1 Tasalonikaɨ 5:24 - Dadiya NT

²⁴ Nʊ nɨ a jo jeni, n nʊ gɔ yii swatǝm yaa gǝnɔ lɛɨ.

1 Tasalonikaɨ 5:24 ပူးပေါင်းရင်းမြစ်များ

Matta 24:35

Dʌbʌlɔ jǝbɔ tǝmɔ dɨ dɨ, kɛl mǝndɨ mɨsɔ dɨ lɛ wo.

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Yohana 3:33

Na nʊ nɨ a yo kɛl nɨɨ, a nʊng gɔ Kwaama n nǝ bɨlǝngkɛl.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

1 Korinti 1:9

Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

Galatiya 1:15

Kwaama a jǝg ɨ na lǝga bɔ ja bʌ i. A jo i a mʊgɔ lǝma gǝn. Nǝn fulotǝm nǝl

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

2 Timoti 2:13

Na bǝ ta bɔ swatǝm yaa bǝnɨ, a gǝnɔ mɨsɔ bǝla tatǝm swatǝm yaa gǝnɔ lɛ, jʊ a bwɨɨ mɨsɔ kana dul gǝnɔ lɛ.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Bitrus 1:3

Kwaama a kwaan gǝn a nǝ bǝn kanjǝlɔ gwam a wʊnɨ bǝ swɨ lɛɨ, a daa tʌgo a nǝl Kwaamaɨ. A nǝ bǝn kanjǝl nɨ a gola nyǝmtǝm gǝnɔ bǝ maaɨ. A jo bǝn sǝ bǝ yɨ yɨm dakini jǝbɔ gɔ a mʊgɔ dʊʊlǝn gǝnɔ gǝm jǝbɔ maatǝm jǝ nyan gǝnɔ.

Dʊgam Nyangnyang 17:14

Jǝ ta ta kun jǝbɔ Bɛ Gal nɨ. Bɛ Gal nɨ ja ji ja, jʊ a bwɨɨ nǝn gɔ Tɛlalɔ tɛlalɔtɨnɨ, nǝn gɔ Fɔlɔ fɔlɔlɔmɨ. Gɔ jǝbɔ nǝb nɨ jǝ dakinii, nǝji jǝ nǝb jotǝmɔ, jǝbɔ nǝb jǝgamtǝmɔ, jǝbɔ nǝb tatǝm swatǝm yaagɨɨ.”