝl a nyatǝm bʊʊtǝm.

1 Yohana 2:8

A kaa golaɨ, diil nɨ mǝ mʊla jem lɛɨ n diil fɨ, wʊnɨ n bɨlǝngǝn a daa Kiristi woi jǝbɔ jen, jʊ a bwɨɨ, kumtojiligɔ shu lɛ, nyalǝm bɨlǝngkɛlɔ a kwɛl beta lɛ.