19 Ka jǝ́ bǝm lɛ Yʊwa Kwaamaɨ.
“Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ!
Na Kwaama a nʊng kaa nǝl win wʊnɨ yǝm yǝmɨ, nǝ tɨkǝga nɨ sʊwa kɛl lɛɨ, bɛ ga yɨ shig.
Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.
A sʊtǝnɨ, bɛ nǝtǝm bɨlǝngkɛlɔ a yǝlam kʊsa jen, wʊnɨ jǝ́ dwal lɛ jǝ́ dum ben kǝla bʊgɔ nǝ bwɨla nɨ nǝnɨ.
Ka jǝ́ soga lɛ kɛl kuwotǝmkǝgagɔ.
Bɛ ka ń bǝla lɛ lǝma nɨ ja nǝ ńɨ, wʊnɨ ja nǝ ń a kuwotǝmkǝgaɨ, nǝn kwama nɨ mʊrkalɨ nǝb dʊʊm bwangtǝmɔ a ya mʊn kangɨ.
N jʊ a bwɨ mǝ swɨ lɛ n bʊʊla mʊnɨ, bɛ ń fɛ ń maa maajɨ nǝn lǝma nɨ mʊ nǝnɨ, wʊnɨ Kwaama a nǝ ńɨ, nǝn kwama mǝ ya mʊn kang bwilii.
